Бора Бора е остров од групата Заветрени Острови кои спаѓаат во Француска Полинезија. Се наоѓа на 260 километри од главниот град Папетеа. Опкружен е со корални гребени и лагуна. Во средината на островот се наоѓаат остатоци од некогашниот вулкан во облик на два врвови – Пахие и Отемануа кои достигаат висина до 727 метри.
Во 2000 година бројот на популација изнесуваше 4 000. Најмногу е населен Ваитапе којшто се наоѓа на западниот дел на островот.
Името Бора Бора потекнува од тахичанскиот јазик и означува “Прво раѓање“. Изворно се изговара “пора пора“. Јадењето е ограничено на морско и кокосово.
За време на Втората светска војна, после јапонскиот напад на Перл Харбор на 7 декември 1941 година, Бора Бора станува јужнопацифичка американска воена база. Тоа го означува првото воено присуство во историјата на островот. Базата е затворена на 2 јуни 1946 година, меѓутоа голем број на војници останаа да живеат таму, заедно со нивната фамилија.
Денес островот зависи од туризам. Најмногу го посетуваат американски и јапонски туристи кои постојано доаѓаат на оваа туристичка дестинација и се воодушевени од прекрасната природа и преубавите плажи.
