Брзи и лесни рецепти

[True_Blood]

Ај да ви кажам еден рецепт вчера што го направив, онака за мезе за мене и другарка ми.
Сама си го измислив, брзо,едноставно, а да ви кажам праи кејф

Потребни состојки:

- 1 пакетче Брускети марети ( најдобро од оние што се микс на сирења или спанаќ со сирење)
- 2 зденки
- 200 мл павлака ( или повеќе, зависи од вкус)
- дробено сирење по желба,
- 1 краставица свежа
- маслинки ( 5-6 зависи)

Подготовка:

Брускетите ги кршите на пола и ги ставате во сад. Зденките ги сецкате на коцкички и ги додавате на брускетите, заедно со дробеното сирење и павлаката. Краставицата ја сецкате ситно ( може и да ја изрендате) и ја додавате и мешате се заедно.
Многу малку може да капнете маслиново масло, колку за да си добијат симбиоза состојките и на крајсе ставаат маслинките. Јас користев од оние без семка и ги исков на пола, за поголеми парчиња.
По желба може малку сол и бибер да ставите, па дури и малку мајонез.

Убаво е, да си знаете

 

[Selma]

Ова може за вечера или додаток за главно јадење.

• павлака
• шунка
• краставици (може и свежи или кисели)
• варени макарони (по желба)
• може да додате и нешто друго

Ги сецкате шунката и краставичките и ако додавате нешто друго, на крај само убаво измешајте.

 

[MissChievous]

Со само две состојки: http://www.buzzfeed.com/peggy/34-insanely-simple-two-ingredient-recipes/

 

[Lepaa]

Едноставен и лесен рецепт за печурки со ориз
Состојки:

• 2 филџани бел ориз
• 2 коцки супа (кокошкина, говедска или од зеленчук)
• 1 голем исечкан кромид
• 2-3 големи лажици путер
• 2 кутии шампињони
• 1 кафена лажичка сушен копар

Начин на подготовка :

Згответе го оризот според најбезбедниот светски познат метод на готвење ориз - во сооднос со водата од 2:1 (2 филџана вода на 1 филџан ориз). Кога водата во тенџерчето ќе го достигне истото ниво со оризот, намалете ја ринглата, покријте го тенџерчето и гответе на тивок оган уште околу 15 минути.

Додека го динстате оризот, ставете го кромидот да се пржи во голема тава заедно со путерот, а потоа додајте ги коцките супа. Откако кромидот ќе стане златен, додајте ги печуркитеи сушениот копар и динстајте сè додека печурките не станат меки.

Кога оризот ви е веќе готов, помешајте го со смесата од печурки и кромид во поголем сад, но внимавајте да не го смачкате оризот. Украсете со неколку гранчиња свеж копар.
Натопете ги исечените парчиња леб во изматени и посолени јајца исто како за кога би ги пржеле.
Наредете ги во тавче за печење подмачкано со маргарин. Одозгора ставете им некое зарзаватче по ваш избор: сиренце, кашкавалче, шунка, печурче, маслинче итн. Потоа ставете ги да се потпечат во рерна колку да поруменат лепчињата. Многу се вкусни и брзи а што е уште подобро нема да се умирисате на пржено!!!! Пробајте ги, проверено!!!

 

[JaMi]

 

[JaMi]

Мекици
ПОТРЕБНИ СОСТОЈКИ:
10 грама Шеќер
малку Сол
100 милилитри Масло
1 Квасец
1 килограм/и Брашно

ПОДГОТОВКА:
Квасецот се раствора во една чаша млака вода.
Потоа во длабок сад се меси тестото додавајќи 900 гр. брашно и водата од чашата со квасецот (доколку оваа вода е малку, додаваме само топла вода).
Откако тестото добро ќе се измеси се остава да отстои на топло за да нарасне.
Откако тестото ќе нарасне, во тава на оган се загрева поголема количина на масло.
А потоа од тестото се кинат парчиња и со раце се обликуваат кори во форма на тавата и една по една се пржат.
Откако ќе се испржат ставете ги во една чинија да се исцеди маслото.

ТАЈНИ ОКОЛУ ПРЖЕЊЕТО НА МЕКИЦИТЕ

Капнете неколку капки ракија за да не се полнат многу со масло. 1 Капаче ракија на едно кило брашно. Се капнува во тестото
Пробајте како што е напишана рецептата и кога ќе стасаат посипете пола лажиче пециво и измешајте ги па после пржете ги. Ќе бидат многу меки и нема да бидат мрсни. Најбитно е тестото да не биде ниту многу меко ниту многу тврдо.
Да не ви гори маслото ставете 3-5 зрна жив грав во маслото и пржете колку сакате, наздравје.

Ѓевреци

Состојки
25 г. свеж квасец
50 г. стопен маргарин
1 јајце
2 лажици шеќер
1 лажичка сол
1 жолчка
2 лажици млеко
250 мл. млако млеко
500 г. брашно и +

Подготовка
1. Брашното го просејуваме.
2. Во длабок сад го ставаме брашното и правиме во средината дупка, го рониме квасецот, додаваме 2 лажици шеќер и го ставаме целото млако млеко и оставаме квасецот да стаса.
3. Изработуваме доста тврдо тесто го покриваме со крпа и го оставаме да го зголеми волуменот.
4. Кога тестото ќе стаса внатре додаваме 1 јајце, стопениот маргарин, сол и брашно малку да добиеме меко и еластично тесто и се добро измесуваме околу 4-5 мин, за сите состојки добро да се соединат. Го покриваме тестото со крпа и го оставаме повторно да стасува.
5. Стасаното тесто го делиме на 7 дела и од секој дел правиме сукалца долги 40 цм. и краевите ги составуваме.
6. Ѓевреците ги премачкуваме со жолчка во која сме додале 2 лажици млеко и ги наросуваме обилно со сусам.
7.Се печат во подмачкана тепсија на 180 Ц додека не добијат убава румена боја.

 

[MissChievous]

 

[Selma]

Во павлака додавате сецкана шунка, кисели краставички/може и свежи, оригано, кашкавал, и што уште сакате. Може како додаток со некое јадење или пак само ова, јас само ова за вечера.

Сос за пилешко

• мајонез
• кисели краставички

ги рендате краставичките,може и сецкани, но со рендани некако е повкусно. Ренданите краставички додадете ги во мајонезот и Voila!

 

[Lepaa]

Топчиња со кафе

-40 грама кафе
-400 грама костени -80 гр чоколадо
-125 грама путер -100 гр шеќер во прав
-100 мл рум
Путерот се мати со шеќерот,се додаваат пасираните костени,румот,кафето и добро се меша.Со рака се прават топчиња.

 

[MissChievous]