Потсвест и нејзината моќ

[Bloody Jesus]

I дел​

Да успееш значи да живееш успешно. Човекот е успешен кога води спокоен, среќен и со радост исполнет живот и при тоа се занимава со работата што ја сака.
Утврдете што ви се допаѓа да работите и потоа почнете со тоа и да се занимавате. Доколку не сте сигурни што е вашиот вистински израз, побарајте совет, патоводна идеја - одговорот сигурно ќе дојде!
Специјализирајте се за одредена дејност и обидете се во тие рамки да знаете повеќе од другите.
Успешниот човек не е себичен. Неговата најголема животна желба е да му служи на човештвото.
Нема вистински успех без спокој во душата.
Успешниот човек има огромно психолошко и духовно разбирање.
Ако јасно ја замислите својата цел, чудотворната потсвест ќе ви обезбеди се што ви е потребно таа цел да ја остварите.
Мислата слеана со чувство станува субјективно уверување и по „вербата ваша нека ви биде“.
Моќта на фантазијата ги потикнува силите на потсветса на извршување на замислените претстави.
Ако сакате да напредувате во работата, замислете го својот работодавец, претпоставениот или брачниот другар како ви честитаат на унапредувањето. Нека сликата што ја замислувате биде стварна и жива. Погрижете се да ги чуете гласовите, да ги видите движењата или да ја почувствувате реалноста на замислените настани и личности. Бидете во тоа упорни и по соодветното раздобје на повторување, ќе ја доживеете радоста на услишената молитва.
Потсвеста е склад на паметењето. За да стекнете совршено паметење повторувајте, „Безграничната интелегенција на потсвеста секогаш и на секое место ми покажува се што е потребно да знам“.
Доколку имате намера да ја продадете куќата или некој друг имот, повторувајте го тивко, цврсто и со убеденост следновопозитивно тврдење: „Безграничната интелегенција го привлекува купувачот на куќата што ја сака куќата и кој ќе ужива во неа“. Бидете истрајни и длабочинската струја на потсвеста ќе се погрижи тврдењето да се обвистини.
Идејата на успехот ги содржи сите фактори на успехот. Самите на себе повторувајте го често и со верба зборот „успех“ и ќе бидете изложени на потсвесната принуда да остварите успех.

II дел​

Бидете доволно храбаи дека ваше право е да бидете богати и потсвеста нема да се оглуши на таквото позитивно тврдење.​

Не задоволувајте се со просечни заработки. Стремете се да стекнете онолку пари колку ви е доволно да се занимавате со она што сакате и да имате она што го сакате. Спознајте го богатството сместено во вашата потсвест.
Човекот е економски здрав кога парите слободно кружат во неговиот живот. Посматрајте ги парите како смена на плимата и осеката и секогаш ќе ги имате доволно. По осеката, секогаш, секогаш и секогаш доаѓа плимата, во тоа можете да бидете сигурни.​

Спознавајќи ги законите на потсвеста, секогаш ќе имате доволно средства без обзир кој конкретен облик ќе го земат парите.
Една од причините што многумина тешко составуваат крај со крај е и фактот дека ги осудуваат парите. Она што го осудувате по правило си оди од вас.
Од парите не создавајте божество. Парите се само симбол. Запамтете дека единственото вистинско богатство е сместено во длабочините на вашиот ум. Должност ви е да водите урамнотежен живот - што подразбира и да стекнувате толку пари колку што ви се потребни.​

Не дозволувајте парите да бидат единствената и исклучителна цел. Стремете се кон здравје, среќа, мир и вистинскиот израз и љубов, а на своите ближни дарувајте им љубов и добра волја. Дури во тој случај потсвеста ќе ви обезбеди камата на сите полиња на вашето интересирање.
Сиромашноста не е доблест. Сиромашноста е душевна болест. Не којебајте се, излекувајте се од менталната противречност во себе.
На човекот не му е дадено да живее во беда, да се облекува во партали и да гладува. На човекот му е дадено да живее во изобиле.​

Никогаш не ги употребувајте изразите „парите се валкани“, или „ги презирам парите“. Она што го критикувате по правило и ќе го загубите. Ништо не е само по себе добро или лошо - такво го прави начинот на размислување.
Повторувајте често, „Парите ми се мили. Ги користам мудро, конструктивно и разумно. Се ослободувам од нив со радост, а тие ми се враќаат илјада пати умножени“.
Ако ја замислите крајната цел, ќе ја поттикнете потсвеста да ви одговори и да ви ја исполни желбата содржана во менталната претстава.​

​

III дел​

Решете се за збогатување на најлесен начин, користејќи ја потсвеста што нема да ве изневери. Ако се обидете да натрупате богатство со тешка работа, на најдобар пат сте да станете најбогат жител на блиските гробишта.​

Нема потреба од ропско работење.

