Мое искуство од друга перпектива: со години над мене живееше еден пар под кирија. Со години не поплавуваа и тоа на повеќе места, неколку пати во кујната, еднаш или два пати се случи и во дневната, а најмногу во тоалетот. Се до едно утро кога во 6 саатот не разбуди вистинска поплава. Се будам зошто ги слушам како мајка ми и баба ми викаат, идам во дневна, што да видам. Од едниот кош од таванот, шиба вода. Абе како од чешма пуштена, шиба. Дневната ни пливаше цел ден во вода, среќа паркетот не се крена. Таванот беше лом, целиот распукнат, висеше малтер. Водата кога течеше се прошири низ каналите за струја (или така некако) зошто во сите соби течеше од кај сјалицата. Така да, насекаде таванот беше распукан, но не како во дневната, прав хорор. Со недели смрдеше на мокар малтер, многу работи ни се оштетија. А кој плати за тоа? Ние. Газдата на станот ниту се појави, ниту сакаше на ќираџиите да им помогне на било каков начин. Тие пак ни ветуваа дека кога ќе се малтерисува и кречи, ќе ни исплатат за штетата. Во меѓувреме се преселија и тоа беше тоа. Да не урочам, еве веќе година дена вселени се млад пар кој неодамна доби бебенце и до сега не сме имале никаков проблем. Така да, се случува навистина на некои да не им е грижа за местото во кое живеат под кирија и си прават што сакаат.
