„Бели“ лаги

[Реми]

Дали постојат бели лаги и кои се тие?
Постои ли некоја хиерархија чиј врв припаѓа на белата лага?
Следствено на ова дали оправдувате бела лага или за вас е само постулат на кого градите империја од лаги?

 

[MissChievous]

Во една епизода на Powerpuff girls се збореше за бели лаги и беше претставено бело суштество и како што лажеа, тоа се зголемуваше и почна да прави штети наместо нив, и за професорот да не види, ќе почнат да ја кажуваат вистината за се, и суштеството ќе исчезне. Значи, бели лаги се "мали" лаги кои сметате дека нема на никого да му наштетат, како на пример, мајка ти те прашува "Ти се допаѓа ручекот што го направив?", тебе те е ужасен, ама вика "Да, да, супер е", само за да не ја навредиш. И заминува, ти го фрлаш во канта, и кога се враќа ти вика "Мило ми е што го изеде цел", и ти наудрен се правиш, "Да, да, го изедов ".
Според тоа, сметам дека не се ништо страшни, секако се додека не прераснат во навика и "штит" за сопственото однесување.

 

[Vendetta]

Незнам дали други имаат приметено ама луѓето сакаат да кажуваат бели лаги но никако тие да бидат бело излажани

 

[Hexasto]

Ги оправдувам и ги практикувам

 

[Mystique]

Некако ме потсетува темава на филмот The invention of lying . Колку само светот би бил суров без тие бели лаги. Ужасно. Свесна сум некогаш кога ми кажуваат добронамерна бела лага и знам дека е тоа само за да не ме повредат. Се додека не се опасни, и тоа како ги оправдувам.

 

[katetoo]

секако дека ги оправдувам, со задоволство ги користам и не ми смета ако некој ги користи, се додека се бели и не тераат накај сиво-црни

 

[Farfalla]

Ги користам, не многу често, ама ги користам.
На пример за нови штикли. Обавезно цената за 500 ја намалувам (освен ако не сум ги земала за 500).
Сакам ташни, како дрога ми делуваат, знам со денови од се да си скратам за да купам ташна. Така, кога ќе ме види со нова ташна, дечко ми знае да ми рече „аман бе, пак ли ташна?“. А јас на тоа „не бе, на мама е “. Не ми верува, само се насмевнува.

 

[Praetorian]

Кога секој секому би кажувал што навистина мисли, во светот не би постоеле пријателства и врски меѓу нив.
Така да, оправдувам бела лага во смисла на ручекот на мајката, давањето комплимент на некоја свеченост- "Леле ама ти е убав фустанов/кошулата/сакото".
На такви собири, нормално е да се прават такви работи зашто кога секој би реагирал на таа лага во смисла- "Ај не лажи, знам дека не ти се допаѓа", тогаш истите собири не би ни постоеле.
Што значи само малку ги оправдувам, но не секогаш ги користам, не особено кон драга личност, зашто знам дека се цинични, а јас не сум таков.

 

[Мирче_мкД]

ги оправдувам и одвреме навреме ги користам.. понекогаш едноставно ми е подобро да излажам и да се заврши на тоа отколку да ја продолжувам конверзацијата. Најчесто кога станува збор за ситни , безначајни работи. Исто ваквите лаги начесто се користат во ситуација кога сакаш да откачиш некого.

 

[MoonFairy]

Ги оправдувам и ги користам само кога немам друг излез и кога се неопходни...за да ублажам одредена ситуација или за да спречам да дојде до поголем конфликт ( на пример мажот го “мачкам“ со бела лага дека една кутија цигари ја пушам 4 дена, а јас ја пушам за два, и за да не ми држи предавања дека се штетни, многу пушам дрн дрн морам да употребам таква лага ...а бели лаги од типот на комплименти што не ги мислам користам многу, многу ретко ...многу ми е тешко да кажам нешто што не мислам..особено на моја блиска личност - со нив сум немилосрдно искрена...