Богатството претставува убеденост на потсвеста. Вградете ја идејата за богатство во сите пори на својот ум.
Основниот проблем на поголемиот дел луѓе е во фактот дека немаат невидливи средства на помош.​

Во текот на пет минути, непосредно пред спиење, со леснина и смиреност повторувајте го зборот „богатство“ и вашата потсвест ќе се погрижи богатството навистина да биде дел од вашето искуство.​

Чувството на богатство произведува ново богатство. Имајте го тоа секогаш на ум.​

Свеста и потсвеста мора да воспостават соработка. Потсвеста го усвојува само она што навистина го чувствувате дека е вистинито. Потсвеста секогаш исклучиво ја прифаќа најсилната идеја. Затоа најсилната идеја треба да биде „богатството“, а никако „сиромаштијата“.​

Доколку често го повторувате тврдењето, „И дење и ноќе ги бележам успесите на сите полиња на своите интересирања“, ќе ги надминете сите ментални конфликти во врска со богатството.​

Зголемете ја својата заработка, повторувајќи, „Секој ден се повеќе заработувам, напредувам, го зголемувам својот имот, се побогат сум“.​

Престанете да потпишувате „бланко“ чекови, како што се „Немам доволно средства“, „Живеам скудно“ итн. Таквите тврдења ги зголемуваат повеќекратно загубите на сите полиња.
Вложете ги во потсвеста мислите за напредок, среќа, богатство и успех и ќе добиете камата на каматата.​

Никако не би сте смееле она што во еден момент го тврдите свесно, веќе по неколку мига мисловно да го оспорите. Со тоа само го неутрализирате ефектот на позитивното тврдење.​

Вистински извор на богатството се идеите на вашиот ум. Потсвеста секогаш ќе ви ја даде вистинската идеја, дури и онаа вредна милион долари.​

Зависта и љубомората се основните пречки за настанување на богатството. Радувајте се на благосостојбата на другите.
Пречката за стекнување богатство се наоѓа во вашиот ум. Срушете ја пречката мислејќи за сите околу вас на позитивен начин.​

​

 

[Bloody Jesus]

IV дел​

Менталната принуда и претераниот вложен напор овозможуваат на прв план да избијат стравот и напнатоста, што го спречува изнаоѓањето на одговорот. Постапувајте со леснина.​

Потсвеста тргнува во матерализација на идејата само доколку сте олабавени и ќе и дозволите таа идеја најпрвин да ја усвои целосно.​

Размислувајте и планирајте независно од традиционалните методи. Имајте на ум дека секој проблем има решение.
Не грижете се премногу за работата на срцето, на белите дробови или на некој друг дел од сопствената анатомија.

Потпрете се на потсвеста и потсетувајте се доволно често дека бескрајната интелегенција презема се што е потребно. Чувството на здравје раѓа здравје, чувството за богатство раѓа богатство. Што чувствувате?
Мечтата е вашето најсилно оружје, најсилна особина. Замислувајте добро и позитивно. Човекот е она што замислува дека е.
Во состојба на сонливост избегнувајте го судирот на свеста и потсвеста. Непоредно пред спиење замислувајте како ви се исполнуваат желбите. Бидете упорни во тоа. Заспивајте во мир и будете се во радост.​

​

V дел​

Потсвеста е градител на телото на човекот и таа работи непрекинато, 24 часа на ден. Негативните мисли го попречуваат остварувањето на животните обрасци на потсвеста.​

Наредете и на потсвеста да го пронајде одговорот за проблемот што ве мачи. Правете го тоа секогаш пред одење на спиење и одговорот нема да изостане.​

Водете сметка за своите мисли. Секоја мисла прифатена како вистината мозокот ја упатува во соларниот плексус од каде има само еден чекор до нејзината материјализаија.
Имајте на ум дека секој човек е во состојба да се измени самиот себеси доколку на својата потсвест и го подари планот на својата личност.​

Потсвеста е секогаш насочена кон животот. Ваше е да се занимавате со свеста, да ја храните потсвеста со вистински ставови. Потсвеста секогаш го репродуцира вашиот вообичаен начин на мислење.
На секој единаесет месеци стекнувате ново тело. Изменете го своето тело со менување на своите мисли и со истрајување при тие промени.​

