Одговори на темата

Порака: <blockquote data-quote="Mila Kunis" data-source="post: 69240" data-attributes="member: 167">8 правила за пакување кога летате со авион1. Без што не можете да тргнете?Секогаш кога патувате треба со себе да си понесете будилник бидејќи хотелот можеби не нуди услуга за будење, фен за коса со соодветен адаптер (ако летате преку океан), чешел и секако, четка за заби и паста. Доколку патувате како турист, сигурно ќе сакате со себе да понесете фотоапарат, а доколку одите на службено патување, не заборавајте дека ништо нема да сработите доколку ги заборавите полначите за мобилен телефон, лаптоп, таблет...2. Што да понесете за вашето бебе?Секогаш постои веројатност дека ќе поминете неколку часа на аеродром, поради одложувањето на летовите, така што едно од правилата за пакување кое новите родители мораат да го почитуваат, е да спакуваат доволно пелени за бебенцето. Во ранецот кој ќе го качите со вас во авионот, ставете и шишенце млеко, тегличка со храна и медикаментите кои му се неопходни на вашето бебе.3. Занимација за по патДоколку одите на далечна дестинација, летањето со часови сигурно нема да ви биде многу забавно. Мобилниот телефон мора да ви биде исклучен додека сте во авион бидејќи сигналот од мобилната мрежа може да ѝ смета на навигацијата. Но, лаптоп или таблет смеете да понесете, па затоа не заборавајте да ја наполните батеријата пред да патувате и да обезбедите неколку интересни филмови или серии за занимација. Нив најчесто можете да ги користите во текот на летот, но не при полетувањето и слетувањето, односно додека е вклучен знакот за задолжително врзување со појасите. Доколку не сте љубители на електронски уреди, не заборавајте да понесете некоја интересна книга и списание.4. Колку храна можете да понесете во рачниот багаж?Не знаете каква храна ве очекува вклучена во авионската услуга, па не би било лошо доколку понесете малку со себе во рачниот багаж. Битно е да знаете дека сите течности кои ќе ги внесете со вас во авионот, не смеат да бидат спакувани во шишенца поголеми од 100 мл и нив треба да ги собере во една пластична кеса со средна големина. Ова значи дека не можете со вас да понесете шишенце со вода од пола литар, ниту многу храна. Еден сендвич не би претставувал никаков проблем, но шишенце јогурт е преголемо на пример. Ако имате поголеми шишенца од дозволеното или доколку носите поголема количина храна, обезбедувањето ќе ви ја конфискува. Дури и шишето да ви е пола празно, но е поголемо од 100 мл, пак ќе ви го одземат. Битно е да знаете и дека не треба да носите облека со премногу метални додатоци на неа, бидејќи ќе активирате многу аларми.5. Колку облека и обувки да понесете во куфер?Пред да тргнете на пат, <a href="http://weather.yahoo.com/">проверете на интернет</a> каква ќе биде климата на дестинацијата до која патувате, за да знаете колку дебела облека ќе ви треба за таму. Врз основа на тоа каде планирате да одите, пожелно е да понесете екстра јакничка, а по можност и некој практичен чадор на склопување. Ќе ви биде паметно и да понесете некое парче облека во вашиот рачен багаж, за секој случај. Во однос на типот на обувки, размислете какви активности ве очекуваат на патувањето. Ако планирате да пешачите или планинарите, ќе ви требаат удобни патики, за на топлите места неопходни ви се лесни папучи/сандали, за на снег чизми кои не пропуштаат, а за на службено патување или за вечерно излегување ви треба нешто поелегантно. Во секој случај, гледајте да не понесувате повеќе од два пара чевли за да не го преполните куферот. Најпрактично за пакување е да се водите според правилото „еден пар чевли на себе и уште еден во багаж“.6. Козметика и лекарства во рачниот багажМожете дел од вашата козметика да ја понесете во вашиот рачен багаж, но секако, во шишенца со големина од максимум 100 мл. Што се однесува до лекарствата, најдобро ќе биде да ги понесете во нивното оригинално кутиче, бидејќи на тој начин, доколку се разболите, странските доктори ќе можат да проверат кои медикаменти сте ги консумирале.7. Смеете ли да носите алкохол во багаж?Забрането е внесување оружје или запаливи течности со вас во авионот. Дезодорансите треба да ви бидат сместени во чекираниот багаж и воопшто не понесувајте абразивни средства за чистење, бидејќи тоа може да ви направи проблеми кај обезбедувањето. Што се однесува до понесувањето алкохол во чекираниот багаж, најверојатно нема да ви прават проблеми ако понесете фабрички затворени алкохолни шишиња, чија вкупна тежина не надминува повеќе од 5 литри и не содржи повеќе од 70% алкохол, бидејќи во тој случај се смета за запалива течност. Спакувајте го во кеса со патент за да ја заштитите облеката ако ви се скрши шишето и пријавете го пред обезбедувањето кога ќе ве праша.8. Каков е градскиот превоз на посакуваната дестинација?Пред да тргнете на пат, информирајте се на интернет за метро, железнички, автобуски и трамвајски линии кои ќе треба да ги користите за да се движите од хотелот до посакуваните дестинации и назад. Ова е добро да го направите пред полетувањето, бидејќи не нуди секој хотел бесплатна интернет услуга.Правилата се менуваат, а и постоечките не важат за сите земји во светот, така што доколку имате некоја недоумица во врска со дозволите и забраните при летување, најдобро е да се консултирате со авиокомпанијата пред патувањето.</blockquote>

Верификација: Каква боја е Сонцето?

На врв Bottom

Барај

Барај

Одговори на темата