Откако наполнил две години, Камерон Макалау почнал за зборува и на своето семејство да им прераскажува како изгледал неговиот живот со претходното семејство, тврдејќи дека живеел на островот Бара, а неговата приказна не се менувала наредните три години, туку само уште повеќе се детализирала. Малечкото момче Камерон од Глазгов цврсто верува во живот по смртта! Тој се сеќава на далечниот шкотски остров Бара на кој, како што тврдел, живеел во „бела куќа“ со мајка му, татко му и тројца браќа и сестри.
Камерон на својата сегашна мајка ѝ објаснил како „паднал низ дупката“ и дошол кај неа, а во последно време момчето сè повеќе е вознемирено, бидејќи му недостига неговото претходно семејство. „Никој од нас никогаш не го одвел таму. Од почетокот не се грижевме, но сега сè повеќе сме загрижени, бидејќи е далеку од своето семејство на Бара“, изјавила неговата мајка Норма.
Во градинката Камерон раскажувал како во белата куќа имал три бањи, а во станот во Глазгов има само една. Кога зборувал за другиот татко, Шон Робертсон, рекол дека умрел, бидејќи не погледнал на „двете страни“, веројатно мислел дека го удрил автомобил. Всушност, откако почнал да зборува, малиот зборува за својот претходен живот - секогаш истата приказна, но со текот на времето многу подетална.
Зачудувачки резултати
Овој неверојатен феномен на реинкарнација го проучувал психијатарот Ијан Стивенсон, кој тврдел дека во истражувања со деца открил уште 2.500 позитивни случаи на реинкарнација. Стивенсон отишол во пензија во 2002 година, починал пет години подоцна, но со неговите истражувања продолжил психијатарот Џум Б. Тракер, па така загрижената Норма, заедно со петгодишниот Камерон, му се обратиле токму нему. Тргнале од приказната на островот Бара, каде што откриле страшни резултати.
„Камерон беше воодушевен. Слетавме на плажата токму како што кажа. Ми рече дека смета оти јас и неговата претходна мајка добро би се согласувале. И тогаш ме праша дали му верувам сега“, раскажува Норма. Со Камерон се сретнале и историчари, кои им кажале дека навистина постоело семејството Робертсон и оти во седумдесеттите години на минатиот век имале бела викендичка. Кога стигнале таму, детето одеднаш се стишило и се повлекло.
Ги нашле сите детали што ги опишал. Со помош на одделот за население, ја нашле и Гилијан Робертсон, која живее во Шкотска и која летувала во белата куќа. Во времето на кое Камерон се сеќава, Гилијан била дете и таа, исто така, се сеќава на кучето кое тој го споменува во своите приказни, но тврди дека немало Шон Робертсон, ниту, пак, некоја смрт во семејството. Иако повеќето спомени на Камерон се потврдиле, и понатаму не постои одговор на некои прашања, а тој сè помалку зборувал за Бара.
Погледнете го видеото: