Агата Кристи

[Luckky]

Агата Кристи (англиски: Agatha Christie; 15 септември 1890 - 12 јануари 1976), позната и како Агата Мери Клариса Милер (Agatha Mary Clarissa Miller) или според псевдонимот Мери Вестмакот (Mary Westmacott) е британска писателка на мистериозни романи, раскази, креатор на Херкул Поаро (белгискиот детектив), и Мис Џејн Марпл. Кристи има напишано повеќе од 70 детективски романи под презимето на нејзиниот прв маж, Колонел Аркибалд Кристи. Таа има издадено и неколку љубовни романи и една книга за деца. Агата Кристи е длабоко почитувана како мајсторка на неизвесноста, заговорот, живоописното опишување на ликовите и маестралните заплети и трилери.

Дали имате прочитано некое дело од Агата Кристи?
Кое Ви е омилено, и зошто е тоа така?
Што ви се допаѓа а што ви пречи во нејзиниот стил на пишување?
Кои ви се омилени нејзини книги?


Мене Агата Кристи ми е омилената писателка. Секогаш сум воодушевена од секоја нејзина книга и приказните што ги носи истата. Ми се допаѓа живоописниот начин со кој се опишани ликовите и нивните карактеристики како и околината во кои се наоѓаат истите. Омилен дел ми е расплетот, кога скоро секогаш е тешко да се прептостави кој стои зад убиствата. Ги имам прочитано скоро сите нејзини книги а омилени ми се - "Десетте мали црнци" , "Мистеријата на седумте часовници" , " Големата четворка", "Кој ќе го фати бранот" , "Зло под сонцето" "Непозната дестинација" итн итн )

 

[Scars]

скоро сите книги ми се од неа.
''Мистеријата на синиот воз''
''Куќата на злото''
''Убиство на теренот за голф''... мислам дека така се викаше
и не ми текнува други кои ги имам прочитано али има извонредни дела и мистериозни

 

[The_Mayor]

Респект до писателката, но јас не сум љубител на крим романите, не сум прочитал ништо од неа.

 

[Марија]

Ја почитува затоа што е писателка, секој напишан збор е достоен за восхит така веројатно и нејзиниот, имам прочитано неколку книги од неа, не ми текнува на насловите и не сум воодушевена, не сакам крим романи во стилот со кој таа пишува. Не носат возбуда, монотони се.

 

[MissChievous]

Генијална е! Не можам да и се изначудам на интелегенцијата и имагинацијата.

 

[Slims]

Една од омилените ми е, ја читам секој пат кога можам.
Женава ги направила книгите толку непредвидливо интересни што се читаат во еден здив.
Омилена дефинитивно ми е „Убиство во Ориент Експрес“, бидејќи крајот ме остави потполно нема.

 

[LMFAO]

Имам читано повеќе книги од Агата Кристи и мое лично мислење е дека премногу шематски навлегува во приказните, постојаното држење во неизвесност станува досадно особено кога се повторуваат слични приказни и тематики, посебно дело што ми остави впечаток е Убиство во Ориент Експрес, некако што се одвојуваше од останатите ја читав од 13 часот до 4 изутрината.
Во принцип сакам романи со филозофска содржина, сакам кога се чуствува духот на писателот и неговата мисла, нека биде и преку ликовите или преку нараторот не е важно тоа но сакам кога книгата ми пренесува важна порака.

 

[Mardy Bum]

За почеток е интересна, неколку книги и навлегувате во шаблонот. Имам прочитано повеќе од Агата ама само кога немам дома нешто во тој момент или да направам пауза меѓу нешто потешка литература, а и многу брзо се читаат, никогаш не сум посакала да се навратам повторно на некоја од нејзините книги

 

[Avona Vi]

Една од моите омилени писателки пошто сакам романи со криминална содржина. Ми се допаѓа начинот на кој те држи во неизвесност и ретко кога можеш да погодиш кој е убиецот. Омилени:
Убиство во Ориент експрес
Пајаковата мрежа
Поаро - почетни дела
Убиство во Месопотамија
Кој ќе го фати бранот?

 

[InnaLaurie]

Прво нејзино дело што го имам прочитано беше „Убиство во Ориент - Експрес“ и бев воодушевена. Потоа ја читав „Азбучните убиства“ и „Стапица за глувци“ (драма), но брзо ми здосади, некако многу го одолговлекува крајот.