- 17 февруари 2012
- 5,085
- 7,019
- 1,683
Имаме една тема на форумот за бизарни музеи, а оваа е посветена општо за музеите низ светот. Тука може да раскажете за некој музеј кој го имате посетено, музеј кој ве импресионирал или разочарал, музеј кој сакате да го посетите. Може да дискутираме што има да понуди одреден музеј, какви поставки постојат, архитектурата на самиот објект, итн.
Не можам да се пофалам дека имам многу шетано ни светот и посетувано разни музеи, но меѓу поубавите музеи кои ги имам посетено е музејот Орсеј во Париз. Овој музеј е поранешна железничка станица изградена во 1900 година која работела како таква се до 1939 година, а потоа била затворена за употреба. Во 1962 година овој објект се искористил за снимање на филмот The Trial, а подоцна некое време се користел како театар и сала за аукции. Иако се размислувало за рушење на овој објект, сепак градската власт на Париз решила во 1977 година овој интересен простор да го претворат во музеј кој започнал да функционира на 9 декември 1986 година. Еве како изгледала железничката станица во 1900 година:
Еве како изгледа денес:
Овој музеј ми се допадна од многу причини. Самата градба беше грандиозна со својата beaux arts архитектура и историјата поврзана со неа. Ентериерот беше прекрасен, на таваницата го имаше истиот оној цвет кој го видов и на Триумфалната порта (а мислам дека и во Нотердам), а секако најубавиот дел беше големиот саат кој можете да го видите и на фотографијата од 1900 година. На еден од неколкуте спратови се наоѓаа 2 надворешни часовници позади кои можеш да застанеш и да се насладуваш на прекрасниот видик кон реката Сена.
Секако, главната причина поради која ми се допадна музејот Орсеј е поставката со импресионистички и постимпресионистички дела од великаните како Моне, Мане, Дега, Реаноар, Ван Гог, Гоген, Сисли, Сињак, Сера, итн. Токму тука може да се најдат ремек-делата како што се познатиот автопортрет на Ван Гог од 1889 година и неговата Соба во Арл; Маневата Појадок на трева и контроверзната Олимпија; Игранката во Мулен да ла Галет на Реноар; балерините на Дега и многу други познати и прекрасни дела.
Споделете импресии, приказни и информации за одреден музеј во светот.
Не можам да се пофалам дека имам многу шетано ни светот и посетувано разни музеи, но меѓу поубавите музеи кои ги имам посетено е музејот Орсеј во Париз. Овој музеј е поранешна железничка станица изградена во 1900 година која работела како таква се до 1939 година, а потоа била затворена за употреба. Во 1962 година овој објект се искористил за снимање на филмот The Trial, а подоцна некое време се користел како театар и сала за аукции. Иако се размислувало за рушење на овој објект, сепак градската власт на Париз решила во 1977 година овој интересен простор да го претворат во музеј кој започнал да функционира на 9 декември 1986 година. Еве како изгледала железничката станица во 1900 година:
Еве како изгледа денес:
Овој музеј ми се допадна од многу причини. Самата градба беше грандиозна со својата beaux arts архитектура и историјата поврзана со неа. Ентериерот беше прекрасен, на таваницата го имаше истиот оној цвет кој го видов и на Триумфалната порта (а мислам дека и во Нотердам), а секако најубавиот дел беше големиот саат кој можете да го видите и на фотографијата од 1900 година. На еден од неколкуте спратови се наоѓаа 2 надворешни часовници позади кои можеш да застанеш и да се насладуваш на прекрасниот видик кон реката Сена.
Секако, главната причина поради која ми се допадна музејот Орсеј е поставката со импресионистички и постимпресионистички дела од великаните како Моне, Мане, Дега, Реаноар, Ван Гог, Гоген, Сисли, Сињак, Сера, итн. Токму тука може да се најдат ремек-делата како што се познатиот автопортрет на Ван Гог од 1889 година и неговата Соба во Арл; Маневата Појадок на трева и контроверзната Олимпија; Игранката во Мулен да ла Галет на Реноар; балерините на Дега и многу други познати и прекрасни дела.
Споделете импресии, приказни и информации за одреден музеј во светот.
Бев на музеј на отворено, поморски во Амстердам, ок не е баш музеј во таа смисла но закотвени се стари бродови, реставрирани уште од 17.век, феноменални импресии.
