Рецепти за домашен сладолед

[Mila Kunis]

Јадете сладолед? ​

Повеќе сакате купен или домашен?​

Овошен,чоколаден или млечен?​

Кој е вашиот омилен вкус?​

Знаете некоја рецепта за подготвување домашен сладолед? Освен оние што ги има во кесички како пудинг само да се измати? ​

​

Еве јас ќе споделам нешто од мене, а подоцна ќе во почастам и со слика од сработеното дело.​

​

Овој рецепт ми е преземен од еден друг форум:​

• Во еден сад се мати шлаг (најчесто две кесички). Во друг сад се матат јајца со шеќер и млеко (јас некогаш ставам и малку вода за да може да се замрзни сладоледот). Потоа се соединуваат двете смеси и се матат додека не се изедначи смесата. На крај додавате што сакате за да добие сладоледот вкус. Можете да додадете топена чоколада, еурокрем, некое овошје кое може да се измати како јагоди или малини, мармалад....

• Сладолед со степ-лајт
  3 јајца
  3 лажици шеќер
  1 шлаг-пена
  млеко
  1 степ-лајт (од портокал или од малина)
  Се кршат јајцата и се одделуваат белките од жолчките. Белките се матат со шеќерот. Во друг сад се матат млекото и шлаг-пената. Тоа се додава кај изматените белки и се мати. Се додаваат жолчките и пак се мати. На крај се додава степ-лајтот и се мати.

• 1канче кисело млеко
• 2 шлаг пена
  1канче исчистени и измиени јагоди,може и со банани
  1канче шеќер
  Се миксираат киселото млеко и шеќерот, се става овошјето и се меша.Во друг сад се матат 2та шлаг пена. Откако ќе се измати шлагот се мешаат состојките од двата сада.Потоа се става во фрижидер и се замрзнува.

 

[Caci]

Рецепта не знам, освен онаа што е со кесичките инаку сладолед сакам најмногу, најомилен вкус ми е од чоколадо и банана.. повеќе го сакам купениот сладолед, поубав ми е и така....

 

[МериСелест]

Ах Мила Кунис,шо си немаше работа да ме настрвиш.Го гледам и ми течаат лиги
За омилен немам,не пребирам.Али сега како би ми дошло добро еден сладолед од лешник,мх мх

 

[Marick14]

Јас сум повеќе за купен.
Од чоколадните Карамелата само ја јадам. А од овошните Јагода, Банана, Лимон, Шумско овошје...

 

[Марија]

Не сакам сладолед нешто посебно, ама кога веќе помислувам на сладолед би од јадела шумско оовшје и овошен јогурт

 

[Legioner]

Само купечки (фабрички) сладолед признавам мада ако идате накај охрид обавезно посете ја слаткарница Корзо

 

[Scars]

Сладолед со парчиња чоколадо

Живата на термометарот секој ден надминува 35°C, па затоа сме во потрага по нешто што ќе нè освежи. Овој десерт е многу лесен, но и многу вкусен.

Потребни состојки:
2½ шолји млеко
7 лажици шеќер
½ кафена лажичка сол
2 кафени лажички ванила
чоколадо за готвење (исечено на мали парчиња)
Млекото малку стоплете го, а потоа во него додадете ги шеќерот, солта и ванилата, и промешајте за да се стопат. Во долниот дел од калапчињата за сладолед ставете 1-2 лажици од чоколадото и дополнете со смесата со млеко. Ставете ги стапчињата и калапчињата ставете ги во замрзнувач.

 

[street_chic]

Сладолед од лубеница

Состојки (за 6 лица)

*300мл хопла
*175г шеќер
*1зрела (а може и презреана) лубеница, без семки, исечкана на мали парчиња
*сок од лимон
*свежи малини или јагоди, за послужување

Време за подготовка 35мин.

Ставете ги шеќерот и хоплата во тава.
Нека зовријат, мешајте додека не се стопи шеќерот, а потоа оставете да олади.
Ставете ги парчињата лубеница во блендер заедно со сокот од лимон, матете додека не добиете хомогена смеса , а потоа додадете ја хоплата.
Потоа целата смеса матете ја со миксер, па ставете ја во фрижидер, и откако делумно ќе се замрзне повторно изматете ја. На крај оставете ја во фрижидер добро да се замрзне.
Пред послужувањето декорирајте ја со малини или јагоди.

 

[Ditto+Maker]

Состојки:
- Јогурт ама има еден поцврст, не знам како да го наречам(количина: колку сакате)
- 400 гр. замрзнати јагоди/ боровинки/ малини/ шумско овошје/ банани
- 1 лажица мед
Подготовка:
Ги ставате сите состојки во блендер и миксате 1 мин, додека смесата не биде хомогена.
И после- јадете!

 

[diva orhideja]

Состојки:
- Јогурт ама има еден поцврст, не знам како да го наречам(количина: колку сакате)
- 400 гр. замрзнати јагоди/ боровинки/ малини/ шумско овошје/ банани
- 1 лажица мед
Подготовка:
Ги ставате сите состојки во блендер и миксате 1 мин, додека смесата не биде хомогена.
И после- јадете!

Кој ти е тој јогурт поцврст,вероватно мислеше на погуст?Мислам дека треба со кисело млеко а и шекер се става инаку ќе јадеш кисел сладолед,една лажица мед е малку.