BMW AG потекнува од три други компании: Rapp Motorenwerke и Bayerische Flugzeugwerke (BFw) од Баварија, и Fahrzeugfabrik Eisenach од Тирингија (герм. Туринген).
Rapp Motorenwerke
Во 1913 година Karl Rapp ја основа компанијата Rapp Motorenwerke близу Минхен во неколку дрвени бараки од поранешна фабрика за велосипеди. Rapp ја избира локацијата поради близината со фабриката на Gustav Otto кој го снабдува со четири-цилиндарски авионски мотори.
По започнувањето на Првата светска војна, Rapp почнува да ја снабдува со авионски мотори австриската армија, меѓутоа поради проблемите со вибрација на моторите, војската престанува со нарачките. Rapp во меѓувреме е и кооперант на Austro-Daimler за изработка на нивните V12 авионски мотори.
На 7 март 1916 година, Rapp Motorenwerke станува Bayerische Motoren Werke GmbH. Franz Josef Popp (со кого има соработка преку Austro-Daimler) е човекот кој го убедува Karl Rapp да го вработи Max Friz, млад конструктор на авионски мотори и инженер во Daimler. Во период од неколку недели Friz конструира нов авионски мотор со иновативен карбуратор и низа други технички детали кој бил супериорен во однос на било кој германски авио мотор. Подоцна овој мотор ќе стане светски познат под називот “BMW IIIa”.
IIIa
Max Friz со овој мотор всушност им покажува на менаџерите дека досегашните мотори на Karl Rapp практично ја запирале компанијата за понатамошен успех. Во Friz тие сега имаат одличен главен инженер и не се повеќе зависни од Rapp и на 25 јули 1917 година партнерите во компанијата го раскинуваат договорот на Karl Rapp.
Otto-Flugzeugwerke
Gustav Otto е син на Nikolaus August Otto, изумителот на четири-тактниот мотор со внатрешно согорување. Во 1910 година, Otto основа тренинг центар и фабрика за авиони - Otto-Flugzeugwerke. Тој се концентрира на изградба на авиони инспирирани од Farman (и самиот имал лиценца за Aviatik-Farman) и набргу станува главен снабдувач на Кралскиот Баварски летечки корпус. И двете негови компании (Otto-Werke и AGO Werke) кои од 1914 развиваат различни авиони, не се успешни во обезбедувањето нарачки од пруската војска поради необјасниви пропусти во квалитетот. Поради финансиски проблеми, во февруари 1916 година компанијата на Otto е купена од конзорциум кој го вклучува MAN AG како и некои банки. Еден месец подоцна на имотот на компанијата, инвеститорите покренуваат нов бизнис, Bayerische Flugzeugwerke AG. Компанијата AGO е затворена во 1918 година, а погоните се превземени од AEG.
Bayerische Flugzeugwerke (BFW)
Во февруари 1916 година, MAN AG и неколку банки го купуваат фабриката за авиони Gustav Otto Flugmaschinenfabrik. На имотот на оваа компанија инвеститорите поставуваат нов бизнис, Bayerische Flugzeugwerke AG (BFW). Нема време за развој, па така BFW произведува авион под лиценца од Albatros Flugzeugwerke од Берлин. Ова значи дека за неколку месеца, компанијата е во состојба да испорача авиони за воените министерства на Прусија и Баварија, меѓутоа уште на почетокот наидуваат на големи проблеми со квалитетот. Германските воени корпуси често се жалат на сериозни дефекти кои се јавуваат во првите мотори од BFW. Причина за овие недостатоци е недоволната прецизност во производството поради тоа што најголемиот дел од работната сила во BFW е превземена од Otto Flugzeugwerke. Само организациски промени и поинтензивна супервизија на производството ги решаваат овие проблеми до крајот на 1916. Со надминување на овој проблем, BFW во месеците кои доаѓаат започнува да произведува по 100 авиони месечно со 3000 работници и прераснува во најголем производител на авиони во Баварија.
Albatros
povejke na
http://www.avtoportal.mk/index.php/niz-istorijata/istorija-marki/item/252-istorija-bmw
