Genre: Legal drama, Mystery
Executive producers: Shonda Rhimes, Betsy Beers, Peter Nowalk
Се работи за професорката Анализ Кеатинг, професор по предметот Како да се извлечеш од убиство. За студентите таа е немилосрдна, злобна и дрска. Како и да е, таа е жена која секогаш го добива тоа што го сака. Навикната да го добива секој предмет, таа важи и за еден од најдобрите бранители во судот. И токму таа, безобразната и безмилосната вештерка треба да ги учи нив како да станат подобри бранители во свет каде нема правила, виновникот може да биде виновен или не, се во зависност како ти сакаш да гледаат останатите на работите. А студентите? Тие се способни на се само за да го положат нејзиниот предмет. Но до каде се способни да одат и што се ќе направат само за да станат еден од нејзините миленици? Серија без граници, каде невозможното станува возможно, секс, тајни и опасни врски. Се со цел да се биде најдобар. Но дали ќе биде доволно?
Во средина на приказната е заплеткана и една мистерија со едно убиство на човек чиј идентитет го дознаваме дури при крајот на првата епизода. Втората епизода излегува на 2 октомври, а првата можам да кажам дека е доста заплеткана и напната. Малку ме бунеше тоа што постојано се менуваат деновите, пред почетокот на годината и по три месеци кога се случува злосторството.
Зошто да ја гледате оваа серија? И јас го помислив истото. Зошто да ја гледам оваа серија, што има толку посебно во неа? Овде се рејтинзите кои се прилично огромни, можеби најголемите до сега од сериите на ABC. Приказната е уникатна, глумата скоро перфектна. Се надевам дека и понатаму ќе продолжи со исто темпо.
Во главните улоги: Виола Дејвис во улога на професорката Анализ, Били Браун како детективот Нејт Леј, и се разбира студентите Алфред Енок како Вес Гибенс, Аја Наоми Кинг како Михаела Прат, Џек Фалах како Конор Валш и Карла Шоуза како Лорел Кастиљо.
