Доколку косата е здрава и негувана, постојат реални можности да се забрза нејзиното растење. Производите што ви ги нудат парфимериите ги содржат истите состојки од природата.
Направете место во тетратката со рецепти за нови и проверени што само позитивно може да дејствуваат на вашата коса. Еве ја листата, а вие можете да почнете да ги тестирате.
Маслиново масло.
Еднаш неделно ставете ѝ на косата маслиново масло и чувајте го околу 30 минути. Потоа нормално измијте ја косата.
Алое вера и мед.
Помешајте малку гел од алое вера и една лажица мед, смесата нанесете ја на главата. Почувајте ја околу 20 минути, измијте ја.
Кромид за здрава коса.
Исечкајте еден кромид и ставете го во шишето со шампон. Оставете го да стои 15 дена и почнете нормално да го користите шампонот. Ваквиот шампон не само што го забрзува растот туку дава неверојатен сјај.
Алое вера и кромид.
Направете си шампон од алое вера и кромид. Користете го 2 до 3 пати во неделата. За поголема ефикасност комбинирајте го со регенератор од рузмарин или од авокадо.
Сок од домати.
Сварете неколку домати, исцедете ги и со водата плакнете го шампонот.
Кокосово масло
Еден ритуал кој е препорачлив за стимулирање на растот на косата е масажа на главата. Истата е особено ефикасна ако главата ја масираме со кокосово масло, затоа што кокосот го потхранува скалпот со потребните витамини. Се што треба да направите е да ги намачкате своите прсти со маслото и потоа со кружни движења да го масирате скалпот околу 10 минути. Косата потоа измијте ја со млака вода.
Маслиново и рицинусово масло
Овие две природни состојки се познати по тоа што го стимулираат растот на косата.3 големи лажици на рицинусово масло се мешаат со истата количина на маслиново масло. Мешавината се загрева се додека не стане поприлично топла. Маслото се нанесува на коренот на косата со помош на прстите. Со кружни движења се масира скалпот во времетраење од 10 до 15 минути.Ова е клучот за поздрава и подолга коса за најбрзо време.