Раскази - Хумор и Сатира

Grupa Seirdzii

Староседелец
11 јули 2013
106
83
1,038
74
На власта на која и се може како шо сака, од нашите архитекти побара проектот ,,Скопје 2014,, да биди изработен во бароктен стил. Но што ако на таа иста власт и текне од нашите композитори да побара да ја напишат Девета симфонија. Се прашаме како таа би звучела. Оти петтата веќе ни ја одсвирија. И ни ја запечатија судбината.
 

Grupa Seirdzii

Староседелец
11 јули 2013
106
83
1,038
74
Во историските читанки за уметноста наоѓаме дека барокот во архитектурата како стил се препознавал како италијански, француски, германски, и представува наследство на цивилизацијата. Сега ова четиво треба да се надополни со барокниот стил ,,Скопје 2014,, , но како наследство на имитацијата.

Сакам турците да се вратат во Македонија. Прво. Македонија повторно ќе стани економски најсилна територија на Балканот каква што била во деветнајсеттиот век за време на Отоманската империја. Второ. Со доаѓањето на турците ќе исчезнат и проблемите од меѓунационален вид оти сите ќе не именуваат со заедничко име - раја. Трето. Турците ќе го вратат ќотекот, а овдека кај нас, моментално, многумина заслужуваат и тоа како дебел ќотек. Впрочем, ќотекот уште го паметиме.
 
  • Ми се допаѓа
Реакции: Outrider

Grupa Seirdzii

Староседелец
11 јули 2013
106
83
1,038
74
Пивофест 2013 заврши. Слушаме, толку и толку пиво било испиено, толку и толку скара било изеено, имало толку и толку посетители и гости, толку и толку полупијани и целосно пијани. Но, никој не кажува дека се прекшени два основни закони од законот за точење алкохол со кој се забранува: точење на алкохол на лица помлади од осумнаесет години (барем половината беа на оваа возраст), и дека после 19.00 часот е забранета продажба на алкохол (токму тогаш почнуваше сета пијачка).
Или ... можебо ... сега јас ептем ја претерав ... ебаго.
 

Grupa Seirdzii

Староседелец
11 јули 2013
106
83
1,038
74
Грчки туристи почнале да се шетаат низ битолските сокаци, кажале дека се било нивно, појаделе малку трици и си заминале. Но, што ако низ битолските сокаци почнат де се шетаат турци и евреи. Дури тогаш битолчани ќе останат безништо и на улица. Оти, многу добро се знае чиј беше Монастир.
 

Grupa Seirdzii

Староседелец
11 јули 2013
106
83
1,038
74
Господине Самарас, Ваша eкселенцио, со големо нетрпение и љубопитност го очекувавме вашиот одговор во врска со решението за спорот со името на нашата земја. Ви изразуваме длабока благодарност за вашата решеност и посветеност за решавање на овој долгогодишен спор. Воедно Ви препорачуваме тоа да го направите што поскоро, пред да ја распродадете Вашата земја бидејќи во спротивно ќе нема со кого да преговараме. Доколку и остане некој остров, несме сигурни дали ќе најдеме макар еден од славните и храбри Грци бидејќи сите се тргнати во освојувачки поход кон Европа со намера да го шират Хеленизмот и нудат како сувенир за распродажба, а патем да заработат и некоја корка леб. Секако, нашето трпение ќе има разбирање и за вашиот финансиски долг кој ќе го вратите кога грчката цивилизација, према календарот на Маите, ќе влезе во следниот циклус на броење на годините, односно од циклусот Водолија во циклусот Апокалипса.

Господине Самарас, заради несебичната подршка која ни ја давате за влез во Унијата, ви ветуваме дека ќе дадеме се одсебена на следниот избор за Евровизиска песма нашиот глас да биди пресуден за триумфална победа на вашиот кандидат.Тоа ќе допринесе да се подигне рејтингот на вашето реноме, кое оди паралелно со вашите задолжувања, заради кои Сократ уште еднаш би испил отров.Истовремено, нашите двеста иљади туристи кои ова лето веќе ги запоседнаа грчките плажи ќе дадат свој топол допринос за подигање на оптимистичката плима на Егејските води со тоа што сите по еднаш ќе се олеснат. Воедно, ве уверуваме, дека нашите територијални аспирации кон вашата земја целосно се спласнати, впрочем ниту постоеле, па зато одма да бидиме јасни дека она парче земја кое сега (и вие не знаете како) го нарекувате, отприлика, Северна од Грчка Македонија шо не е Македонија од онаа Македонија а е Македонија, воопшто не не интересира. Ова само колку да ја расчистиме дилемата окулу терминот Грчака Македонија, бидејќи едното со другото нe одат заедно, зошто или си само Грк или само Македонец, како што огнот и водата не одат заедно оти едното со другото се ништат.

