Но не знаеме дали самовилата во Пепелашка е нејзината мајка, можеби е, можеби не е, можеби е нешто трето. Ти веруваш дека е така и го пренесуваш сопственото верување на детето. Што ако сепак постојат самовили?
Ние како родители грешиме со тоа што се обидуваме да ги одговориме сите детски прашања. Така се убива фантазијата и креативноста. Што ако верува во работи кои за возрасните им се бесмислени? Не значи дека така ќе стане идиот кој мисли дека светот е хармоничен. И така од сите страни се бомбардирани со негативни вести и глупи човечки политики. Фантазијата ќе ги заштити и ќе им даде можност да веруваат дека светот не е тотално негативен. Децата се многу попаметни од нас и сосема способни сами да оценат што е и како е. Само треба да им се остави слободата да гледаат од сите страни.
Никогаш не сум објаснувала кој е или не е Дедо Мраз. Со време сами си сфатиле.
За облекувањето исто, еве конкретно ќерка ми. Додека беше мала си се шеташе и гола и по гаќи и со маички, секако. Сега е голема па не бара да шета гола, ниту па некогаш ме прашала зошто смее или не смее. Некои работи се просто така, непишани правила и стандарди на цивилизацијата. Не станува збор секогаш за срам, некогаш е тоа само однос кон сопствената интима.
Зошто секој да те гледа гол (и физички и психички)? Не мора сѐ да биде за сечии очи.
