Одговори на темата

Порака: <blockquote data-quote="Prashina" data-source="post: 282224" data-attributes="member: 3001">Ноќта се спушти, го зароби градот, ги заспа непотребните. Колку таа поцврсто се котви во просторот толку посакувањето за тебе е поголемо. Како збеснато животно се обидувам во сенките од месечината да те пронајдам и лутам низ улиците каде поминувавме. Застанувам, се задлабочувам во мислите и се сеќавам на дијалозите, и ги повторувам во себе тивко нечујно. Глува ноќ е. По некој случаен минувач кој немо ме поминува со погледот.Каде си? Во кој ли свет царуваш со својата насмевка? Дали се сеќаваш?А, што ќе се сеќаваш? На миговите украдени од твоето спокојство, или на жедта моја за тебе. И кому да му раскажеш, нема да ти поверува. Ќе те погледне чудно и ќе ти рече ај не фантазирај, таа не е за тебе, таа не е од твојот свет, луд си...И кому да му разкажам, мислиш нема да ми рече исто. Јас можам само да му прикажувам за посакувањето, за целата страст која ја разбуди , за сите насмевки кои ги искраде и за будењето на секоја клетка од телото кое беше успано со години. Погледот и твоите очи не можам да му ги доловам. Досега никој не ме гледал така. Да те гледа, да продира со очите во тебе и безсрамно со погледот да ти каже се што еден маж може да каже на една жена. Погледот никогаш нема да го заборавам. Тој поглед во исто време соблекува , ми ги вцрвува образите, ми ги насолзува очите, за потоа да ме прикрие од сите како ништо да не било, додека се сплеткувам со зборовите кои немаат никакво значење и хаотично бујаат од усните.Во темнината те барам, знаејќи дека неможам да те најдам. Ноќите ти се подарени на твојата пеперутка. Таа тоа го заслужува. Јас бев само случаен минувач кој те краде на секунди во животот. Бев благословена да го дишам истиот воздух со тебе. Благодарна сум за тоа.Даваше се што мојата душа посакуваше. Се чудам колку многу имаше во себе да дадеш некому , кој изникна како привидение во твојот живот, непотребен и неповикан натрапник. Од срце ти благодарам. И не се лути кога чекорам сама во ноќта и те барам низ улиците, и се загледувам во твоите прозорци предизвикувајќи ти само понекогаш ноќна мора.Јуни, 2013</blockquote>

Верификација: Каква боја е Сонцето?

На врв Bottom

Барај

Барај

Одговори на темата