Не сте многу стари ама...
1. Првиот дел на Матрикс излезе пред 12 години, а Киану денес има 46.2. Мајка Тереза и Лејди Дијана се починати цели 14 години.
3. Терминатор 2 е 20 години стар филм.
4. Шон Конери има 80 години и е во пензија.
5. Првата книга за Хари Потер беше објавена пред 14 години.
6. Децата родени во 1993-та, дена легално можат да возат, да пијат и да гласаат на избори.
7. Паркот Јура е постар од Џастин Бибер.
8. Фејсбук постои веќе 7 години.
9. Windows XP беше објавен пред 10 години, во 2001-ва.
10. Пирс Броснан последен пат беше Бонд пред 9 години.
11. Пројдоа 10 години од нападите на кулите близначки.
извор: www.on.net.mk
- Цивилизираниот свет од изминативе 3.500 години историја, само 230 години живее во мир.
- Најголемото дрво на светот Шерман, е високо 91 метар.
- Кикириките се користат при изработка на динамит.
- Земјините тектонски плочи се движат со иста брзина со која расте и човечкиот нокт.
- На Земјата, секој ден е подолг од претходниот за 0,00000002 секунди, заради намалување на земјината брзина.
- Гепардот е единствен од родот мачки кој не може да ги вовлече своите канџи.
- Кечапот потекнува од Кина.
- Пчелите и желките се наглуви.
- Шах-мат на арапски значи “кралот е мртов“.
- Болката во телото се движи со брзина од 110 m/s.
- Најголема светска фирма е индиската железница. Има повеќе од милион вработени.
- Ајнштај почнал да зборува на 6 години.
- Прв e-mail преку Интернет е пратен во 1972 година.
- Скарата ја измислил Леонардо да Винчи!?
- Кравата може да се опијани ако се храни со јаболка.
- Хитлер и Наполеон имале по еден тестис.
- Грчката химна има 158 строфи. Не постои грк кој ја знае химната на памет.
14 факти кои не сте ги знаеле за своето тело
1. Отисок од јазикот
Имено, исто како и прстите, и јазикот на секоја личност на светот има единствен отисок.2. Перутање
Не создава само вашиот љубимец хаос со перутање по ќошињата на собата. И човекот создава првут и отфрла околу 600 илјади честици кожа секој час. Тоа значи дека секоја година вашиот стан ќе биде „побогат“ за околу половина килограм мртви клетки, секако ако не го чистите. Просечен човек за 70 години ќе отфрли неверојатни 47 килограми кожа.
3. Број на коски
Возрасен човек има неколку коски помалку од бебињата. Се раѓаме со околу 350 коски, но поради нивното сраснување во текот на растот завршуваме само со 206.
4. Паметење на мириси
Вашиот нос не е осетлив како оној на кучето, но затоа може да запомни 50 илјади различни мириси.
5. Долги црева
Тенкото црево е околу четири пати подолго од висината на просечен возрасен човек. Бидејќи е долго 5-7 метри не би можело да го собере во стомакот ако не е извиткано.
6. Бактерии
Секој квадратен сантиметар на вашата кожа е прекриен со околу шест милиони бактерии, но за среќа повеќето се безопасни.
7. Извор на непријатен мирис
Извор на непријатен мирис на стапалата и пазувите е потта, а луѓето излачуваат со литри течности преку стапалата. Секое стапало има повеќе од 500 илјади потни жлезди и може да произведе повеќе од половина литар пот дневно.
8. Брзина на кивање
Воздухот во текот на кивањето патува со брзина од 160 km/h или повеќе, што е доволна причина да ставите рака пред носот и устата.
9. Крвоток
Крвта поминува многу долг пат: кога би се надоврзале сите крвни садови од човековото тело еден на друг, нивната должина би била 60.000 километри. Покрај тоа, вредното срце пумпа 7,5 илјади литри крв секој ден.
10. Количина на плунка
Во текот на животот просечен човек произведува 25.000 литри плунка што е доволно да се наполнат два базена.
11. Потреба за сон
Дали сте знаеле дека без храна можете да издржите со недели, но без сон ниту единаесет дена?
12. Крчење
Од 60-тата година на живот 60% мажи и 40% жени крчат. Меѓутоа, звукот на крчење може да ги оглуви. Иако просечното крчење произведува бучава од 60 децибели, што е еквивалент на гласност на нормален разговор. Некои луѓе можат да произведат и 80 децибели звук со крчење. Тоа е гласно колку и пневматска дупчалка за цимент. Нивото на бучава од 85 децибели се смета за штетно за човековото уво.
12. Боја на коса и број на влакна
Бојата на косата помага да оцените колку е густа вашата коса, а во тоа водат блондинките. Просечен човек има околу 100 илјади фоликули на влакна од кои секој е способен да произведе 20 независни влакна во текот на животот на човекот. Блондинките имаат 146, оние со црна коса имаат околу 110, додека луѓето со црвена коса имаат најмалку густа коса – во просек 86 илјади фоликули.
13. Нокти
Ноктите најбргу растат на прстите кои најчесто се употребуваат. Затоа секогаш ќе имате подолги нокти на раката со која што пишувате и тоа на најдолгиот прст. Во просек, ноктот расте околу 2 милиметри месечно.
14. Глава
Не е чудно што бебето во почетокот не може да ја држи главата исправено. Имено човековата глава е една четвртина од нашата височина при раѓање, но подоцна е долга една осмина од вкупната височина.
извор: www.crnobelo.com
Факти за МекДоналдс кои не сте ги знаеле
- „Мекдоналдс“ послужува еден отсто од светската популација секој ден;
- Секоја секунда продаваат повеќе од 75 хамбургери;
- Доколку „Мекдоналдс“ беше држава, нејзината економија ќе беше 90-та по ред во светот по големина. Годишно, синџирот остварува приходи во висина од 24 милијарди американски долари;
- Ако на оваа сума ги додадеме и 32 милијарди долари што ги остваруваат франшизите, „Мекдоналдс“ би се искачил на 68-мото место и би имал поголема економија од земја како Еквадор;
- „Мекдоналдс“ секоја година најмува еден милион работници во САД, а според компаниските проценки, еден од осум работоспособни Американци некогаш бил нивен вработен;
- „Мекдоналдс“ е најголемиот светски дистрибутер на играчки, а секој петти нивен оброк содржи една;
- Нивното лого е попрепознатливо од христијанскиот крст (според едно интернационално истражување, 88 отсто од испитаниците го идентификувале логото, додека само 54 отсто од нив го препознале христијанскиот крст);
- Англиската кралица поседува еден ресторан во гратчето Слау;
- Во текот на наредните три години, „Мекдоналдс“ во Кина, во просек, ќе отвора по еден ресторан секој ден;
- Во 18 земји во кои синџирот е присутен постои и опција за домашна достава. Штета, Македонија е одмината;
- Половина милијарда тони говедско месо (пет и половина милиони глави добиток) се јадат само во американските ресторани;
- И, најдоброто за крај – иако е една од најголемите светски корпорации, „Мекдоналдс“ има и локални менија. Во Јапонија има сендвичи со суши, Индија мени со кари, Израел го има нивниот национален ќебаб во изведба на „Мекдоналдс“, Шпанија – гаспачо супа... и многу, многу повеќе регионални опции.
На темава можете да споделувате секакви факти и занимливости
