Солени јадења

[Mila Kunis]

Плескавици од компир и тиквици

Потребни состојки:

• 600 гр компир
• 200 гр посен кашкавал
• 1 лажица брашно
• 1 тиквица
• масло
• сол и бибер

Подготовка:
Изрендајте го крупно компирот. Истото направете го и со кашкавалот и тиквицата. При тоа исцедете ја непотребната течност од тиквицата. Измешајте ги состојките и зачинете по желба. Направете ги плескавиците и ставете ги да се пржат на загреано масло. Одлично одат со шницли од соја.

Солен колач од компир

Вкусно, зачинето, ароматично…
Потребни состојки:
- 500 гр брашно
- 30 гр квасец
- 250 мл вода
- 30 мл маслиново масло
- 200 гр компир
- 200 гр сладок компир
- 1 мала црвена пиперка
- рузмарин
- 2 чешниња лук
- 50 мл маслиново масло
- билни зачини
- сол и бибер
Подготовка:
Квасецот издробете го во млака вода, убаво промешајте и постепено сипувајте го брашното. Додајте маслиново масло и замесете го тестото. Оставете го да нарасне 10-15 минути. Во меѓувреме излупете ги компирите и посолете ги и исечете ги на тенки кругови. Измијте ја пиперката и ситно исецкајте ја, истото направете го и со лукот. Измечајте го лукот со малсиновото масло и рузмаринот. Нараснатото тесто развлечете го и ставете го во плех, кој претходно сте го премачкале со масло. Одозгора наредете ги компирите, па одозгора ставете од пиперката и на крај премачкајте со маслото во кое ги ставите лукот и рузмаринот. Зачинете и печете околу 35 минути на 200 степени.

 

[Mila Kunis]

Пица пита

Омилена храна за младата популација но и за секого. Мешавина од најомилените состојки вклопени во една целина, како одлично семејно јадење. Добро е за подготовка за разни прилики, но и за појадок за децата.
Време на подготовка: 35 минути
За 4 лица
Потребни состојки:
За ролатот:

1. готови кори
2. 300г сецкана шунка
3. 300г кашкавал
4. 300г шампињони
5. 200 кечап
6. 1 Кисела павлака

За прелив:
- 2 јајца
- 1 кисела павлака
- оригано
Подготовка:

1. Две кори да се рашират и двете да се попрскаат со малку зејтин и кисела вода.
2. Да се рашири и трета преку првите две и на неа да се нанесе цела павлака.
3. Да се рашири и четвртата кора па на неа да се распореди 300 г. исецкана шунка.
4. Петтата кора да се стави преку четвртата, па да се премачка со 200г. кечап.
5. Преку шестата кора да се распореди 300 г. кашкавал или друго сирење по желба.
6. На седмата кора се нанесуваат 300г. пржени шампињони(се пржат се додека не водата од нив не проврие).
7. Вака наредените кори, се свиткуваат во ролат, а потоа на послужавник се сечат на кругчиња и се спремни за печење.
8. Се редат на подмачкан плех, секое парче се премачкува со павлака и јајце. Се посипува со оригано.
9. Се пече на 200 C, кога ќе поруменат се намалува температурата и се остава уште малку да се допечат.

Солени крофни

Едноставни солени крофни полнети со кашкавал и шунка кои се задоволството и за најголемите критичари…
ПОТРЕБНИ СОСТОЈКИ:
500 грама брашно
150 грама шунка
200 грама кашкавал
100 милилитри млеко
1 свеж квасец
2 јајца
200 милилитри јогурт
1 прашок за печиво
4 лажици масло за јадење
Сол и бибер
НАЧИН НА ПОДГОТОВКА:
Во подлабок сад ситно исечкајте ја шунката, додадете го ренданиот кашкавал и претходно изматените белки од јајцата, и добро соединете ги состојките.
Во друг подлабок сад брашното измешајте го со жолчките, јогуртот, квасецот, млекото и прашокот за печиво, посолете и замесете тесто.
Откако ќе го замесите тестото, направете топчиња во големина на орев, исукајте ги, наполнете ги со фил и повторно формирајте топче. Направените топчиња наредете ги во тава за печење, премачкајте ги со мешавина од млеко и жолчка и печете ги на 200 степени Целзиусови 30 минути.
Уживајте!!!