Исто така во знак на добрососедство можеме да ви испорачаме ефтини тројански коњи, каков што им подметнавте на наивните тројанци, или оној што им го подметнавте (далеку од помислата дека се наивни) на Унијата во врска со водењето двојно книговодство, па Тројанскиот коњ што им го подметнавте на сопствениот (наивен) народ кога ги задолживте од пред и по н.е. , за реформите за кои им ветувате дека ќе ги остварите тогаш кога азиската и европската континентална плоча ќе се допрат. Впрочем, господине Самарас, Вие во текот на историјата подметнавте многу Тројански коњи, а како најсвеж пример е токму Тројанскиот коњ што сакате да ни го подметнете нам и речиси на цел свет со тврдењето дека вината за нашето не влегување во евроатланските интеграции се членките на Унијата и НАТО, а не токму Вие.

Господине Самарас, бидејќи досегашните преговори по ова прашање не дадоа позитивни резултати, предлагаме промена на преговарачките тимови, односно, наместо дебелиот Вазилакис и полу умрениот Нимиц, за преговарачи, од ваша страна, да ни ги испратите грчките богови од Олимп во чија правичност не се сомневаме, а ние ќе ја испорачаме целата плејада македонски кралеви, цареви и војводи. Главен олеснувач на преговорите нека бид Александар Велики, наречен уште и Македонски. Тимот за преговори, од ваша страна, нека биди надополнет со Господинот Одисеј кој лутал, лутал па најпосле се нашол, па можеби врз база на неговото искуство по долго лутање и вие ќе се пронајдете којстешосте. Од наша страна ќе го испорачаме Господинот Борче Давитковски кој штотуку многу успешно ги реши настаните во Собраниската сала од 24-ти. Единствено ве молиме во целата работа што понастрана да го држите Господинот Платон оти во споредба со неговата ,,Држава,, ,вашата држава е чиста брука, а да бидеме искрени ништо поарна не е ни нашата.

Господине Самарас, јас знам дека Вие интимно би сакале овој проблем да се реши на начин како што овие проблеми обично се решавале на почетокот од дваесеттиот век. Македонија на Балканот, и ако без своја вина, секогаш била третирана, а можеби нај повеќе од Вас, како јаболко на раздорот. Но, не заборавајте, црвот на раздорот од секојпат сте биле Вие.

Со почит.
 

Grupa Seirdzii

Староседелец
11 јули 2013
106
83
1,038
74
Ние ќе трчаме по олимпискиот оган на грците. Геците ќе трчаат по нова транша финансиска помош. Инаку огнот ќе згасне.

Камо среќа да ме лустрираат. Подоцна ќе ме прогласат за жртва на системот. Можи и споменик ќе ми подигнат.
 

Grupa Seirdzii

Староседелец
11 јули 2013
106
83
1,038
74
(ТРН) ВО ОЧИ... НОВАТА ШКОЛКСА ГОДИНА

Откако почнав со интернет, дефинитивно разбрав дека книгата сепак е нај добриот другар на човекот.

Некој наставник ќе му ги истегни ушите на некој ученик затоа што овaј небил мирен, ученикот ќе се пожали кај својот родител, родителот демонстративно ќе истапи пред директорот со образложение дека неговиот син бил претепан, директорот ќе даде соопштение во јавноста, новинарите одмна ќе побараат информација за тоа кога наставникот ќе биди избркан од училиште заради насилство.
Настаните можат да имаат и поинаков ред.
Наставникотна родителот, не еднаш, не двепати, туку повеќепати да му ги истегни ушите затоа што овај не си го воспитал својот син, ученикот одма да биди опсервиран од страна на педагошко-психолошката служба во училиштето, директорот одма да спроведе соодветна воспитна програма за подобрување на дисциплината на учениците, а новинарите кога пишуваат за проблемите во училиштата од своите редови да го исфрлат сензационализмот а не наставниците.

