Според кој критериум ја избравте/ќе ја изберете професијата?

[Аркантос]

Прашање до оние помалечките(и сеуште невработените):
Кога ќе дојде време за бирање професија, дали професијата ќе ја изберете според тоа колку е платена или според вашите желби(она што го сакате) независно колкав ќе ви биде приходот?
Прашање до повозрасните(оние како мене):
Според кој критериум ја избравте сегашната ваша професија? Поголем приход или љубов?

Да дадам одговор јас:
Сегашната моја професија е избрана од немај-каде. Неможев да најдам работа како професор - а е нешто што најмногу сакам од кога почнав да размислуваш што јас би работел во иднина, па најдов како дистрибутер, едно 5 години работев така, но поради здраствени причини морав да дадам отказ, и токму од НЕМАЈ-КАДЕ отворив Маркетче.
Дефинитивно не е она што го сакам, така да моменталната моја професија е избрана поради приходот...
- и жалам за тоа, ќе жалам практично секогаш.

Ако модераторите смеетаат дека оваа тема е иста тогаш нека ја избришат или спојат, но според мене се две тотално различни теми..

 

[Gemini]

Одбрав да учам медицина бидејќи може и со средно да се вработам како медицинска сестра а да не ми е потребен факултет и заради ова се запишав сега кај што сум иако не ми прави мерак додека пак за понатака мислам дека професијата би ја одбрала според она што имам желба да студирам без оглед колкав е приходот..

 

[Foxboro]

абе се запишав гимназија пошо не ми се идеше на страна (не сакав да оставам друштво и такви ствари), 3 година се запишав математичка паралелка..........не дека е од голема љубов ама take what you can ....знам дека со гимназија нема да најдам работа па голем мерак ми праи SEEU па информатика да запишам....работата ми се допаѓа пошо секојдневно има нови ствари и секако можеш да делуваш на различни полиња од информатиката- посебно ме влече програмерството.......живи здрави кога ќе завршам ако најдам работа поврзана со мојата струка добро ако не ќе пробам шпедиција........а можно е и сам да отворам фирма

 

[Lollypop]

Одбрав да се запишам економско од повеќе причини:
1. Се гледам себе си како идна економистка, во банка,во некоја фирма било каде ама знам дека тоа ќе ме исполнува и ќе го правам тоа што го сакам а и економистите секогаш се барани ии секогаш ќе има работа за нив.
2.Секако планирам да продолжам на факултет ама и со средно па можеш да најдеш работа на шалтер или како сметководител
3. Ич не ми одеа физиката и хемијата па поради тоа и не отидов во гимназија а медицина не отидов зашто ми се лоши кога ќе видам крв

 

[MissChievous]

Професија луѓе as in работа, не факултет/училиште. Барем дадете хипотетички одговор, не мора од искуство.

Еве мојот ќе биде хипотетички. Доколку би ми се укажала работа во, на пример, музејот на Македонија веднаш би ја прифатила па и по цена платата да е 100 евра. Истото важи и за работа како конзерватор, можеби асистент на омилената професорка, па дури и ако асисетенцијата е да и носам кафе и работи на терен.

Значи, доколку станува збор за работа во која би уживала, па дури и како хоби, која финансиски не се исплати, јас сепак би ја прифатила и работила. А доколку станува збор за работа која не сакам да ја работам, а имам можност и платата е повисока, пак би се обидела чисто поради искуство и секако, моментален финансиски приход. Подобро нешто отколку ништо.

 

[Luckky]

Имав многу амбиции и нормално не можат сите да се постигнат. Средно се запишав гимназија зошто ти нуди поголеми знаења од сите области за понатаму во животот отколку стручно школо. За на факулет, се решив за економски, поточно сметководство и ревизија. Кога веќе учам нешто па дај да бидам крвоток на истото. Планирам да станам ревизор На историја се запишав зошто смртно ме инетерсира и сум пресреќна. Е сега медицината ми е болна тема ама еј, животот е пред мене

 

[The Tramp]

Мојата професија веќе ја избрав пред неколку години. Чиста желба е, и се надевам дека ќе ми се оствари. Не се летам по парите, ако се летав ќе отидев на информатика или медицина, ама работата не е само да се завршиш нешто што не сакаш и после кога ќе се вработиш пример како стоматолог да не знаеш еден заб да извадиш саглам.

 

[Largo]

Пред се би го гледал задоволството.Ако не ми се работи, нема да има успех во работата ако нема успех нема никаков профит.Има и некој кој работат за профит а велат дека работат каква таква им била сеиста само да си ги земат парите

 

[Caci]

мојата професија за жал е избрана од моите родители, како што имам напишано и во други теми, добро знам дека после со тој факс ќе имам каде да работам и дека ќе зимам солидна плата, па здравје од кога ќе си соберам пари јас, тогаш ќе одам на факултетот што јас го сакав, и ќе го завршам и тој или пак може со правниот да се надоградувам и да станам и другата професија која што сум ја посакувала

 

[Trouble]

Според тоа шо многу сакам дечиња и да работам со нив, да ги учам, да им покажувам, а од друга страна го љубам и англискиот јазик, затоа сум на Англиски Јазик и Книжевност и сакам да го работам тоа затоа што знам дека часовите со дечињата ќе ги спремам со многу љубов и ќе дадам се од себе за да можам да им објаснам на нивни детски јазик за да тие можат да ме разберат А моментално у меѓувреме си работам конобрче и не се срамам со тоа, пошо и тоа си го засакав со тек на време, работам веќе 4-5 години, не дека сакам да им служам на луѓето туку сакам да се убаво услужени, почестени со моето секогаш добро расположение, насмевката и муабетот Едноставно си равивам комуникација со луѓето со оваа професија