Музички аудиции
- Автор на темата Аркантос
- Време на започнување
Јас ти гарантирам дека ако Гилмор отиде на Britain's Got Talent на пример, со или без гитара, на која не е баш технички инзвонреден (зборувам за брзина) дека ќе добие минимум 2 икса, најдобро можно сценарио, би стигнал до второ коло (ако има кола во таквите натпреварувања). Од друга страна, за убавината на музиката на Пинк Флојд и трагот кој го оставиле, нема потреба да говорам нели. Иан Кертис добива три икса и громогласно исмевање, милион посто, а Џој Дивижн се едни од највлијателните бендови (извршиле влијание врз Radiohead, U2, Moby, The Cure), нивната музика се смета за уметност и уживаат култен статус.
Во ред, нека не биде - немале талент, нека биде - немаат вистински талент. Музиката е многу повеќе од способност да погодиш висока нота. Ајде да ги видам било кои од тие што ги наброја, да седнат сами да си напишат песна, подобро од проста љубовна тралалајка не можат да создадат. Кога некој друг ти ги пишува текстовите, кога некој друг ти создава музика а ти само се појавуваш и го пееш тоа што е на листот пред тебе, ти не си вистински музичар, тоа е одраз на креативна неспособност.
Tука си потполно во право. Но, сепак може да се случи и музичар кој што сам си ги пишува песните, има огромна креативност, создава музика, да се пријави во вакви шоуа. Да го искористи шоуто за да се пробие, а потоа да се проба сам да креира. Јас имам огромна почит за таквите луѓе, ама тие најчесто остануваат да свират по локали, за помали пригоди. Додуша, многу од таквите музичари не ни сакаат да се искомерцијализираат, па си остануваат подоследни на нивната музика и не одат толку global.
Но, меѓу тие што се пријавуваат по аудиции, секако дека има такви кои се повеќе од обични интерпретирачи на нечие дело. Пак ќе го земам Артур.
Знам и други што се текстописци и што сами си пишуваат песни, па ги презентираат. Не можам сега да се сетам на името на едно девојче, на Х фактор мислам беше, што излезе со своја песна и музика и кога запеа ме наежи.
Се согласуваме дека проблемот е што има премногу интерпретирачи на нечие дело, а многу малку вистински таленти. Но, и тие ако немаат како да се промовираат, џабе им е. Затоа се убави по мое аудициите. Значи, ќе се повторам, шанса за да можеш да влезеш во музичкиот свет.
Но тоа никогаш не се случува. Никогаш не се појавил вистински талент на вакви шоуа, некој што понатаму оставил траен печат врз светската музика. Тоа што одат текстописци на вакви натпреварувања не менува ништо, секој може да седне и да напише песна, но поентата е текстот да има убавина. Мислам, прочитај lyrics од видеово што ми го постира - http://www.metrolyrics.com/young-lyrics-tulisa.html, ко 13 годишна тинејџерка да го пишувала. Ниту Џејмс Артур нема вистински талент. Што има тој, има добар глас, знае малку да свири гитара и допадлив е кај публиката. Обичен капиталистички производ со други зборови. Јас ти гарантирам дека бест кејс сценарио за 10 години максимум никој нема да се сеќава ни на името на типацов, иста судбина делат илјадници 'талентирани' натпреварувачи. Кај се изгуби Сузан Бојл? Мислиш дека на некој воопшто ќе се сети на неа по 5 години? Кели Кларксон, Леона Луис, ќе ги слуша ли огромна маса на луѓе по 20-30 години? Реалниот одговор на сите овие прашања е - не.
Without deviation from the norm, progress is not possible. Секој што оди на вакви натпреварувања ја прифаќа нормата и во случај да победи и добие договор со продукциска куќа, резултатот е секогаш ист, создава генерична музика, музика која избледува како и ланската мода.
Едит: Не ме сфаќај погрешно, не велам дека не треба да слушаш ваква музика или да престанеш да гледаш вакви шоуа. Секој со своето. Па и јас кога пијам слушам ха-це шабанарија, музика од која ќе ти пукнат ушните тапанчиња од мака, но никогаш не сум тврдел дека станува збор за уметност ниту сум негирал дека е шунд.
Тука дискутираме за тоа дали натпреварувачите имаат вистински талент. Наврати се на цитатот кој го постирав, тоа е суштината. Вистинскиот талент лежи во креативноста и експериментирањето и следствено, создавање на автентични уметнички дела. Како што кажа Аркантос на друга тема во друг контекст, способноста да создадеш нова машина од стари делови. Вистински (за жал, нереализиран) талент е Сид Берет, а не Џејмс Артур или Дарко Лазич. Во што е толку уникатен Артур, што е тоа што го издвојува од илјадниците фраерчиња со гитара?