Према извештаите од завршните матурски испити и екстерното тестирање, можи да се заклучи дека нашите ученици нај повеќе ја совладале препишувачката школа. Тоа е само уште еден убав пример на продолжение на нашата прочуена препишувачка школа на те(к)стови од генерација на генарација, од татковци на синови.

Ако во учебниците, подготвувани од врвни експерти, има грашки, тогаш колку грешки се прават кога наставниците, токму заради недостигот на квалитетни учебници, се приморани на учениците школското градиво да им го диктираат во нивните тетратки.

При добивањето на школски оценки вистинско Хамлетовско прашање ,,да се биди или не,, е помеѓу единица и двојка. Двојка врвиш, единица не. Оценките од три до пет се само статистика – за просекот на училиштето.

,,Repetition mater studiorum est,,(Повторувањето е мајка на знаењето). Со новите предлози во образовниот систем, повторување на школската година повеќе нема да има. Значи, нема да има повторување ни на знаењата.
,,Tantum possumus quantum scimus,, . (Толку можеме колку што знаеме).

Наставниците се покажаа по лоши ученици од самите ученици. Некои од нив сеуште незаат како се води електронски дневни, во кои треба, меѓу другото, да пишуваат и единици на оние ученици кои покажуваат слаби резултати по информатички знаења.

Еден ученик кој учел средно за касап, бил пратен на поправен испит по предметот македонски јазик.Откако не знаел да одговори ниту на едно прашање, наставникот му вели: ,,Зарем толку не можеше да научиш нешто макар за еден писател,,. ,,Ебаго, наставниче, јас не че колам писатели,, .
Од ризницата на школски бисери

Еден селанец ќе го однеси магарето да паси трева и трипати ќе појди да види да не се одврзало, да не се заплеткало, паси трева или заскитало....
Еден родител ќе го остави своето дете во училишните клупи и никако да му текни да појди да праша: ,,ова магарево мое, учи или неучи, слуша или неслуша, паси трева или заскитало...
Народна прикаска



==============================================================


Грците сисематски ги оштетуваат регистарските таблички на нашите туристи. Тоа е нешто како недостиг на сообраќајна култура, или...античка култура ?

Договорот кој беше потпишан помеѓу двете нај големи партии во државава по повод настаните од 24-ти декември, од многумина беше прогласен за вреден колку тоалетна хартија.
Би било убаво тој договор да биди како тоалетна хартија – толку долг и толку корисен.

Арно шо ми кажаа дека прашањето за нуклеарката ќе оди на референдум. Навреме да си почнам со стручна едукација за нуклеарна енергија. Тоа им го препорачувам и на останатите милион и двеста иљади граѓани со право на глас.




МНОГУ Е ТЕШКО ЗА ЕДЕН НАРОД КОГА ТРЕБА ДА СЕ ПОКАЖИ ХЕРОЈСТВО – ОСОБЕНО ПРОТИВ СОПСТВЕНАТА ДРЖАВА.
 
  • Ми се допаѓа
Реакции: warr and JaMi

Grupa Seirdzii

Староседелец
11 јули 2013
106
83
1,038
74
ДЕСЕТОБОЈ ЗА ИМЕТО ВО МОНОРИМ

Се зададе некаква си ко’б
За да станам современ си ро’б

Името мое јас да го сменам
Исконот свој да си го прооменам

Ој ти ламјо данајска и бесна
Зарем пак Букурешт го воскресна

Во жива кал и анакронизам
Свеста ти тони во нихилизам

За името свое ќе се борам
Име на предци ќе си воспевам

Македон библиски и пред Христа
Кралство на Великиот што блиста

И Македон и Славјан ќе бидам
И со Божја милост воскликнам

Земја мачна, вечно поробена
Ко Феникс во прав препородена

Со јазик, култура и потомци
Со името свое Македонци

А ти, земјо на тројански коњи
Лицемерна, со пизми и молњи

Сократ по втор пат отров би испил
Диоген пак во буре би се скрил

Оти филозофи свои брукаш
И в’лице етиката ја плукаш

Божем колевка си на Европа
Евро демократија закопа

Со црвени линии се градиш
Чуж’ди територии да крадиш


Себична си и алчна ко ламја
Со туѓи пари баканалија

Јазикот латински e поучен
За пораки умни токму скроен

Victrix causa diis placuit,
ced victa Catoni

(Ќе истраеме за праведна ствар
И ако надеж за успех нема)
 

