Саеми на книги

[Ghtalpo]

Можно е да е некој денар повеќе, но повеќе од 300 ден. од книга не сум дал. Румена Бужаровска ја знам од поодамна како младо чељаде има знаење позади неа. Имаше и новоиздадена книга на Гоце Смилевски од Дијалог но со тешко срце ги одбив пошто ги спичкав парите предтоа.

Ја прашавме таа на штандот за што се работи во новата книга на Гоце и ни вика тајна...па ако не ми кажеш три збора како да знам дали да ја купам.Некако непрофесионално од нејзина страна.Тој Веле брат ли му е на Гоце?

 

[Ditto+Maker]

Бидејќи во каталогот на Антолог нема цени, сакам да ве прашам како се цените на нивните книги. Попусти, ова- она?

 

[Saladin]

Бидејќи во каталогот на Антолог нема цени, сакам да ве прашам како се цените на нивните книги. Попусти, ова- она?

200-300 тука се. Има и нешто по 150. Воглавно убави наслови, као главно протеже на Барико. Им опцув сочно мајка зошто не ја реиздадоа Новеченто и се изнасмејаа. Едни од светлата точка на саемот.

 

[Ditto+Maker]

Еве што зедов јас:
- Преживеј за да раскажуваш- Лиса Гарднер( Сакам Книги);
- Во одбрана на Џејкоб- Вилијам Лендеј( Сакам Книги);
- Роза за балерината- Лурлин МекДениел( Сакам Книги);
- Без страв- Лурлин МекДениел( Сакам Книги);
- Крај на светот во Бреслау- Марек Крајевски( Бегемот);
- Те паметам- Ирса Сиркуртартоутир( Бегемот);
- Затворено преку зима- Јорн Л. Хорст( Бегемот);
- Црвец- Џон Фаулс ( Или Или) и
- Вишнова хроника- Фросина Пармаковска( Или Или).

 

[existence]

Јас едно шест години редовно одам на саемов и саемов од година во година доживува дееволуција. Секоја година е поужасен од претходниот. Порано барав нешто што ме интересираше да читам и не наоѓав (барав по нешто од Ниче и Шопенхауер) или наоѓав некои толкувања (?!) кои искрено ми беа понижување да ги погледнам. Годинава гледам изобилие од Моќни книги (моќта на потсвеста, свеста, парите, умот, Јода) пропратени од стари изданија. Да не спомнувам стручна литература, мајке ми видов книга за компјутерски мрежи од Таненбаум од пред 6 години и уште не ми е јасно кој мозок ја довлечкал на саем наместо во музеј. Секоја година изобилие од љубовни тралалајки и креативни наслови, а да бидам и искрен тешко е да се направи селекција на добра приказна во време кога секој трет издава книга (ова тренд некој на втората декада од 21ви век) и се нарекува уметничка душа. Да не го должам, ако некој има цел ден да го расшета саемов веројатно би нашол по нешто интересно, јас и годинава не најдов тоа што сакав да читам (до душа и веќе не ми е толку битно, интернет има се` што ми треба) и така.

 

[Давор]

Бев на саем и јас и не сум нешто задоволен. Ептен мал избор на книги, барем онаков тип на книги каков што јас си читам. Покрај тоа, многу ме изнервира тоа што малечкиве немаат никакво чувство за почит. Наставничката им довикнува Ајде двајца по двајца, едно момче ја имитираа Ајде шесторујца по шесторујца Две девојчиња прават селфи, на околу дванаесетина година, уште цицаат млеко од мајка им, они со извиткани коси, триста кила спрејови на косата, им свети си мислиш новогодишна елка, шминка на нив што да ви зборам, и наставничката му вика на едното Ајде Ана не го испуштај редот, и неколку пати така ја опомена се додека девојчево, верувале или не, и врати со Леле бе наставничке ама замарате! Јас искрено, да и го кажев тоа на некоја од моите наставнички, најверојатно ќе добиев една врела шлаканица. И како да е малку тоа, истите тие подоцна ги слушам на влез како зборуват:
-Абе кај се задржаа овие?
-Кои ма? -Наставничките.
-Си купуват книга човеците бре, олади. (следи понижителна смеа, како да не е тоа кул or something)
Доаѓа едно девојче со некое флаерче и оваа едната (најверојатно drama queen) и го зема и оваа ја моли да и го врати.
-Аман бе, ти тука за книги ли дојде?
-А за што дојде ти тука?-ја прашува една од нејзината дружина.
-За саемот сигурно не.
-повторно громогласна смеа-

 

[MissChievous]

Си ги земав: "Да се убие птицата подбивница" (Харпер Ли), "Лолита" (Владимир Набоков), "Страв и гадење во Лас Вегас" (Хантер С. Томпсон) и "На пат" (Џек Керуак). Сакав и "Кланица 5" (Курт Вонегат) и Луѓе и глувци (Џон Стајнбек), но јас кога бев веќе беа распродадени. Немав многу време за разгледување, знаев што сакам да земам и затоа влегов и купив. Единствено каде што застанав и подразгледав беше кај Академска Книга и имаше доста книгичиња што ми се допаѓаат, но повеќето и без попуст се под 200 денари, така да, тие се попристапни за купување во текот на годината, па не земав ниту една. Што е до мене, мислам дека добро поминав, ми дојде една книга гратис (речиси 2) рачунајќи ги оригиналните цени со овие на попуст.

 

[Altaïr]

Си ги земав: "Да се убие птицата подбивница" (Харпер Ли)

Премногу добра книга, одличен избор.

 

[Outrider]

"Лолита" (Владимир Набоков),

porque?

 

[Saladin]

Miss добар избор, 3 од посочените ги имам прочитано и имаат above average оценка според мене. Ја барав into the wild од Кракауер ама ја вадеа само по порачка што значи додатни трошоци дрн дрн јариња, ќе си чекам едно другарче да ми ја донесе од странство.