Затоа што одат во пар, затоа што колку и да не го сакам тоа - се зависни едно од друго.
Луѓето ќе речат какви времиња дојдоа, само материјалните ствари се ценат и само парите се гледаат. Од секогаш било така, така е, така и ќе биде.
Можеби моето мислење нема да им се допадне на многумина ама јас мислам дека парите и те како влијаат. Од љубов не се живее, посебно кога треба да плаќаш сметки, да гледаш да сошиеш крај со крај. Кога тие проблеми ќе натежнат, љубовта полека се гаси. Значи не да ме разберете погрешно, ниту јас не сакам партнер кој е мултимилионер и кој добива се што ќе посака само ако пукне два пати со прстите. Сакам партнер со пристојна работа, сакам да биде на еднакво рамниште како мене, да добива приходи кои се сосем доволни за еден нормален живот. Големи разлики не се убави, затоа што секогаш би се чувствувала како charity work и би мразела некој мене да ме издржува. Самостална сум, амбициозна (некогаш дури и премногу), и искрено сакам да добивам приходи затоа што навистина давам се од себе. Просто е, со саканиот можеш да си дозволиш еден пристоен викенд, одмор, да не мора секој ден да се чукаш со главата како ќе го пребродиш месецот.
Сепак тркалото се врти, и да ги имаш парите не треба да се занесуваш, животот е круг, еднаш си горе, еднаш си доле. Ако се опседнеш само со нив, ќе мислиш само колку повеќе да се збогатиш, колку повеќе да заштедеш и колку помалку да дадеш.
Затоа златна средина е најубаво, според мене. Луѓе кои викаат ама нема врска, ние се сакаме, љубовта е над се, ужасно грешат. Порано или подоцна и тие го сфаќаат тоа, сфаќаат дека се што лета не се јаде.
А и за здравјето. Живееме во ера каде големите фармацевтски компании издаваат лекарства кои можат да помогнат кога станува збор за лечење, дури и за продолжување на животот. Медицината е гнасна, некои болести се излезени од лабораторија и се само за фармацевските индустрии да цветаат. Ако немаш пари, џабе ти е се. Дури и со лекови кој знае дали ќе се излечеш, а не пак без нив. Значи затоа секој човек треба да се труди да оствари нешто во животот, за да има кога ќе е најпотребно.
А и искрено парите нудат задоволства, да си бидеме реални. Изгледот не е се, ама јес да ми ја дига самодовербата кога ќе облечам јака штикла, кога ќе се дотерам како што сакам и кога ќе си дозволам да потрошам на нешто што силно го посакувам. А да глумам света Росалинда тука и да кажувам како парите ништо не ми влијаат, како сакам само партнер кој ме сака немам намера. За тоа има кастинзи во Аргентина, Мексико... Таму се снимаат сапуниците каде Хосе Марија Ангел Сантос се вљубува во Марија Гвадалупе де Иносента, тој доктор а таа цвеќарка и магично се заљубува во неа. Јеа, рајт.
, му вика те сакам ова, она, одма ги рашири ноџината 
, 