Grupa Seirdzii

Староседелец
11 јули 2013
106
83
1,038
74
Л Л У С Т Р А Т О Р И И Г У Л А Б А Р И

( П Прилепски мајтап муабети; текстот нетреба да се сфати (не)сериозно; настаните
се се измислени; ликовите се идентични; можи и обратно;


- - Женоо...готов сум...готов !
- - Шо е бре Пецо, шо си готов? Да не ти затекна тебе среде бел ден за некое нешто,
натемаго ?
- - Не мори! Че ме лустрираат, Таске, че ме лустрираат !
- - Шо е бре то, да не е нешто за јадејне ?
- - Море изедов јас лајна, Таске, и то нагладно. Јавно че ме жигосаат, на зидо на срамот че ме
окачат, да плука народо намене.
- - Аман бре Пецо, шо е работава толку ?
- Абе шое? Стоев еднаш на улица со тројца жандари, од овие нашиве. Прашуваа за Даре Дрјачо, кај му биле гулабите, му ги немало, шо му напрајл? Му кажава оти полојната му му ги даде на Трајко Лопатата, а другите ги смени за моторче ,,Томос,, со С‘скана.
- Ами, шо имаш ти со то ?
- - Ами шо имам? Сум давал информации на власта, сум кодошел, имина сум кажувал, душевна болка сум му нанел на лујџето, фамилиите му страдале, кариерата му пропаднала ...
- - На кого бре кариерата, токмак ниеден!? На оние твоине непрокопсанине, сите еден до еде гулабари. Шо кариера ним че им пропадне!?
- - Ами ... шо кариера, летајнето во височини, зар шо друго ? Во ова е работата, Таске. Се шо сум кажал било запишано, се водело досие, а то сега стасало во рацете на Комисјата .. етлиста за Сакале небаре да расчистат со кодошите од турско до каурско. Само уште да има кој да ја расчисти матнава денешенден, да ги прашам ? Досието замене јавно че го покажеле, цел народ да ми го види...
- -Ич да не се срамиш, Пецо, нека ти го видат! Ко има толку мераклии за гледајне тујџи работи, нека повелат.
- - За сеиргледајне...такви има колку сакаш. Еве нааа... олкав, да простиш, ферман, имало замене. Велат, за вакви работи летале и многу поголеми глај одошто мојава ни бричена, ни стрижена.
- -Слушај Пецо, ич ништо не те разбирам. Ај сега, покроце, кажими се со ред?
- - Абе Таске...лани...илим имаше митинг на власва?
- - Е де, имаше, па шо, тебе да не ти се стресо ?
- - Не мори! Туку, она малоно, Соте Симсиле, да ти ги пушти гулабите на летајне токму за време на митинго. Тој чува од сортата туркелии: Дунек, Масарак, Чешок, сите жолто-плаво-цветна боја. Ама, џаол да го земи, то ти била бојата на опозицијата. Ко виделе овие од власва, одма ја свртиле работава политички. Демек, опозицијата им прај сопки, се однесува провокативно и води непринципиелна политика. Побарале случајо да се испита. А јас, будала, на жандарине му кажав дека гулабите се на Симсиле.
- - Лелеее ... шоси напрајл !
- - Ами не само то! Ко видел Киро Курумо дека Симсиле ги лета гулабите, и тој ги летнал негојте. Тоја има од сортата Чакал и Каракур. За непендек, гулабите, т‘м‘н го надлетале митинго почнале да фрлаат птичји измет. Живинчина, шо че му прајш, си вршат работа ко че му дојди. И се долу испоганиле: то ти позиција, то ти опозиција, малите партии, големите партии, определени, неопределени. Долу било вистинска кака...фонија. Сето било слизгајци, партиски залетувања, подслизгувања, заслисгувања, те налево, те надесно. Најпојче настрадале оние неопределените. Не знаеле за која пратија да се фатат, за да не заслизгаат ки’знајкаде. Случајо се претворил во мејџународен скандал. Имало и странски преставници. А јас, пак будаличиште, и за Локумо признав. Ич да не се сетам !
- - Оф бе Господе, абе ти стварно кодош си станал!?
