Што знам, англиски одлично се учи и сам. Го учам од 7-8 години така по курсеви, сум сменила и одлични и никакви професорки. Повеќе ми помогна од ТВ, нет и сопствен интерес, па можам дури слободно да кажам дека го знам на ниво на мајчин јазик. И јас сум дипломиран професор по англиски и книжевносг и одговорно тврдам дека не секој што предава по овие приватни школи (па и основни и средни училишта), заслужува да ја носи таа титула.
Има толку, ТОЛКУ неписмени, приучени луѓе, што некогаш ми иде да им викам на родителите да бегаат од тоа школо или тој професор.
Секако, интеракција со луѓе што го зборат јазикот си треба, ама треба и да се распраша човек наоколу за професорот што предава. Има луѓе што ги знам што никогаш не оделе на курс, па го владеат скоро перфектно. Многу е до кликерот и желбата.
За учење по дома би препорачала мнооогу филмови, серии и документарки со превод. Првин може да се изгледа епизодата со македонски, па со англиски субтитли и така лесно се прави конекција и компарација. Слушање песни исто - лесно е да се научи текстот на по некоја песна на англиски (и нејзиниот превод). Ми се случувало да учам и користам фрази од песни така. Си потпевнувам т.е. ја премотувам песната и ќе ми текне зборче што можам да го искористам.
Следен чекор е читање книги - најдобро на мобилен и на апликации што имаат вграден речник каде со едно тапкање на екранот се појавува дефиницијата на зборот. Англискиот е многу богат јазик и некогаш постојат повеќе зборови за еден ист поим, а сепак не може да се употреби било кој од нив во било кој контекст (ваљда го објаснив ова убаво
). Не мора не знам какви книги, супер се и кратки раскази за почеток. Moon+ Reader и eBook Reader се одлични апликации за вакво читање.
Крајно, ако се почнува од нула, Дуолинго е незаменлива апликација, посебно кога не ви е за пишување есеи за награда, него за поосновна комуникација и снаоѓање.
