Нема зошто да сфатам лично, тоа е аргумент кој многу пати сум го чула. Но ќе ти кажам дека јас многу повеќе како ветеринар ќе наплатам ако ми донесат мачор или куче кое е со рани, бидејќи факт е дека хормоните си го прават своето, на наредно намирисување на женка во циклус пак истото, или кучка со пиометра отколку за стерилизација или кастрација. Друго, да не одиме во тоа кој што пропагира, јас лично не одбрав факултет кој е релативно тежок и трае 6 години само за да сечам само јајца на мачори и да кастрирам, мојата струка ја гледам на многу поразличен начин. Но, тоа сум јас, и ќе се сложам со тебе дека има многу мои колеги кои не си ја сакаат струката, секојдвневно го гледам тоа.
Не, не се сложувам со тебе дека е исто, зошто? Затоа што ние луѓето свесно размислуваме и чести се коментарите од типот ,, да се олесни,,. Кај животните не постои тој термин. Животното нема да пари ,,оти му е ќеф и му се сака,,. А од такви размислувања на сопствениците улиците ни се преполни со скитници и тоа не е добро, за никого, не само за нас, туку и за нив.
Кога си веќе кај вадењето на све и свашта, тогаш зошто вакцинираме, зошто чистиме од екто и ендопаразити? Заради превентива. Луѓе многу попаменти од мене и од моите професори направиле тестирања и откриле ризични фактори и рекле да, шансата да заболи од пиометра кучка што не е кастрирана е толку и толку пати поголема отколку од шансата кучката да заболи од рак на очите(карикирам и давам пример).
Не се сложувам дека урбаната средина е природната средина на мачката. Пред доместификацијата во време пред новата ера, кога живееле првите луѓе тогаш се извршила таа доместификација. Денес мачката живее во градовите бидејќи човекот ја доместифицирал и таа останала покрај него, но во ниеден случај тоа не е во нејзината природа. Со припитомувањето, на некој начин човекот ја презел улогата на бог, и природната селекција се сведува само на мачките кои секој ден роват по контејнерите, а некогаш биле нечии миленици(ма да во тој случај би требало да имаме малку скитници, а тоа не е случајот). Искрено, за мене тоа не е природно. И криви сме ние луѓето, бидејќи ДА, станот не е место за било кое животно, а мачка е уште потешко бидејќи нема каде да се истрча, да се изигра, да ги ,,вежба,, своите инстикти на лов итн. А се знае дека неуморено животно=катастрофа по дома.
Да се сложиме со тоа дека се разминуваме со мислењата кога се работи за медицинскиот дел. Мене така ме учеле и лажеле, јас тебе така ти кажувам и те лажам. Јас размислувам така. Е сега, бидејќи имаш посвоено(ако добро разбрав) од улица доста мачиња, што да правиме со оние кои ја немаат таа среќа, што да правиме со оние кои секој ден се прегазени од автомобили. Како да го решиме проблемот со неодговорните сосптвеници на кои Џеки повеќе не им прави кеиф? Дали мислиш дека труењето и застрелувањето на ние скитници е решение(да, тоа го имав слушнато дека се случувало и воопшто не се сложувам)?
Зошто ја поддржувам кастрацијата и стерилизацијата? Не затоа што јас пари ќе правам, учам и се трудам да работам на многу други работи отколку она што го работат моите колеги. Сум затоа што тука каде што живееме имаме проблем со преголема популација на скитници, животни кои патат, а тоа не е хумано. Сум за, затоа што некој мисли дека со секое парење на кучката на секој циклус ќе се збогати. А правејќи го тоа свесно ја нарушува самата благосостојба на животното, го мачи во буквална смислаи сетоа тоа доведува до дел од проблемите што ги напишав погоре. Кога нашиот ментален склоп ќе се промени, нема зошто да пропагирам с/к, бидејќи знам примери на животни кои никогаш во животот не спариле, а имаат јајца.