Одговори на темата

Порака: <blockquote data-quote="Anakin" data-source="post: 220953" data-attributes="member: 1770">Случувањата на розевата улицаТогаш беа млади , незапирливи..полни со сок ....учеа да зборуваат Македонски. А од спротива оние нашите , застанале под врелото сонце шо се замислуваше и се правеше дека му е август, ама не беше август, беше март. Да, беше март, оној убав среќен месец кога конечно после долго време се чувствува дека нешто убаво надоаѓа. Тогаш се будат нови мириси, нови насмевки, и неповторливо сини облачиња на небото. Од младите момчиња имаше некои што негуваа мустаќи па гордо ги поднаместуваа и меѓусебно нешто се шегуваа ама со погледот вперен се знаеше каде гледат тие млади мајкини души што очајно сакаа да излезат од сенката на довчерашно синче и внуче . Младите Косоварки румени и бели вешто ја криеја насмевката . Сонцето намерно ги осветлуваше тие интересни пегави обравчиња , па чиниш не се образи туку јагоди издигнати над шумската постела. Горе над нив црешите направиле чудо....ако некој го бараше Бога, во тој момент и тоа розево небо над нив, сигурно ќе го најдеше. Некои од по итрите момци беа излезени со новите пантолони, пред време сошиени за Велигден , па изгледаа по отмено и не толку аргатски. Дојдоа некои постари жени. Се наредија околу младите девојчиња и за момент исчезна таа платонска призма оти жените не беа баш добро расположени па изгледа ја искараа младоста со сета нејзина безгрижност и наеднаш сликата се смени. Девојките си заминаа со своите постари тетки , момчињата уште малку постојаа на другата страна од патот , како да знаеа дека тој беше тој момент и дека нема да има друг повторно ,оти не беше таа песна за нив да ја пеат. Нивната аргатската се знаеше каде се пееше. Таа година црешите беа највкусни и најрумени.....</blockquote>

Верификација: Каква боја е Сонцето?

На врв Bottom

Барај

Барај

Одговори на темата