Одговори на темата

Порака: <blockquote data-quote="Photographer" data-source="post: 268855" data-attributes="member: 449">Чекори во ноќтаЛутајќи цела ноќ, само за еден клик од фотоапаратот, броејќи ги чекорите додека ги врвеше сокаците по кој знае кој пат, загледан во сенките кои повремено се појавуваа, ТОЈ незабележително ја бараше својата инспирација. Малку луѓе минуваа, се слушаше по некој глас, но се беше мирно, како и изминатите вечери. Нејзините црни петнаески оддалеку одекнуваа на плочникот. Со гордо исправена глава, црвениот кармин и забрзани чекори, го вееше црвеното фустанче што едвај покриваше дел од неа...Кога се доближи до него, ТОЈ ги забележа нејзините солзи и изговори: „Не грижи се, се ке биде во ред“.  ТАА продолжи со нејзиниот брз од и остро без да се заврти дофрли: „Се извинувам, јас не ве познавам“. „Некогаш ТИ беше, мојата инспирација“ -извика ТОЈ. Наеднаш чекорите престанаа, ТАА го препозна неговиот глас, тишина, како времето да застана, се заврти полека, го погледна и тивко изговори: „Си се изменил, не те препознав, помина доста време, единствено црвените старки и твојот мирис ми делуваа познато, но ...немаше да застанам, мислев дека тоа се само некои спомени“. ТОЈ: „И ти си се изменила, не си повеќе малото девојче кое го познавав, си станала дама. Мило ми е што те видов“ - се обиде да го заврши разговорот и да продолжи. ТАА го прекина: „Јас бев твојата инспирација? Ти ми беше се во животот, зошто замина? Зошто без да се поздравиш?“. ТОЈ како да немаше одговор на ниедно нејзино прашање, едвај изусти: „Јас незнаев да те сакам, онака како што сакаш ти“. ТАА: „Мене тоа твоето ми беше повеќе од доволно. Денес требаше да биди наша годишнина. Солзите кои ги виде вечерва беа само спомени од минатото, дел од твојата инспирација“ -и повторно солзите го прекрија нејзиното лице. Се слушна КЛИК, ТОЈ ја доби совршената фотографија, но ја изгуби неговата инспирација засекогаш. ТАА се сврти и замина. ТОЈ остана да ги слуша нејзините црни петнаески, како ја оддалечуваат неговата судбина од него.</blockquote>

Верификација: Каква боја е снегот?

На врв Bottom

Барај

Барај

Одговори на темата