Пирошки

[Trouble]

Сите забораивте дека треба и тартар сос нели?
Во него ги макаме,рецепта некој и за него нека напише

ја ги јадам со мајонез само, овие вториве што ги постнaв, така ми се највкусни, и со јогуртче плус мјамиии
ама еве и од тартарот
Состав
* 2 дл мајонез
* 1 сецкана кисела краставица
* 1 лажица сечкан магдонос
* половина чаша бело вино
* сок од половина лимон
* 1 лажичка сенф
* бибер, сол
Подготовка
Во сад налејте го виното и додадете го мајонезот па промешајте. На смесата додадете ги сецканите краставици, магдоносот, сенфот, сокот од лимон, бибер и сол по вкус сe заедно повторно промешајте.

 

[Badgirl]

Eдно од моите омилени јадења

 

[Lepaa]

Еве и од мене еден рецепт

400гр брашно
1 чаша кисело млеко или јогурт
1 јајце
малку сол, 1 пециво и малку квасец ( може една малечка коцкичка)
Сето ова убаво се меси, не се оставаат да стасаат. Откако ќе се замесат одма се суче кора ( знаете како да не објаснувам

внатре се става по желба: салама, сирење и др. и потоа се пржат во врело масло.
Потребни состојки
- 125 грама Шунка
- 1 лажица/ци Сол
- 125 грама Сирење
- 1 кесичка/ки Прашак за печиво
- 400 грама Брашно
- 200 милилитри Јогурт
- 1 Јајца/це
Начин на подготовка
Исејте го брашното заедно со пецивото, ставете го во вангла.
Направете вдлабнатина па додајте ги јогуртот, солта, јајцето, рендано сирење и ситно сечканата шунка. Замесете тесто па расукајте го и направете правоаголници.
Испржете ги во во загреано масло.
Испржени ставете ги кујнска хартија, убаво да се исцедат па послужете.

 

[JaMi]

Порции
4 лица

Состојки
2 јајца
1 чаша јогурт
1 печиво
200 гр. сирење
400 гр. брашно
Подготовка

Во длабок сад измешајте ги јогуртот,јајцата,пецивото,ситно издробеното сирење и брашното. Со миксер замесете тесто.
Од тестото расукајте кора и исечете ја на ленти со големина од 20 см. Оставете ги лентите да одстојат 10 мин.
Пржете ги пирошките во тава со масло на силен оган. По пржењето пирошките извадете ги врз хартиена салфетка за да се впие вишокот на масло. Послужете ги топли со чаша јогурт.

БРЗИ ПИРОШКИ

- 125 грама шунка
- 1 лажица сол
- 125 грама сирење
- 1 кесичка прашок за печиво
- 400 грама брашно
- 200 милилитри јогурт
- 1 јајце

Брашното, заедно со печивото, ставете го во сад за месење. Направете вдлабнатина во средината и додајте ги јогуртот, солта, јајцето, сирењето (изрендано или изгмечено со виљушка) и ситно исечканата шунка. Замесете тесто од сите продукти, расукајте го и на крајот направете правоаголни форми од целото тесто. Правоаголниците испржете ги во добро загреано масло. Откога ќе се испржат, ставете ги на кујнска хартија за да се исцеди маслото.

 

[JaMi]

ПИРОШКИ СО ШУНКА, КАШКАВАЛ И СИРЕЊЕ НАПРАВЕНИ ОД ОБЛАНДИ

Потребни состојки:
1 обланда
50 гр. сусам
200 гр. шунка
3 јајца
6 кисели краставички
2 лажици брашно
2 лажци презла
200 гр. кашкавал
200 гр. сирење
150 гр. мајонез
Масло за јадење
Мелен црн пипер и сол

Припрема:
Завиткајте ја обландата во мокра кујнска крпа. Ситно исецкајте ја шунката, изрендајте го кашкавалот и сирењето, па додадете 2 лажици од мајонезот, 4 сецкани кисели краставички и промешајте. Обландата исечете ја на три еднакви дела. Филувајте го секој дел и завиткајте го во ролат, а потоа завиткајте ги и краевите.
Секоја пирошка извалкајте ја прво во брашно, па во јајца, па на крајот во презла со сусам. Испржете ги пирошките на загреано масло додека не поруменат. Потоа ставете ги на салфетка за да се упие вишокот на маснотија.
За тартар сос исрендајте ги киселите краставички, исцедете ги и додадете ги во мајонезот, па наросете црн пипер и промешајте.
На чинија за сервирање ставете зелена салата, па наредете ги пирошките и во посебен мал са ставете го тартар сосот.

 

[Sesil]

Јас овој рецепт го најдов на ФБ, ги направив и супер излегоа

ПИРОШКИ ОД КОМПИРИ

Состојки:
Тесто:
500 гр. брашно
200 мл. млако млеко
7 гр. сув квасец
300 гр. варени компири
2 жолчки
1 лажичка сол
3 лажици масло
Подготовка:

Компирите се лупат и се варат. Кога ќе се сварат се цедат и се пасираат. Во друг сад се става брашното, се додава солта, квасецот и се промешува. Се додаваат жолчките, маслото, пасираните компири и заедно со млакото млеко се замесува хомогено тестото и се обликува во топка. Се покрива со крпа и се остава на топло место 45 мин.да стасува.

На набрашнета работна маса се става тестото и се премесува. Се расукува кора со големина од 8 мм. и се сечат правоаголници 12 х 8 см. Се филува секој правоаголник и се витка во ролат по должина. Страните од пирошката треба добро да се затворат за филот да не излезе за време на пржењето. Во подлабок сад се става масло и се пржат пирошките рамномерно со постојано превртување. Се служат топли со јогурт или кисело млеко.