Островите во Грција

[efederer]

Ја обожавам Грција и за мене оваа земја е рај. Воопшто не ме интересира политика и било какви патриотски лупања во гради. Сум работела 7 години таму по ред секое лето и би го правела тоа доживотно да немав работни обврски овде Што се однесува до островите, на Крф одам веќе две години по ред и сум воодушевена. Вистински рај. Се што ве интересира слободно прашајте ме. На кратко - патот до таму е совршен писта среден нов се поминува низ планински превои затоа има многу тунели. Има од прилика 500km. Траект се фаќа во Игуменица - има две можности: Ако сте сместени во северниот дел фаќате траект до главниот град КРф кој обично е нешто поскап, а за во јужниот дел до Лефкими.

Цените за сместување се различни во зависност од место до место но се наоѓа од 8-9 евра на ден па нагоре. Најубаво е да одите со кола, но и да сте со автобус да изнајмите кола, веспа или оние на 4 тркала малите колички затоа што нема поента да одите на островов ако не ги посетите сите сокриени плажи и места.

Според мене најубава плажа е Маратиас (Санта Барбара) во јужниот дел, Барбати е преубава со камчиња и кристална но студена вода, Глифада од песочните, Палеокастрица за нуркање, Сидари има посебен шмек и заливот на вљубените...Цените на храна и лежалки се поевтини од Халкидики, морето е преубаво, имате можности за крстарење до соседните островчиња Паксос и Антипаксос, и низ пештерите....ух, феноменално е.

Можам книга да напишам за островов, топло ви го препорачувам така што прашувајте што и да ве интересира - се знам!

 

[Glorry]

Сум била во Тасос,и најубаво сум си поминала.Многу е чисто,плажите се супер и најчесто одат семејства,со деца и е мирно,можеш да си истераш прав одмор.Со моите бев и стварно се одморив.

 

[efederer]

Еве ви и по некоја сликичка од Крф мејд бај ми:

 

[Maks]

Ниеден не ги сакам тие комшии ич:skull

 

[Scars]

Axx..Грција.. Па скоро секоја година одам таму на одмор и не се занимавам со политика Сум била: Полихроно,Крф,Неа Врасна,Неа Пори,Неа Потидеа... не ми текнува баш сега на сите места али би сакала да појдам Санторини

А и знам и грчки ops:

 

[Marick14]

Крф е остров во Грција кој се наоѓа во Јонското море. Тој е втор остров по големина во Јонското море и е организиран како индивидуална општина. Оваа општина го вклучува самиот остров Крф и неколку помали островчиња Ереикоуса, Матхраки и Отхонои.
Островот е поврзан со грчката митологија. Неговото име потекнува од старогрчкиот збор Kerkyraии се однесува на два моќни водни симболи. Посејдон, богот на морето и Асопос, главна река во Грција.

Островот Крф уште се нарекува и Кастрополис или градот на замоците поради тоа што во минатото овој остров бил постојано под освојувања и затоа е опколен со замоци и тврдини.
Палатата Ahilion

Оваа прекрасна градба подигната од некогашната австриска царица Елизабета, денес е нем сведок за времето во кое се воздигнувала митологијата и љубовта кон романтичното. Големата царица – Сиси, жената на Царот Франц Јосип Први, обожавателката на грчката митологија, како и на ликот на Ахил, барајќи го местото кое ќе и го даде потребниот мир по ненадејната смрт на нејзиниот син – престолонаследникот Рудолф, осамена го минува својот живот токму во оваа прекрасна вила. За жал тука не ја дочекува својата старост, бидејќи при една куса посета на Женева трагично е убиена од раката на еден анархист.

Плажата Sidari

Се наоѓа на северниот дел од островото Крф и по многу се разликува од било која друга област на островот. Тука како никаде на друго место, ветерот и морето ги имаат изваено прекрасните карпи кои личат на еден вид статуи. Помеѓу нив се наоѓаат повеќето мали и песочни плажи, кои во своето опкружување формитаат мали базени и канали.

Paleokastrica

Е оддалечена на околу 25 километри од градот Крф. Таа е всушност една од најстарите населби на островото. Со своите преубави плажи и кристално чистото море, на мноштвото посетители им овозможува прекрасен излет. На врвот на брдото од кое се пружа убав поглед врз заливот, се наоѓа манастирот Zoodochou Pigis изграден во далечната 1228 година.

 

[Marick14]