Омилен сликар

[MissChievous]

"Intelligence without ambition is a bird without wings." - Salvador Dali.

Иако ми е тешко да издвојам еден сликар како омилен, лесно ми е да го издвојам Салвадор Дали како еден од најдобрите и најзначајните во уметноста. Дали под влијание на старите мајстори и на барокот, обработува нов творечки метод што го дефинира како "параноидно-критичка активност". Вешто ги употребува визуелните искуства, интерпретациите на сеќавањето и сите деформации што му ги обозможува совесната и систематската примена на психолошките неправилности и паталошки појави.

Надреализмот го искористува и како ново средство за изразување во филмот. Во 1928 година го снима Андалузискиот пес, а во 1932 година, заедно со Луис Буњуел го прави филмот Златно време. Необичното се појавува во одделните кадри, но особено во "слободната" композиција на филмот кој го разбива вообичаеното следење "сцени" и настани.

Меѓу горенаведеното, Дали се бави и со архитектура, фотографија и мода. Во соработка со италијанскиот моден дизајнер Елса Шиапарели, Дали има изработено бел фустан со принт со омар. Исто така, има изработено капа во форма на чевла и розов каиш со тока во форма на усни. Изработувал и шишенца за парфем.

Кој е вашиот омилен сликар?

 

[Succubus]

Салвадор Дали е гение за уметност, навистина. И многу го почитувам, не само шо има талент, има и креативност, имагинација и во целост уметник е.
Само не ми се допаѓа тоа што некој кога и нема везе за уметност, го многу форсира, а не прочитал за други.

Ja би ги спомнала Sigmar Polke, Picasso, John Everett Millais, Jan Van Eyck, Pollock...

Sigmar Polke, германски сликар и фотограф.

Pablo Picasso, (кој не го знае) шпански сликар, скулптор, керамист и сценски дизајнер.

John Everett Millais, англиски сликар и илустратор. Еден од наоѓачите да речам, од Пре-рафаелското друштвенце

Jan Van Eyck е холандски сликар и е еден од позначајните сликари во 15тиот век во Северна Европа.

Jackson Pollock е апстрактен Американски сликар, многу познат по она drip painting (кога бојата капе по платното).

Има и на денешницава многу подобри, покреативни, од резултат на општеството во кое живееме, ама има премногу, така да ретко издвојувам ОМИЛЕН сликар.
Во наредно издание, ќе ви прикажам и други. Ама тоа кога ќе зборуваме за технолоЏиска уметност

 

[Lena]

Дефинитивно Пикасо,ги сакам неговите дела затоа што јасно ја покажуваат пораката,можам книга да прочитам од неговите слики,некоја единстено препознатлива мешавина измеѓу апстрактна и реална уметност.
...

 

[MissChievous]

Мене all time favorites ми се Веласкез, Гоја, Дали и Пикасо. По некоја случајност, сите шпанци.

Диего Веласкез се родил во Севиља во 1599 и се развивал во ателјето на Пачеко со чија ќерка и се оженил. На 23 години се нашол во образованите кругови на Мадрид, а во 1628 година му припаднала честа на Рубенс, кој бил во дипломатска посета, да му го покаже шпанското уметничко богатство. Во 1634 година го насликал Коњаничкиот портрет на Дон Балтазар Карлос, светол и восхитувачки, со заднина на жив пејзаж.

Така почнува неговата серија портрети на деца, која ќе достигне врв во импозантното дело Лас Менинас (благороднички) од 1656 година. Претставена е русокосата инфантка Маргарита, ќерка на Филип IV со нејзините дворски госпоѓици во ателјето на уметникот. Лево е тој пред платното, а кралот и кралицата се гледаат во огледалото што се наоѓа на сликата. Фигурите се насликани со импресионистички потези, отсјаи, треперења. Просторот на оваа слика е решен на необичен начин, со сложени односи на насликаните фигури.

Веласкез учи повеќе со посматрање и со студирање на природата отколку од своите учители и стари мајстори. Во почетокот го интересираат сцени од обичниот, секојдневниот живот, но подоцна, со оглед на тоа што е мирен и затворен, ги менува и своите интересирања, особено кога во својата 29-та година станува дворски сликар, изработувајќи голем број портрети на членовите на кралското семејство и дворските благородници, слуги итн. Во 1650 година во Рим го прави портретот на папата Инокентиј X во кој се гледа уметниковата сигурност во слободното ракување со бојата, во што го достигнува врвот. Покрај техничката брилијантност, овој портрет од Веласкез има ретка пробивност во изразот.

 

[Lena]

А дали има некои нови млади уметници кои не се толку познати а кои се навистина добри,барем има во Мк.многу талентирани уметници а за кои не знаеме ништо???Баш ме интересира..

 

[Succubus]

Ej да, Гоја! Баш сакав да напишам сега за него
Инаку, познавам јас од Виница еден, стрипови црта најчесто, а мислам дека и слика по нешто. Добар уметник е, башка слуша и добра музика

И Ване Костуранов, Струмичанец. Неговиот стил ми е многу интересен, онака детски, фино ептен

Има и многу други, не можам многу да најдам, дека не се комерцијализирани толку.
Мило ми е и шо СЕ повеќе има луѓе шо се интересираат за уметност и има на повидок уште подобри уметници.

 

[Saladin]

Клод Моне. Неговите „прелевања“ на нијанси, композиција на бои.... Нешто совршено!

 

[Lena]

Ej да, Гоја! Баш сакав да напишам сега за него
Инаку, познавам јас од Виница еден, стрипови црта најчесто, а мислам дека и слика по нешто. Добар уметник е, башка слуша и добра музика

И Ване Костуранов, Струмичанец. Неговиот стил ми е многу интересен, онака детски, фино ептен

Има и многу други, не можам многу да најдам, дека не се комерцијализирани толку.
Мило ми е и шо СЕ повеќе има луѓе шо се интересираат за уметност и има на повидок уште подобри уметници.[/quo
горната слика е совршена,а и долнава има некое посебно значенње...

 

[Lena]

Моментално сум фасцинирана од Паул Клее со неговата огромна збирка/серија на прекасни ангели со кои ги представува
чобечките карактеристистики и особини..
Фантастично