Нормално е да се биде здрав. Не е нормално да се биде болен. На секој од нас му е вроден принципот на хармонија.
Мислите полни со љубомора, страв, грижа и потиштеност ги разоруваат нервите и жлездите и носат душевни и телесни болести од сите видови.​

Се што ќе потврдите свесно и ќе го почувствувате како вистинито ќе се материјализира во вашиот ум, тело и во деловните активности. Мислете позитивно и отворете си ја на себеси вратата на уживање во животот.​

VI дел​

Бидете духовен инженер и прибегнувајте кон испробани и докажани техники на унапредување на сопствениот живот.​

Желбата е молитва. Предочете си себеси исполнување на желба, почувствувајте го тоа како реалност и ќе ја искусите радоста од услишената молитва.
Посакајте до целта да стигнете на полесен начин - со сигурната помош од духовната наука.
Со помошта на мислите што ги мислите, во скриеното студио на својот ум ќе изградите совршено здравје, успех и среќа.
Експериментирајте со самите себеси се додека лично не се уверите дека бесконечната интелигенција секогаш непосредно реагира на секоја свесна помисла.
Почувствувајте радост и спокојство претчувствувајќи сигурно остварување на саканата цел. Секоја ментална претстава е суштина на саканиот предмет и доказ на постоење на она што никој не го видел.
Менталната претстава вреди илјада зборови. Потсвеста ќе ја материјализира секоја претстава создадена во свеста и втемелена врз вербата.
Одбегнувајте каква било принуда или умствен напор при молитвата. Дозволете да ве обземе сонливост и успивајте се со уверување дека молитвата ќе ви биде услишена.
Имајте на ум дека благодарното срце секогаш е блиску до ризницата на универзумот.
Да тврдиш значи да речеш дека работите стојат така и така. Ако останете цврсто на ваквиот ментален став и го почувствувате како вистинит, наспроти можните докази во прилог на спротивното, молитвата ќе ви биде услишена.
Создајте електронски бранови на хармонија, здравје и спокој, мислејќи на убавина и на слава на бесконечната умност.
Се што ќе почувствувате како реално и во мислите ќе наредите да се оствари - навистина ќе се оствари. Мислете на хармонија, здравје, мир и изобилие.

​

VII дел​

Утврдете што е тоа што донесува исцелување. Имајте на ум дека правилните упатства дадени на потсвеста ќе доведат до исцелување.​

Направете точно определен план за внесување на своето барање или желба во потсвеста.
Замислете ја посакуваната цел и потрудете се да ја почувствувате како реалност. Бидете упорни во тоа и резултатот нема да отсуствува.
Утврдете ја вистинската природа на верата. Имајте на ум дека верата е мисла создадена во умот и дека човекот го создава она и само она што ќе го создаде во својот ум.
Нема смисла да се верува во болеста и во тоа што ни нанесува болка. верувајте во совршено здравје, напредок, мир, богатство.
Благодарните и големи мисли со кои го преплавувате својот ум ќе бидат исти такви дела.
Во својот живот, применете ја моќта на терапијата со молитва. Одберете план, идеја и ментална претстава што ви одговара. Соединете се мисловно и емоционално со таа идеја и ако останете верни на таквото ментално становиште молитвата ќе биде исполнета.
Секогаш имајте на ум дека моќта на исцелувањето можете да ја освоите исклучиво со помош на верата што значи со спзнавање на начинот на дејствување на сопствениот свесен и потсвесен ум. Верата доаѓа само со разбирање.
Безрезервната вера значи дека до исцелување може да се дојде и без разбирање на видарските сили.
Научете да се молите и за оние што ги сакате, а кои се погодени со болеста. Внесете мир во душата и идеи за здравје, за виталност, за совршеност и тие ќе почнат да дејствуваат - со помош на универзалниот субјективен ум - во потсвеста на вашите најмили.

​

​

 

[Bloody Jesus]

VIII дел​

Потсетувајте се себеси доволно често дека исцелувачката моќ се наоѓа во вашата потсвест.Имајте на ум дека вербата наликува на семе фрлено во земјата, од него ќе израсне оној вид на билка што е посеана.​

