Одговори на темата

Порака: <blockquote data-quote="Doreah" data-source="post: 326331" data-attributes="member: 3068">Ќе ми треба време да се навикнам на помислата дека сега си само уште еден бивши. Веќе не сум сигурна ни дали празнината што ја чувствувам е затоа што се заљубив во тебе или само затоа што се срушија нереалните надежи врз кои ги градев плановите за иднината. Не знам ни како се чувствувам во моментов. Некако премногу смирена и празна сум. Како затишје пред бура. Не поминаа ниту 24 часа откако официјално ставивме крај, а јас веќе сто пати во глава си ги извртев сите можни филмови од типот „што ќе беше ако беше“. И сите сценарија завршуваат со заклучокот дека ако навистина сакаше да си со мене, ќе направеше напор да ме задржиш. Твоето „не знам“ говори многу повеќе од било кое одлучно ДА или НЕ. Искрено се надевам дека што поскоро ќе сфатиш дека сме донеле правилна одлука. Не сакам да поминуваш низ истово што и јас. Не сакам да се преиспитуваш, да анализираш и да се каеш. И искрено, најискрено се надевам дека еден ден ќе се појави некоја во твојот живот која ќе ти ги промени ставовите за врските и љубовта. Некоја која ќе направи да сакаш да ризикуваш, да се препуштиш на чувствата, да не се плашиш дека ќе бидеш повреден. Некоја за која ќе правиш работи кои никогаш не си помислил дека ќе ги правиш, на која ќе и го посветуваш целото твое внимание без да се чувствуваш дека тоа те гуши. Некоја на која без страв ќе и ја подариш својата љубов. Имаш премногу љубов во тебе, не дозволувај стравот да ја зароби. Најди ја таа „некоја“ и не дозволувај да ти избега. Мене можеби ќе ми е криво што јас не бев таа, но сепак ќе бидам среќна за тебе. Ќе бидам среќна и без тебе. Ме знаеш мене. Ќе плачам неколку дена, по милион пати дневно ќе посегнувам по телефонот со намера да те побарам, милион пати ќе се предомислувам и нема да го направам тоа, ќе плачам и ќе се мразам себеси што сум толку лигава, ќе се прашувам како се чувствуваш ти, дали помислуваш на мене, дали ти е криво што вака заврши... Неколку дена ќе живеам како тинејџерка од амерички филм... и ќе продолжам понатаму. Ќе останеш само сладок спомен. Потсетник на нешто што можеше да биде, но не беше.</blockquote>

Верификација: Колку нозе има кучето? (напишете со букви)

На врв Bottom

Барај

Барај

Одговори на темата