Раскази - Хумор и Сатира

[grupa serigii]

Се колнам во некогашниот Источен блок и Студената војна,
дека скандалот со знамето е намерно наместен, за да ги расипе односите
меѓу државите Северна Македонија и Бугарија (како обострана желба),
како што еден претседателски кандидат, пред очите на светот,
сам си ги мести атентатите, со првиот, изведен врз неговото уво,
но кој малку допрел до ушите на гласачите, па со вториот, многу по уверлив,
само што овојпат нишанџијата не погодил ниту едно топче за голф во лет,
со намера да продолжи со истата изборна тактика и понатаму, се додека,
од инает, не си организира еден супер уверлив атентат во Далас.

(Се предупредуваат читателите двапати да го прочитаат текстот
пред да поверуваат. И вистината нема крај).

 

[grupa serigii]

Орбан во Македонија или (Ор)Бан во Македонија.

 

[grupa serigii]

Очекував по првите сто дена власта да падне.
Не падна ама пак не потисна

 

[grupa serigii]

Полицијата е спремна да одговори на сите предизвици
за дестабилизација !?
Најлесна се дестабилизира со тепање народ.

 

[grupa serigii]

Чекаме сигнали од Бугарија.
Јас веќе ги добив, само не од Бугарија.
Од планета оддалечена од Македонија дваесет и пет
светлосни години.
Бугарија е подалеку.

 

[grupa serigii]

Очекувам лидерот и мене да ми испрати писмо.
Живеам во ЕУ, со признати Бугари во мојот бугарски пасош.

 

[grupa serigii]

Кој ќе ги плаќа каматите за кредитот, е слично со
изградбата на афтопатите: во нив да нема ниту влез ниту излез.

 

[grupa serigii]

Сега гледам зошто беше добро Трамп да биде реизбран едноподруго
во два мандати.

По штотуку одржаните последни избори, еднаш за секогаш
ќе исчезнеше и Тој и Мирот и Војната и Историјата и Светот
како што самиот ги кроеше, а нас немаше да не боли главата
од неговото повторно враќање на политичката сцена, со доминантна
осветничка реторика и закани за Мирот, Војната, Историјата и Светот,
ставајќи се во улога на Господар на прстените ископани во некој
археолошки локалитет во неговата глава.

Светската заедница од сите раси, нации и вери, полека соземајќи се
од првобитниот шок и загроза, му порача:
„Немој, немој, да не’ не исплашиш малку“, како пост фестум честитка
за изборната победа.

ПС
Америка го врати Трамп. И ние имаме еден за враќање.
Бог да не чува од повратници.
Веќе повраќаме.

 

[grupa serigii]

До крајот на годината планирам да ставам покрив над куќата.
До крајот на годината ми треба и покрив над Македонија.

 

[grupa serigii]

Албанскиот јазик ќе го чува Албанија,
а е добредојден и во Македонија.