Засадете идеја (семе) во својот ум, наводнувајте ја и хранете ја со верба и со надеж и ќе го добиете саканиот резултат.Идејата за книга, пронајдок или што било друго што ќе ви се роди во умотпретставува вистинит, реален факт.
Верувајте во реалноста, опипливоста на своите идеи, планови, откритија и доклку сте истрајни, навистина ќе ги видите материјализирани.Додека ја изговарате молитвата, имајте на ум дека длабокото внатрешно сфаќање на целоста, убавината и совршеноста е во состојба да ги промени негативните обрасци на мислењето во потсвеста и да произведе чудесни ефекти. До чудесни исцелувања во многубројните храмови ширум светот доаѓа благодарејќи и на мечтата и на беспрекорната верба што дејствува врз потсвеста и ја ослободува нејзината исцелителска моќ.
Сите болести настануваат во човечкиот ум. На секоја телесна појава задолжително и претходи соодветен мисловен образец. Сугестијата под хипноза е во состојба да предизвика појава на симптоми речиси на секоја болест. Со тоа, на очигледен начин, се покажува моќта на човечкиот ум.
Еден и единствен процес на исцелување е само - вербата. Една исцелителска сила е само потсвеста.Ефектот ќе го добиете без оглед дали предметот на вербата е вистински или лажен. Потсвеста реагира на мислата родена во свеста. Значи, доволно е вербата да ја сметате мисла родена во свеста.

IX дел​

Потсвеста ги наѕира сите телесни процеси и има одговори на сите прашања. Непосредно пред одење на спиење, упатете и на свеста точно одредено барање и на самиот себе докажете го постоењето на чудотворната моќ.​

Се што ќе втиснете во потсвеста ќе излезе на видело како особина, искуство или случка. Затоа грижливоодберете ги идеите и мислите што и ги упатувате на потсвеста.
Законот на акцијата и реакцијата е универзален. Мислата претставува акција додека автоматскиот одговор на потсвеста е - реакцијата.Внимавајте на своите мисли.
Секоја фрустрација се темели врз неуслишената желба. Ако им посветувате премногу влијание на пречките, одлагањата и тешкотиите, ќе настапи соодветна реакција на потсвеста, со тоа работите против сопственото добро.
Доколку свесно, јасно повторувате, „Верувам дека потсвесната сила и во овој миг, користејќи го моето тело, ја исполнува замислената желба“, ќе го почувствувате протокот на Животниот принцип низ сопственото тело и дух. Сите непријатности ќе ги снема.
Стравот, јанѕата и грижата го нарушуваат нормалниот ритам на работа на срцето, белите дробови и другите органи. Нахранете ја потсвеста со хармонија, здравје и мир и сите телесни функции повторно ќе бидат нормални.
Нека свесниот дел на вашиот ум непрекинато очекува најдобро, потсвеста ќе се погрижи верно да го репродуцира вашиот начин на размислување.
Замислувате среќен крај или решавање на својот проблем, чувствувате радост од остварената цел и се што замислувате и што чувствувате со помош на потсвеста ќе се претвори во реалност

X дел​

Мислете позитивно и ќе следува добро. Мислете негативно и ќе следува зло. Човекот е тоа што тој го мисли. Потсвеста не е во состојба да се спротивставува, туку прифаќа се што ќе и упати свеста.​

Никогаш немојте да речете, „Немам пари за такво нешто“ дури и ако е тоа точно. Одберете подобра мисла, „Ќе го купам тој предмет. Во мислите веќе е мој.
Секој човек располага со можност да избира. Определете се за здравје и среќа. Можете да одберете љубезност или нељубезност кон ближните. Определете се за соработка, радост, љубезност и ќе ја забележите благопријатната реакција на сите околу вас. Тоа е најдобриот начин да се развие позитивна личност.
Свеста е „чувар на портата“ и нејзината основна задача е да го попречи навлегувањето на лажните впечатоци до потсвеста. Определете се за верување во можноста за позитивни настани. Човековата најголема моќ е способноста да избира. Одберете ги среќата и изобилието.
Изјавите и сугестиите на другите немаат моќ да ви нанесат болка. Единствена сила што може да ве повреди е вашиот сопствен сложен ум, вашата автосугестија. Одлучете се да ги отфрлите мислите на другите и прифатете ги исклучиво сопствените позитивни сугестии.
Внимавајте што зборувате. На крајот ќе мора да полагате сметки за секој изречен збор. Никогаш не велете: „Ќе пропаднам, ќе останам без работа, не сум во состојба да ја платам станарината.“ Потсвеста не знае што е шега и секоја мисла ја сфаќа сериозно, трудејќи се со сите сили да ја спроведе во дело.
Вашиот ум не е злобен, ниту една природна сила сама по себе не е злобна, туку се однесува во согласност со начинот на кој што ја ползувате. Употребете го својот ум како исцелител, вдахновение и причинител на среќа на своите ближни.
Никогаш не велете: „Не сум во состојба да го сторам тоа.“ Надминете го стравотсо помош на следнава реченица: „Користејќи ја силата на мојата потсвест, во состојба сум да сторам се на светов.“
Почнете да размислувате од становиштето на вечните вистини и принципи на животот, заборавете на стравот, на незнаењето, на суеверието. Немојте да им дозволите на другите да размислуваат место вас. Самите одберете ги сопствените мисли, донесувајте сопствени решенија.
Секој човек е капетан на својата душа (потсвеста) и господар на својата судбина. Немојте да заборавите дека имате моќ на избор. Одберете ги животот, љубовта, здравјето, среќата!
Секој факт за кој свеста ќе претпостави или ќе поверува дека е вистинит потсвеста ќе го усвои и ќе го спроведе на дело. Верувајте во добрата среќа, во исправното дејствување и во чудото наречено - живот.

