ПОЈАСНУВАЊЕ :)

[lady_blue]

Форумот Сликарство ја опфаќа областа на сликарството, или ако сакате дводимензионалната уметност, почнувајќи од историјата на сликарските правци, сликарските техники, развојот и менувањето на еден правец со друг, нивните карактеристики и влијанија, преку значајните автори и нивни дела, нивните влијанија врз развојот на човековите размислувања и сфаќања, поместувањето на границите помеѓу возможното и невозможното, реалното и замисленото, па сѐ до денешен ден и до она што сликарството како дел од уметноста денес значи за човекот и светот во кој живееме.

Можете да отварате најразновидни теми, за сѐ она што Ве интересира, фасцинира и поттикнува на размислување.

Би сакала да Ве замолам, пред отварањето на нова тема да погледнете дали таква тема веќе постои. Не се задржувајте само на прегледување на насловите на темите, ами разгледајте ја и нивната содржина.

Ако се двоумите околу некоја тема, сепак отворете ја. Ако се потребни било какви корекции или имате некакви нејаснотии, Ви стојам на располагање, се разбира во доменот на моите задолженија.
И најпосле, но, не и помалку важно - би сакала да Ве замолам при пишувањето да употребувате кирилица

Поздрав, lady_blue

 

[lady_blue]

Мало дополнување
Форумот Сликарство е трансформиран во форум Дводимезионална Уметност.
Што значи дека покрај темите поврзани со сликарството, тука може да отварате теми од областите на фотографија и фотографирање, стрипот, тетовирање и сл.
Се надевам ќе се забавуваме.
Поздрав

 

[lady_blue]

Имајќи ги на ум реакциите околу темите во овој форум, првенствено поврзани со одвоеноста според мотивот, идејата, односно инспирацијата, во посебни и одделни теми, би сакала да напомнам уште еднаш дека секој член има право да отвора било каква тема за која мисли дека има издржана поента да биде отворена.
Темите во кои мислењата ги изразуват(м)е преку фотографии, а без дополнителен коментар, го одразуваат Вашиот личен став, Вашето лично видување, Вашето лично доживување и Вашето лично размислување, во однос на тоа што подразбирате под уметност и за кое сметате дека местото му е во овој форум.
Теми и мислења со несоодветна содржина, се разбира дека ќе бидат избришани.