- - И по трет пат ја оплескав, Таске. Гулабите ги летнал и Димзало Поснаманџа. Тој има Белоопашки и Модроопашки. Ги викаат парајлии. Ко че се вивнат во восочини, се вртат и превртуваат наспроти сите закони на природата и гравитацијата. Власта и во то видела опструкција врз нејзиниот легитимитет. Одма излегла со соопштение дека во државава никој несмеј да крши никакви закони, било да се природни, било неприродни. Законо за гравитација че важи само откако че биди динесен во Собрание. Дотогаш, тие че биле единствената привлечна сила окулу која треба се’ да се врти и превртува: вистината и невистината, правдата и неправдата, стравот и уплавот. Уште помалку смеелo некој да се крева толку многу во височини, за случајно да не го загрози нивниот рејтинг. А оние шо се праеле ептем парајлии?...му ги сечеле крилцата. Јас...датибам табието, и за Поснаманџа кажав. Ми с‘испушти, ете!
- - Леле, леле, Пецо, ептем за резил си сторил.
- - Ме прашаа и кој има тренирано гулаби писмоносци. Разбрале оти опозицијата мејџусебе си испрајчале пораки со гулаби писмоносци, шушуру-бушуру, никој ништо да незнај шо исе спрема на власта, ни плано А, ни плано Бе. Му кажав дека такви имаше Ацуле Поштарчето. Тој на времето со гулаби писмоносци и прајчаше љубовни писма на Паца Прчкојца.
- - Абе прчу еден, тебе ептем матната ти го однесла умо! Е ај, друго ами шо кажа ?
- - Ами шо кажав ? На крајо на митинго, власва испуштила јато гулаби како порака за мир мејџу народите. Ама, тие летнале и сис‘пикнале по тавани. Ефекто бил никаков. Опозицијата одма обвинила дека власта испрајча лоши пораки до мејџународната зедница. То беа гулабите на Лазо Дебелогазо. Тој чува Таванари.
- - И, истресе уте некоја зелена !?
- - Како контра на то и опозицијата испуштила јато гулаби. Сакале да ги придобијат и вратат другите јата во своите редови. Арно ама, наместо гулаби, тие биле гугучки, од оние сивине, како сива економија, да с’изразам научно. Останатите јата ко виделе кој им се приближува, се распрснале, усвит фатиле. Не ги сакаат во своите редови заради нивниот начин налетајне, оти летаат и се залетува оштро и праволиниски. Уште не научија дека на небово наше сега дуваат некои поинакви ветришта и промаишта, и дека заради евроатланската огноза потребно е да се завземе поинаков курс на летајне одошто порано. Познати се по изреката ,,кукавичко јајце,, . Че снесат некој смуток и после кукавички ги подметнуваат под тујџи гнезда и штабови. Ко че гугаат, гугаат трослоговно. Нема некоја голема корист од нив. Обично се збираат по паркови, градски улици и плоштади. Јас...и тука подшушнав, кажав чисе гугучките. На Пане Касапо, негој се. Сега се на распродажба за бадијала. Ги бидува за чорба со секакви мирудии.
- - И то го кажа ? Е, многу уба работа си напрајл, Пецо! Си ја збркал работава дотука бидува. Ами сега, шо че биди сотебе, че те апса, че те суда ?
- - Море уште полошо, Таске! Одсега натаму не че можам да вршам јавни функции доживотно. А шотуку решив да се смешам во политикава. Требаше да влезам во раководството на друштвото ,,Перспективни Гулабари,, во нашава месна заедница. И јас од некде да почнам. Џанам, енетиго жив пример, Илија, гулабар со тапија, ама стана прецедател на градо. Вака...сега...се ми пропадна...
- - Ту, ту...чудо едно че бешеод’тебе! Ааа...таа...едикојаси, де...Комисијата, сакав да речам. Шовелиш, че ја испрај работава некојпат?
- Таске, еден краснописец, кого го викале Чехов, на едно место вака напишал: ,,Патот на Комисијата е, како и патот во пеколот, поплочен со добри намери,,. Ама...к‘изнај ? Чепкањето во плевелот на тујџи ракописи тешко можи да ги изнедри зрнцата вистина кои треба да излезат на виделина. Чиниш...како сите да се фатени од птичје слепило.
- - Кој...гулабите ?
- - Не...лујџето !
 