XI дел​

Ризницата се наоѓа скриена длабоко во вас. Одговорите на желбите на своето срце барајте ги во самите себеси.​

Големата тајна чие решение го имале најзначајните луѓе од сите епохи лежи во нивната способност да ги откријат и да ги ослободат силите на сопствената потсвест. И вие сте во состојба да го сторите истото.
Потсвеста ги знае одговорите на сите прашања. Доколку, непосредно пред да заспиете и соопштите на својата потсвест „Сакам да се разбудам во шест часот“, таа ќе ве разбуди точно на време.
Потсвеста е градител на вашето тело и е во состојба да ве лекува. Секоја вечер потонете во сон со помислата за совршено здравје и вашата потсвест како верен слуга ќе ја изврши наредбата. Секоја мисла е причина, а секоја особина нејзина последица.
Ако сакате да напишете книга или драмска претстава, да одржите успешно предавање, тогаш својата желба внимателно и со љубов соопштете и ја на потсвеста и таа ќе ви ја исполни.
Човекот е како капетан што управува со брод. Само правилните наредби го водат бродот до пристаништето, затоа и вие морате да и издавате (да имате правилни мисли и ментални слики) на својата потсвест што управува со сите ваши искуства.
Никогаш не употребувајте ги изразите „Тоа е прескапо“ или „Не сум во состојба да го сторам тоа“. Потсвеста секогаш ќе ве сфати сериозно и ќе се потруди никогаш да не стекнете пари, односно да не се оспособите за тоа кон кое се стремите. Наместо тоа, зборувајте си на себеси, „Во состојба сум се да сторам со помошта на мојата потсвест.“
Законот на животот е закон на вербата. Вербата е мисла што се раѓа во умот. Не верувајте во работи што ви причинуваат штета и болка. Верувајте дека потсвеста е способна да ве лекува, да ве вдахнува, да ви дава сила и да ве води во подобра иднина. Успехот во животот е пропорционален со вербата во успехот.
Ако ги примените своите мисли, ќе ја примените и својата судбина.

 

[She]

И каква дискусија ни отвори сеа ти? Барем да кажеше од кај се извадоциве

 

[Bloody Jesus]

И каква дискусија ни отвори сеа ти? Барем да кажеше од кај се извадоциве

Ја читна темава или само насловот?

 

[Hip.Hop_MKD]

Барем да кажеше од кај се извадоциве

Интересни работи има читни.
http://www.iluzionist.com.mk

 

[She]

Ја читна темава или само насловот?

Не ја читнав темата, пошо не си пишал никаков вовед во врска со подсвеста, не си ме мотивирал да дискутирам за истата, само си нафрлил копирани делови од некоја страна.
Погрешно не ме сфаќај, али дај и твое мислење во врска со оваа тема, зошто вака зошто онака па да направеме една дискусија

 

[Hip.Hop_MKD]

Не ја читнав темата, пошо не си пишал никаков вовед во врска со подсвеста, не си ме мотивирал да дискутирам за истата, само си нафрлил копирани делови од некоја страна.
Погрешно не ме сфаќај, али дај и твое мислење во врска со оваа тема, зошто вака зошто онака па да направеме една дискусија

Како што ја гледам ми има поврзаност малце и со Метафизика..

 

[She]

Епа ајде штом е така, баш ме интересира каква дискусија ќе се развие меѓу другите членови на оваа тема

 

[Hip.Hop_MKD]

Епа ајде штом е така, баш ме интересира каква дискусија ќе се развие меѓу другите членови на оваа тема

Гледај го филмов и одма ќе ти стане јасно..

Иначе се мислам дали да ја пратам темава во Мистерија..