Човештвото и иднината на општественото уредување

[Abraxas]

Општествените системи неможат туку така да се променат, за тоа е потребно целосно репрограмирање на човековата свест, потребно е масовно будење!
Додека му робуваме на егото дотогаш ке бидеме слепи за нас самите првенствено, за светот околу нас, за единството помегу нас и околината, за она што Кроули го нарекува волја...
Натпреварите секогаш го привлекувале заспаниот човек- за жал. Тој слепо верува дека победата во тие општествени, манипулативни, ``видео игри`` ке го поткрепи, дека ке го крене на висок пиадестал, а со тоа го заборава својот идентитет, заборава на својата волја, заспива и живее како машина.
Јас цврсто верувам дека секој поединец може да биде она што му е волја и цврсто верувам дека доколку би живееле во свет во кој што секој поединец ке има потполно право, слобода и простор за да си ја исполни сопствената волја, ке владее хармонија.

Според филозофијата на Телемата секој е и ќе биде тоа што е (Liber Al II:58). Тоа е така, бидејќи се менува само тоа што е непостојано, илузорно. Вистинската суштина е неменлива, исто како што и Вистинската Волја е неменлива.
Според ова, обидите да се смени било кој се сизифова цел, залудни и бесцелни - сите ќе бидат тоа што се, а не нешто друго. Трудот според мене би требало да биде насочен не кон менување на секој поединец, туку менување на начинот на кој власта го добива својот легитимитет.
Тоа е онаа "формула" за која се зборуваше во цитатите, формула според која секој ќе има право да ја исполни својата Волја, но и обврска да не го попречи истото на другите.
Таквиот систем може да биде во исто време и демократија и тоталитаризам и анархија и хиерархија, бидејќи ќе се заснова на научен метод а не на морал, етика или теократија темелена на сваќања и вредности кој се менливи.

 

[existence]

Уредувањата кои што владеат денес не функционираат воопшто во полза на природната селекција.
Денешните општествени уредувања функционираат така што ја наградуваат алчноста и желбата за моќ преку средства. Не станува збор за ментална надмоќ, не станува збор за надмоќ на интелигенцијата туку станува збор за надмоќ во вештачка наметната категорија која произлегува од екстремната себичност и алчност и желбата за контрола. Човештвото не напреднува со целиот потенцијал затоа што човештвото не функционира како заедница. Општествата денес служат за прифаќање на наметнатите норми, наметнатите правила и наметнатите начини на размислување. Она што јас го сметам како цивилизациски напредок е систем во кој нема да владее алчноста и вештачки наметнатите вредности туку ќе владее природен натпревар без никакво спротиставување на природните принципи. Кога целото човештво би било една комуна чија што цел е заеднички напредок тогаш би рекол дека човештвото напреднало. Логички заклучоци донесени со здрав разум недопрени од вештачки наметнати авторитети би требало да го водат човештвото. Потребата за „свое“ треба да исчезне и треба да се појави свест за напредок на колективот, комуната напредува само ако сите во неа даваат допринос без да бидат водени од желбата за да бидат наградени и признаени. Во случај на напредок комуната би ги наградила и би ги признала сите кои што придонеле кон тој напредок но тоа не смее да биде иницијалната желба и мотив туку иницијалната желба и мотив треба да биде задоволството од напредокот на комуната.
Гордоста на начинот на кој што ја перцепираме денес треба да исчезне и секој да се навикне на природната борба и природните предизвици. Кога некој заслужен авторитет е засенет од друг кој што предизвикал поголем напредок треба да го прифати тоа како природна борба меѓу два ума во која победува подобриот.
Системот треба да функционира со наградување од комуната наместо со казнување, но сепак не смее наградата да постане иницијатор за било каква акција. Казната за оној кој се противи на напредокот на комуната ќе постане самиот неуспех на истата единка затоа што свеста на комуната би фукнционирала така што напредокот би бил темел на кој што би се потпирала истата.
Уште многу би пишувал на темата ама полека преминувам кон нешто друго затоа ќе престанам овде и ќе гледам да отворам друга тема во која би го надополнил постот.