  • Ми се допаѓа
Реакции: Roxelana

Grupa Seirdzii

Староседелец
11 јули 2013
106
83
1,038
74
ЕЈ – ЏЕЈ – ВИ – ЕЈ – АР

(Вистини, полу вистини, и невистини; ликовите се измислени, настаните релативни; текстот е пишуван во шифрирана литерарна форма)

Наредникот Тeri Adamss Smiit беше на своето вообичаено работно место, удобно сместен во својата фотеља и со погледот вперен кон зидот нареден со мноштво компјутерски системи, будно пратејќи се што како информација можеше да дојди донего. Неговата сосредоченост со погледот кон мониторите беше повеќе израз на неговиот професионален пристап и будно око, отколку што системот во моментот укажуваше на нешто што можеше да го привлече вниманието.

Да појасниме !?

Наредникот Теri Adamss Smiit работеше во ,,Центарот за набљудување на светските состојби од ниво на глобална паронија до спална соба,, , или, врз база на политичката диктрина, наречен уште ,,сакаш да кркаш морков или стап,, (по нашки кажано: змијата или магарето). Центарот беше под надлежност на Командата, но и директна врска со Владата. Се состоеше од мрежа на сателитски и компјутерски системи кои будно ја пратеа сотојбата на сите делови од земјината топка, за навремено откривање и превенирање на евентуални жаришта и комфликти, кои на овај или онај начин би можеле да ги загрозат стратешките интереси на Велесилата. Системот беше програмиран и за следење на разни групи, од терористички, туристички, драмски, па се до групен секс, како и за следење на поединци, за нивните идеошки ставови, политички ставови, сексуални ставови, или тоа го парават свое рачно. Да се дојде до ова работно место требаше да се поминат безброј обуки и безбедносни бариери, да се има вистинкса посветеност кон работата и длабоки патриотски чуства кон сопствената Нација. Наредникот Теri Adamss Smiit беше вистинскиот човек за тоа.

Тоа утро наредникот Теri Adamss Smiit, према предвидената програма, на екраните вршеше набљудување на Балконскиот полуостров, регион категоризиран как ,,буре барут,, , со конкретна слика од државата која, према шифрираната порака, се именува како Кутра Македонија, со додавка, за секаква и никава употреба. Наредникот Теri Adamss Smiit, во истиот момент, со широка насмевкаи радосно, како да се сретнал со стар познаник, се вомјази, сеќавајќи се на времето кога на овие простори тлееше воено жариште и кога тој имаше клучна улога во следењето на настаните на теренот и давањето информации кои одеа директно до врвот. За својот професионален допринос и непрегор во работата, од страна на Владата, беше одликуван со ,,Орден со ознака за над човечки напори,, , на што беше посебно горд, без пардон.

Од овој за миг егзалтиран занес, брзо се врати во релноста, усмерувајќи го своето изоштрено аналитичко око кон компјутерските системи кои уште со првиот поглед му покажуваа дека на означениот локалитет не се случува ништо необично или сомнително. Беше тоа вообичаен шематски приказ на една од давнина заспана држава, која со првите мугри се буди од летаргија.

Но, набргу свати дека се излага. Благо го обзеде возбуда откако на еден од компјутерските монитори забележа нејасна индикација за евентуално можно жариште. Не многу долго после тоа системот речиси побудали, покажувајќи јасна слика на мноштво жаришта со секаков интензитет и густина. На наредникот Теri Adamss Smiit во истиот момент му беше јасно: ова е, без сомнение – воено жариште. Процедурата за вонредни состојби му налагаше одма да ги исвести свите предпоставени, а ови понатаму до врвот на Командата.

