Ајде и јас да кажам една диета што ја има држено една моја другарка.
Нема забранети јадења, и се е до комбинацијата на храната.
За појадок се внесуваат шеќери и јаглехидрати.
Може да појадувате мафин, парче ролат, овошје какво сакате, еурокрем, сладолед, можете празни кифли, ѓеврек, ама да не биде измешано. Пример, ако јадете кифла, ќе јадете празна кифла, не кифла со сирење, или бурек со месо и слично.
За ручек ќе си ручате што имате дома, со кришка леб, или без леб уште поубаво, можете во комбинација со салата.
За вечера протеини во комбинација со некоја зелена салата, сирење, чаша млеко, јогурт..на пример варен пилешки стек со марула, или краставичка со кисело млеко. Шопска со малце сиренце..
Битно е меѓу оброците да има размак најмногу 4-5 саати. Да се почитува редоследот на внес на јадењето, што е за појадок, што за ручек, што за вечера. Ако сакате поефективни резултати, отфрлете го благото и лебо, или конзумирајте, но многу ретко, и нормално, ако немате забранети јадења, да не значи дека постилате софри насабајле или навечер, па да се настегате три лиснати и кило месо.
Диетава ја имам читано и по форуми, луѓе без физичка активност, со нормално движење намалуваат и до 4 килограми за десетина дена.
Другарка ми за еден месец ослабе 6 кила, си се движеше само онака, нормално. Си јадеше по кришка леб, ама благо одбегнуваше.
Во текот на денот ужинки се забранети, можете само кафе или чај, ама, без шеќер. А утринското кафе или чај може да го конзумирате со шеќер. Исто газираните сокови, и другите сокови купечки, ако ги пиете, пијте ги наутро, секако, во умерена количина. Првата недела можеби нема да имате резултати, бидејќи му треба време на организмот да навикне на ваквиот режим, после тоа ќе ви биде полесно.
Јаглехидратите кои ги внесувате наутро, се трошат во текот на денот и затоа се ставени за појадок.
Ајт, со среќа.
