На пуст остров преживеал со трева и дождовница
Спасувачка екипа од руската Архангелската област открија од хеликоптер и евакуираа денеска 25-годишен маж кој побарал помош откако му потонал чамецот во бура во северното Бело Море.
Спасениот Игор Григориев излегол на отворено море на 1 октомври за да собира алги, но откако чамецот му потонал тој успеал да доплива само до остров со површина 50 на 10 метри.
Се хранел со морска трева и пиел дождовница. Тој навел дека веќе се помирел со смртта, но шумот на хеликоптерот кој наближувал го натерал да собере последни сили и да побара помош. Спасувачкиот тим го однел во болница во Архангелск каде било констатирано истоштеност и настинка.