Фустаните од хартија го донесоа светот на модата во Охрид

Legioner

Истакнат Член
18 април 2012
999
606
423
Ohrid
Охриѓани вчеравечер имаа можност да ја почуствуваат магијата на модата и одблиску да проследат модна ревија како во познатите модни метрополи. Дворот на гимназијата „Св. Климент Охридски“ во Охрид, вчера блескаше како модните писти од светски модни куќи, а ученичките на гимназијата со своите фустани од хартија наликуваа на познатите маникенки од модните списанија. Вака накратко може да се опише несекојдневната модна ревија , на која беа претставени околу 45 модни креации изработени од хартија.






Ревијата на фустани од хартија, која годинава се одржува по втор пат е дело на самите ученички, кои помогнати од професорката Катерина Слатиноска направиле вистинска уметност од хартија.

-Хартијата и лепилото зедовме како основни матерјали кои ги употребивме. Креациите се идеја на самите ученички и во истите вложивме заеднички труд, а за подготовка на ревијата потрошивме околу два месеца. Пораката на ревијата е дека со било каков материјал може да создадеме уметност, вели професорката Слатиноска. Таа се надева дека оваа ревија ќе стане традиционална и дека ќе се одржува секоја година.






Девојките кои учествуваа на модната ревија, која беше пропратена со светлосни ефекти и видео бим, рекоа дека се чувстуваат како да се на вистинска модна писта.

- Во подготовка на ревијата заедно со професорката вложивме многу труд и време. За изработка на мојот модел ми требаше три до четири часа, во кои морав да стојам исправено. За да го изработам овој фустан потрошив околу три до четири списанија, вели Сара Коваческа, кој носеше кратко шарено фустанче.






Ученичката Надја Ќосеска, која носеше голем раскошен невестински фустан, рече дека се чувстува како невеста од хартија.

-На минатата ревија носев кратко фустанче, но сега сакав да носам пораскошна креација и затоа се решив за невестински фустан. За подготовка на фустанот потрошив околу 3 дена, но околу него многу ми помогнаа професорката и неколку мои другарки, вели Ќосеска.


Од моделите кои парадираа на ревијата имаше најразлични видови на креции, во најразлични бои и дезени и според гледачите, секоја беше убава на свој начин.

OhridNews​
 

Eva

Староседелец
19 февруари 2012
103
100
1,028
Вчера бев на ревијава...Можам само да кажам БРАВО. Ова е нешто неверојатно. Кога ги гледав само се чудев..Ваква бев :eek.. Алал да им е стварно..Како се напраени...Се...Алал да им е стварно...Немам коментар. Прекрасни се..и се надевам уште многу пати ќе се повтори ова...(bravo)
 
  • Like
Реакции: Iskra*-*

emzzy

Староседелец
25 февруари 2012
1,374
1,871
1,123
Respect за Кети по ликовно-една од најдобрите професорки од средно во Охрид!
 
  • Like
Реакции: Eva