Многу ми е безвеза кога ги гледам луѓево како се потресуваат за време на празници, како трошат суми кои не можат да си ги дозволат, како канат гости кои не можат да ги поднесат, како во неработните денови се утепуваат од работа по дома, како на посни денови се прејадуваат и опиваат, како го слават името божјо радувајки се над заклано божјо дете на преполна трпеза, како преку цела година робуваат и кукаат дека за ништо не им стигнува, задолжени се насекаде, заглавени со кредити а за празник секогаш има, не само за себе, туку и за другите, но не за оние кои имаат малку или немаат, за оние на кои им е потребно...
Ги мразам сите празници а бадник посебно ми е одвратен, некако уште од самото детство ме фаќала анксиозност на овој празник, најверојатно поради тоа што додека се седи на бадниковата вечера не се станува, па умирав од досада слушајки ги муабетите за политика или други такви грди муабети за возрасни, а јас како дете не сум имала право да си пеам, да си зборам што ми се сака бидејки бадникова вечера било, а за одвратностите на возрасните секогаш е време и место, а посебно на бадник кога сите ке се соберат. Го мразам и поради паричката во лебчето. Од цело семејство само еден има право да има целосна среќа во идната година? Е многу христијански нема што. Ај возрасните и така не се собираат заради паричката, тој адет а бил, а не бил, им е гајле, тие се тука за винцето и политиката, а жените за да се покажат како добри домаќинки, ама што е со децата? Незнам зошто, како за инат баш во мене се паѓаше паричката секоја година, а среќа никако немав, па ја сфатив преварата која стои зад сето тоа уште по втората или третата паричка од бадниковото лебче и мразев кога ке ми падне мене, намерно ја фрлав некаде, знаев дека носи некое проклетство и ја лажев мајка ми дека несакајки сум ја изгубила. Брат ми па секогаш плачеше кога немаше да се падне кај него, па му подметнуваа лажни парички за да не плаче, тој и ден денес мисли дека кај него се паќала паричката... хм... и кај мене и кај него секоја гдина... ок, друга ми е поентава... поентата е дека не носи радоост ниту еден е**н адет од оваа паганско-христијанска религија и дека џабе работите секој ден по цел ден за да имате да се прчите на празници. Ниту вие сте среќни, ниту децата ваши. Џабе се собирате цели семејства, пријатели, комшии, глумите дека сте многу среќни што сте сите заедно и си разменувате комплименти и подароци кога остатокот од времето воопшто и не помислувате едни на други, освен кога си пуштате клетви...
На фб денес со страв од време навреме ѕиркам, панични напади добивам од статусиве. Колку сите сме добри само и колку сме христијани, бре, бре... ми се гади од вашиот христијански дух и вашата добрина. Ако сте толку чисти и духовно богати што не дадовте на некој што се мрзне надвор барем од трошките од вашата трпеза? Селфија над божиќната вечера, која од која по домаќинка, кој од кој со поголем стомак... грозотии невидени...
Традиција! хаха... смешна ми е самата помисла... какви се глупирања се дешаваат во име на традицијата, ама ај... друг пат за тоа.