Доста таленти се пријавуваат на ваквите шоуа, ама не секогаш продолжуваат да творат и се прославуваат. Еве пример, Мак ѕвезди или како се викаше шоуто, победи еден Јане кој после тоа уште 2 песни сними и толку, го снема, за разлика од Лозано кој и покрај третото место продолжи со музиката и сега е одличен пејач, ако не и најдобар вокал во Македонија. 
Точно, ама ја направи песната многу поубава.
Музичарите што ти ми ги наведе имаат квалитет, но за нив знаат само одредена група на луѓе. Некои од нив ни јас не ги познавам. Некој ќе рече, џабе им е талентот, кога не направиле блескава кариера.
За овие дознава цел свет. Така што тоа си е и до музичарот, колку сака да се искомерцијализира. На крај на денот, некој сака да пее само за одредена група на луѓе, некој сака да направи пари од тоа што го пее.
Плус правиме муабет за комерцијална музика, поп, rnb, благ рок...
А за тоа дека никој нема да се сеќава, не знам. Кели Кларксон победи многу одамна, па пак убаво се држи, има песни кои ќе останат и понатаму низ генерациите. Е сега не може нон стоп да биде константно ин, нормално е дека музичарите одредени периоди стагнираат.
Како и да е, зло од аудициите нема. Некој ќе ги гледа, некој не. Мене ми се сите интересни, за музика, за мода, за кулинарство... Не заборавај дека сепак е шоу и мора да биде вметнат и делот кој ќе го направи допадлив.
Е тоа да, го слушнав оригиналот, толку лоша песна што стварно не треба голем напор за да ја направиш подобра. Сигурен сум дека можам подобро да ја отпеам Friday од Ребека Блек, но тоа не ме прави вистински талент. Безвезе пример, окнемавезечаопријатно.
Кертис се обеси на 23 години, Берет полуде и го напушти бендот. Вистинските музичари секогаш бираат креативна слобода наместо одење по линија на помал отпор. Оние што имаат вистински талент и ќе внесат нешто ново, уникатно, на музичката сцена се прославуваат и имаат блескави кариери, иако неретко се случувало да останат непознати во текот на нивното творење поради тоа што биле ahead of the curve. Точно е дека на многу им се послатки парите, тоа и ги уништува.
Назад на темата, останувам на тоа дека таквите како Џејмс Артур немаат талент и не се посебни во ниту еден поглед. И преработките на туѓи песни имплицираат недостаток на креативност, баш сакам да го видам сам своја песна да си создаде, колку да видам дали тврдењето ми е точно.
Ваквите шоуа не се ништо повеќе од евтина забава, немаат никаква вредност. Се разбира нема ништо лошо во тоа, секој си бира различен извор на евтина забава колку да му помине времето и да му биде интересно. Јас како што кажав претходно, одбрав алкохол и кафанска музика.
dystopian
Просто прашање: Што е со оние што се креативни - доволно креативни да создадат своја музика, ама не се доволно ситуирани да се прослават. Едноставно за да станеш познат ти треба маркетинг. Ако не е аудиција, тогаш на некој од фестивалите како што е кај нас еве пример Макфест...
Не сметаш дека баш за тие помалку ситуирани таленти е потребно баш вакво шоу, било да е аудиција, било да е фестивал, колку да отскокне, да го видат луѓево дека постои?
Просто прашање: Што е со оние што се креативни - доволно креативни да создадат своја музика, ама не се доволно ситуирани да се прослават. Едноставно за да станеш познат ти треба маркетинг. Ако не е аудиција, тогаш на некој од фестивалите како што е кај нас еве пример Макфест...
Не сметаш дека баш за тие помалку ситуирани таленти е потребно баш вакво шоу, било да е аудиција, било да е фестивал, колку да отскокне, да го видат луѓево дека постои?
Но креативноста не се цени баш на таквите шоуа. Од тебе се бара одреден шаблон кој и се допаѓа на публиката (понуда и побарувачка нели). Се што треба за да се прославиш на една музичка аудиција е да имаш убав глас и да отпееш туѓи песни. Ете да речеме отиде некој ептен креативен и се прослави, во случај да добие договор со продукциска куќа тој повторно ќе биде приморан да создава песни кои се привлечни за широката публика (најчесто љубовни тралалајки или party songs), наместо да експериментира (ризикува) и да се обиде да создаде нешто свое, нешто посебно. Тоа се случува кога бираат инстант слава наместо креативна слобода.