Како што и доликува на една Велесила, нивото на воената готовност одма беше подигнат на втор степен, и ако владееше целосна неизвеснот бидејќи сеуште не се знаеше за што точно станува збор: воен судир, терористички напад, граѓанска војна, племенска војан, маалска војна помеѓу Центар и Скопје, тепачка со тупаници во парламентот? Одговор немаше на две основни прашања. Прво. Како е можно комфликтот да се случи толку одеднаш, без предходно да се предвиди? Значи ли тоа дека безбедносниот систем подфрлил, што би били равно на катастрофа. Второ. Зошто, и покрај толку големиот број на шпиуни, обавештајци, информатори, кодоши, предавници, пропалици, лигуши, лесни души, продадени души, македонски Сноудени, кои во оваа држава се продаваа на големо и работеа за интересите на странски служби (уште од памтивек), не испратија ниту една информација, предупрадување, анализа на состојбите, макар било каков абер? ,,Па да беше една Мата Хари ќе испратеше многу повеќетајни податоци, отколку сите нив заедно, богати,,!? , незадоволни коментираа во Командата. Всушност, во моментот, ни тоа небеше можно. Во поменатата држава шотуку се одвиваше една од нај спектакуларните полициски акции во која беше разоткриена цела една мрежа на агенти и шпиуни, по што следеше нивно апсење. Шпиунската мрежа беше целосно разбиена.

Но, и покрај молкот и неизвесноста кои владееја, благодарениe на тајниот кр’т кој сеуште се прикриваше и работеше на едно од клучните места во државата, во центарот на Командата сепак пристигна извесна шифрирана порака: Ej–Џеј–Ви–Еј–Ар. Оптимизмот се врати. Шифрата ја презеде службите за таа работа. Ама, набргу, следеше уште едно разочарување. Зборот беше дешифриран, но, неговото значење остана загонетка. Од теренот беа побарани дополнители информации. Кртот овојпат беше по дециден: ,,печи + лупи + мели + пржи + масло + дотури масло = Еј-Џеј–Ви-Еј–Ар,, . Информацијата повторно предизвика дилеми: кој печи, кој кого мели, кој е тој шо дотура масло на комфликтот и создава жаришта. Прашања, прашања колку сакаш? Одговор од никаде!

А тој беше таму долу, на дофат, толку очигледен. Се зависи од тоа со какви намери се гледа на работите.

Баба Стојана тоа утро стана уште порано отколку другпат. Од предходната вечер си беше се спремила. Остана уште огништето. Ја зеде кацијата и машата и почна да чепка во пепелта, барајќи догорчина за да го разгори пламенот. Брзо ги сомле печените па лупените пиперки, ги стави на мангалот и почна со пржење. Лајцата за мешање и маслото и беа прирака. Со погледот се испули кон селото и забележа дека и другите куќи веќе ги разчуриле оџаците и почнале со работа. Беше сезоната на зимници, сите нешто припремаа: печеа, пржеа, вареа, мелеа, дробеа, наклаваа. Кој кога стасал и кај стасал: низ дворови, гаражи, визби, кујни, скелина, мудбаци, под отворено небо, наутро, навечер. На сите страни огништа. Жариште до жариште. Македонија на широко – печи АЈВАР.

Наредникот Teri Adamss Smiit тоа утро сеуште небеше стасал во својата канцеларија. Некој, дали заради заебанција или нешто друго, кој ќе му знае, на бирото му оставил една тегла македонски ајвар. Колку да проба. И научи.






НЕЗНАМ НА КОЈА ЛОТАРИЈА ПОБРГУ ДА СЕ ЈАВАМ ЗА ДОБИТНА КОМБИНАЦИЈА? ДАЛИ НА ЛОТАРИЈАТА ЗА ИЗБОР НА РАБОТНИ МЕСТА, ИЛИ НА ЛОТАРИЈАТА ЗА ВИЗА ЗА АМЕРИКА, ИЛИ НА ЛОТАРИЈАТА ЗА ИГРИ НА СРЕЌА?
ЗНАМ САМО ДЕКА НА ЛОТАРИЈАТА НАРЕЧЕНА ЖИВОТ МЕСТО ДА МЕ УСРЕЌАТ, МЕ УСРАА.
 
  • Ми се допаѓа
Реакции: Roxelana and warr