Еееее ме погоди со темава
Коктелине што ги има по нет сите се океј али кај нас пола од состојките немаме а и друга ствар што коктел како коктел сегде се прави различно
Така да еве од мене неколку коктелчиња што ги имам пробано и правено од кој најомилен ми е Пина Колада
најосвежувачкиот летен коктел-Мохито
Состојки
50ml бел рум (Havana Club, Bacardi)
2 ч.л. шеќер
1 зелен лимон
10 ливчиња од нане
мраз
газирана вода
Подготовка
Мохито се служи во висока чаша без рачка.
- Ставете ги во чашата ливчињата од нане и зелениот лимон исечен на 4 парчиња.
- Додајте го шеќерот и со помош на толчник започнете да ги гмечите состојките. Со тоа аромата од нането се меша со аромата од лимонот.
- Наполнете ја чашата со мраз и потоа додајте го румот и газираната вода. Мешајте со сламка за да се раствори шеќерот.
Можете да користите шеќерен сируп или шеќер во прав наместо обичен шеќер. За да направите шеќерен сируп загревајте вода и шеќер во однос 1:1 и мешајте додека шеќерот не се раствори. Некои употребуваат Спрајт наместо газирана вода.
- Украсете со парче зелен лимон.
Даикири (Daiquiri) е едноставен коктел со незаборавлив вкус. Ако румот е вашиот омилен пијалок нема како, а да не ви се допадне овој коктел.
Состојки
60ml бел рум
30ml сок од зелен лимон
2 ч.л. шеќер
(или 20ml шеќерен сируп)
мраз
Подготовка
Даикири се служи во чаша за мартини.
- Ставете неколку коцки мраз во чашата и оставете ги додека го приготвувате коктелот.
- Во шејкер со мраз ставете ги румот, шеќерот (шеќерниот сируп) и исцедете 30ml сок од зелен лимон.
- Растресете го шејкерот за околу 20 секунди.
- Отстранете го мразот од чашата во која ќе го служите коктелот.
- Исцедете ја течноста и украсете со тенко исечено кругче зелен лимон.
Камикази (Kamikaze) Еднакви количини на водка, ликер од портокал и сок од зелен лимон, можат да се служат како коктел во чаша за мартини или во мала чаша за текила како шот.
Состојки
30ml водка
30ml ликер од портокал (Triple sec, Cointreau)
30ml сок од зелен лимон
мраз
Подготовка
Камиказе се служи во мала чаша, како за текила
- Наполнете ја чашата со мраз и оставете ја да се лади додека го приготвувате коктелот.
- Во шејкер со мраз ставете ги водката, ликерот од портокал и сокот од зелен лимон. Можете да употребувате и сок од жолт лимон, но што и да го изберете најдобро е да користите пресно исцеден сок.
- Растресете го шејкерот. Доволно е тоа да го правите 20 секунди.
- Отстранете го мразот од чашата, прецедете ја течноста и налејте ја во чашата.
- Украсете со парче лимон.
За да постигнете посилен визуален ефект можете да користите
Blue Curacao (син ликер од портокал), кој ќе му даде сино-зелена боја на коктелот.
Уживајте!
Овој го правев сега скоро, нема две недели, и тоа по некои 10тина шатчиња од еднаш, мада мене ми се измешаа затоа шо не му ја мислев многу дали ќе се измешаат или не, на луѓето им беше само битно да пијат шатови
Б-52 (B-52) е вкусен коктел кој привлекува со својот интересен изглед. Името го добива по американските авиони бомбардери Б-52.
Состојки
15ml ликер од кафе (Kahlua, Tia Maria)
15ml ликер од ирски крем (Baileys, Irish Cream)
15ml ликер од портокал (Grand Marnier, Triple sec, Cointreau)
Подготовка
Коктелот Б-52 се служи во мала чаша како за текила. Трите состојки имаат различна густина и поради тоа можеме да добиеме
три слоја.
- Започнете со ликерот од кафе. Налејте го во чашата.
Наредниот пијалок треба да претставува нов слој и треба да има видлива и јасна граница меѓу двата слоја. Затоа ви е потребна лажица.
- Поставете ја лажицата до работ на чашата, точно над ликерот од кафе. Внимателно и со тенок млаз налевајте го ликерот од ирски крем врз лажицата. Ако го правите правилно, треба да има два слоја во чашата кои не се мешаат.
- Последниот слој е ликерот од портокал. Повторете ја истата постапка со лажицата. Бидете внимателни и не се разочарувајте ако слоевите се измешаат.
Варијации
Б-53 е Б-52 плус водка (четири слоја).
Б-54 е Б-52 плус амарето (четири слоја).
Б-55 е Б-52 плус апсент (четири слоја).
Б-52 во пустина е Б-52 со текила наместо ликер од ирски крем.
)
