Поздрави го/ја утрото/денот/ноќта

[smeska]

Го поздравувам утрото
што радост ми носи
иако се будам
со разбушавени коси..

 

[Разголена Уметност]

Сeкое утро за добро започнат ден
Се поткревам на прсти
И се протегам
Да ги дофатам колачињата
Кои сама од себе ги кријам
На највисоката полица во кујната
И земам две по две
Медените срциња
Се секогаш послатки во пар
Ги затворам очите
Го чувствувам вкусот
На чоколадото
Неодоливо како тебе
И вишната
Кисело слатка ко мене
Но без неа нема магија
Ммммм
Ме потсеќаат на бакнеж
Ммммм
Ме потсеќаат на нас
Ме потсеќаат на уште добар ден
само за нас
ние постоиме
Добар ден

 

[violetmoon]

Тивка е оваа ноќ,
потивка и од тишината,
можеби и таа
за денот сонува,
и завидувам признавам,
јас својот сон го отсонував,
сон кој и будна го ткаев,
сон како никој претходно,
сон во кој месечината
се смееше и го осветлуваше
патот до мојата среќа.
Месечинке засвети пак,
засвети силно како никогаш,
заслепи се пред тебе,
и врати ми го мојот сон,
тој што ми го украде,
тој кој мене и мојата душа
ќе ја осветли повеќе и од тебе
ноќва.

 

[Ghtalpo]

Со натежнати капаци на очите ја отпоздравувам ноќта....Лека ноќ.

 

[violetmoon]

Да те поздравам пред да се изгубиш со првиот зрак светлина во утрото кое со необичен сон ќе ме покрие.
Добра ноќ..

 

[*V******]

Ако ти фалат насмевки
помини покрај мојата душа....
земи колку ти се потребни...
..а на заминуванје остави една
да ја ставам секогаш кога ке се сетам на тебе.
.......
Утре е нов ДЕН.

 

[Prashina]

Ти благодарам дену што утрото ми почна со насмевка,
што нечија мисла доплива на бранот како миг,
и во полусон душата ја изми од тежина,
ти благодарам изгрејсонце кое вечерва заоѓаш во мене,
и целата топлина ја преливаш недопрена,
ти благодарам животе,
за се што видов и невидов,
за се што пројдов, за сите посакувања и радости,
што од тага ме засолна во светлина,
што сретнав прекрасни луѓе попат,
а и за оние кои незнаеја колку се прекрасни во моите очи,
и за се што помислив, дену
ти на дланка го донесе.
Ти благодарам за мирниот сон во кој полека заспивам
и за надежта дека со утрото утре повторно се раѓам.