Филмови со најдобри пресврти (СПОЈЛЕРИ!)

[Altaïr]

Верувам дека на сите филмомани им се омилени ваквите филмови кои имаат јаки пресврти. А и искрено кажано не е мал бројот на филмови кои ќе ве остават со отворена уста на крајот.

Затоа бидејќи знам имате гледано такви филмови, направете си една топ 5 листа на омилени филмски пресврти.
Може да си пишувате што сакате за филмовите, ако некој се плаши од спојлери, нека не ја чита темава.

Мене ме фати мрза, затоа подоцна ќе пишам. Почнете си вие.

 

[Хоуп*]

Ај ќе издвојам 5, ама не е битен редоследот воопшто, на тие што ми текна, тие ќе ги пишам.

The Others
Го гледав одамна, можам да кажам и како дете и мислев дека се работи за класичен хорор, (пошто тогаш беше земен од дивидитека како хорор, не постоеа такви поделби ко сега хорор мистерија трилер не знам што) едно семејство и проколната куќа, ама не... Паметам дека се отепав од препорачување и долго време си го паметев баш поради пресвртот на крај.

Fight Club
Што сакате можете да кажете, ама филмов освен што е најдобар, го има и најдобриот пресврт. Не верувам дека некој останал рамнодушен кога дознал дека уствари Нортон е Пит. Уствари Тајлер. Ако воопшто сте стигнале до таму

The Machinist
Пак поделена личност, пак две личности кои се уствари еден човек. Исто тешко за предвидување, би рекла и невозможно.

Identity
И пак поделена личност (сега гледам по листава ептен ми легнале ваквите филмови) само овој пат не меѓу две лица, него меѓу многу повеќе. Додека го барате убиецот и размислувате за осомничените, никогаш нема да ви текне што баш се крие зад целата приказна.

Shutter Island
Не знам дали е до мене, или најдобрите филмски пресврти се баш тие, ко овие погоре и пак слична приказна. Пак се работи за нешто слично.. Некако не сакам да пишувам спојлери за филмовите, посебно за овие... Кај има кај нема спојлер...

Ако не сте ги гледале насловите, не читајте

Не го пишувам The Usual Suspects пошто знаев кој е Keyser Soze

 

[Struggler]

Ај ве молам изгледајте Martyrs (2008), психолошки-хорор филм... пресврт има.. mindfuck!

 

[Altaïr]

The Usual Suspects
Мора прв овој. Ако Хоуп знаела, мене ни на крај памет не ми беше дека Кајзер Созе цело време бил меѓу нив. Стварно, ептен ме изненади крајот. Имаше во темата за филмски постери една слика, е тоа е спојлер.

Planet of the Apes
Оригиналот нормално. Е ова не можеше никој да го предвиди ако не го гледал постерот на филмот или барал по нет. Кој ли само може да предвиди дека цело време уствари се наоѓале на Земјата.

Primal Fear
Првата и најдобра глума на Нортон. Немам што да кажам, ни се знаеше нешто додека траеше филмот, ни можеше да се насети. Пресврт еден од така подобрите.

Star Wars V: Empire Strikes Back
"I'm your father Luke", ајде нека каже некој дека го предвидел ова. Нема шанси, јас се сеќавам дека неколку пати ја враќав сцената за да се уверам.

Sixth Sence
Ехее, Брус Вилис цело време да ти бил дух. Останав зачуден признавам.

Тие погоре ми се топ 5 ама уште ќе ги спомнам и: The Others, Machnist, Memento, Fight Club, The Game, Shutter Island, Truman Show и The Prestige.

 

[Altaïr]

Би го спомнал The Mist, го заборавив погоре.
Нема некој којзнае каков пресврт од кој ќе те боли глава, ама сепак имаше пресврт кој не беше очекуван барем за мене. Значи стварно, човекот си го уби детето и жената што ја сака и тие старците, за на крај да видиме дека тоа за кое мислеше дека е некакво чудовиште тоа да ти биле спасители. Лошо.