Силеџии (bullies)

[MissChievous]

Ниту едно општество не е совршено.
Ниту еден човек не е совршен. Секој има мани и доблести.
Никој нема право да му закачи "етикета" на друг човек. Никој нема право да му упати погрдно име/прекар на друг човек. Никој нема право да врши насилство врз друг човек.
Но сепак, многу си го даваат тоа право.

​

Дали вие сте се соочиле со силеџија?​

Дали сте биле?​

Според вас, што ги тера луѓето да бидат силеџии?​

Какво е вашето мислење за истите?​

 

[existence]

Ниту едно општество не е совршено.
Ниту еден човек не е совршен. Секој има мани и доблести. Никој нема право да му закачи "етикета" на друг човек. Никој нема право да му упати погрдно име/прекар на друг човек. Никој нема право да врши насилство врз друг човек. Но сепак, речиси секој си го дава тоа право.

​

Дали вие сте се соочиле со силеџија? Дали сте биле? Според вас, што ги тера луѓето да бидат силеџии?​

Какво е вашето мислење за истите.​

Како тоа што ги тера? Па тоа е еден од основните животински пориви на секое живо суштество. Алфа единките секогаш сакаат да се покажат со својата физичка надмоќност како би стекнале почит во заедницата и би ја обележале „својата“ територија.

 

[Dr.Gonzo]

Секој силеџија малтретира помали и послаби од него. Тоа се луѓе, најчесто дечишта кои се неваспитани и не јаделе доволно ќотек па затоа се курназат, или пак јаделе доста ќотек па немаат кого да тепаат и маваат врз послабите. Се имам соочено со силеџија на кој му ги скршив прстите на рацете, а не сум бил силеџија иако професорката по физика во средно така ме нарече оти јас бев многу гласен кога се бунев да ми пише двојка.
ПС честито модераторство

 

[existence]

Ете така. Според тебе, животинските пориви.

Да не се сфатиме погрешно, не го оправдувам силеџиството туку само го објаснувам. За мене тоа е еден од доказите дека човекот не е ништо сем животно кое очајно сака да се издвои од животните.

 

[MissChievous]

Да не се сфатиме погрешно, не го оправдувам силеџиството туку само го објаснувам. За мене тоа е еден од доказите дека човекот не е ништо сем животно кое очајно сака да се издвои од животните.

Те сфатив и се согласувам со тебе, до некаде. Бидејќи не се сите насилни, значи кај одредени луѓе се појавува потребата да ја покажат својата физичка надмоќност. Сепак, има и други начини како да се стекне почит.
А мое мислење е дека пред се станува збор за неправилно воспитување, поточно, луѓе кои остануваат размазени деца и мислат дека се им е дозволено.

 

[Avona Vi]

Мислам дека се е од детството, ако некој е бил малтретиран од некои силеџии, секако дека и тој кога ќе порасне ќе стане таков... Луѓето најчесто ги малтретираат, омаловажуваат другите зошто се „мали“ луге. Не се научени на ништо друго освен на насилство и мислат дека тоа се ќе реши...

 

[Ice_Man]

Секој силеџија малтретира помали и послаби од него. Тоа се луѓе, најчесто дечишта кои се неваспитани и не јаделе доволно ќотек па затоа се курназат, или пак јаделе доста ќотек па немаат кого да тепаат и маваат врз послабите. Се имам соочено со силеџија на кој му ги скршив прстите на рацете, а не сум бил силеџија иако професорката по физика во средно така ме нарече оти јас бев многу гласен кога се бунев да ми пише двојка.
ПС честито модераторство

потполно си во право.. поголем процент се оние размазени дечишта кои не јаделе ќотек,незнаат како е додека оние кои се тепани (не мислам додека биле деца и ги тепале родителите) она вистинско тепање,,ке се размисли три пати пред да влезе у тепачка

 

[Шмекси]

Кај отиде долгото мислење?


Во врска со батката кој што го пиша тоа мислење, се сложувам целосно со твоето мислење и можам да ти кажам браво затоа што во многу убаво светло, јасно и прецизно кажа се што бара оваа тема.

Е само не се сложувам што ете велиш дека има два типа силеџии и кукавици.Не е точно.
Се зависи од карактер.Некој иако така му прават со тоа не ослабува/омекнува туку напротив станува по јак.И кога ќе видиш животот е борба уште од самото наше раѓање.
Што се вели се мачиш да излезеш на свет.Се мачиш да проодиш.Се мачиш да стануваш рано за во градинка.Се мачиш да носиш ранец и блок број 5 во прво одделение.
Цел живот е мака.За да биде уште позачинета маката се појавуваат такви пречки низ кои ама баш секој треба да ги помине.Баш на тие пречки човекот си ги осознава неговите граници како и неговата физичка и пред се умствена способност.
Никогаш на било каква пречка не треба да се откажуваме туку треба да стиснеме заби и да го даваме максимумот од себе, не само еден ден, туку секој ден од будење па до легнување.

Назад на тема затоа што забегав
Како мал многу ме малтретираа, ама многу.Заедно со моите најдобри другари со кои што уште од тогаш се дружев.Сум земал пари од дома затоа што ми бараа сок и 2 кутии цигари да им купам со 100 денари и да им вратам 50 денари.Ама ако.
Никогаш не им направив проблем.Ама и никогаш не се надевав на нив за ништо како што некој пиша дека демек грб ќе ми биде.

На таквите им се виде крајот, половината се сеуште на вена, некои ситни крадци, крупни крадци, дилери, лихвари и останати пропалици.
Тие ништо во животот не постигнале.Тие никогаш не фрлиле камен 5 години нанапред во животот, камоли 10 години напред.
За разлика од мене и воопшто сите што го јаделе тој стап и останале упорни.Погледнете се и кажете што сте направиле во животот.Па сигурно повеќе од тие неартикулирани бараби

Исто така кога сме веќе тука ми текна интересна случка.Човек, повозрасен 2 генерации од мене.Како мал го имаат тепано секој ден во подрум.Зашто? Ете така од мерак плус го „челичеле“.
Сите мислевме дека баткава ќе стане карактер човек.Тој, на негови 24 години ги собира децата од зграда и околина ги бута во подрум и ги млати.
Му останало комплекс, психичка аномалија или не знам како да го кажам тоа не сум стручен.
Тоа е најлошата можна варијанта.Да правиш нешто што тебе ти правеле и тоа да биде лошо.

 

[Coelho]

Го избришав долгото мислење, не знам зошто. Имав некое замислено лошо чувство. Сепак, еве го:

Кога бев помал ги забележував поголемите (кои тогаш за мене беа т.н батковци) како комуницираа со помалите т.е тие на моја возраст. Ги праќаа да им купат сок, да им наполнат вода, да им купат грицки, да им ја донесат топката. Од тоа како ќе ја завршат задачата зависеше дали ќе им кажат "Браво!" или ќе им удрат клоца/заушка.

Како што растевме забележав дека децата околу кои постојано бев на училиште почнаа да ги присвојуваат овие тактики и овој начин на однесување, но некаде во овој систем дојдоа до дупка и почнаа да ја злоупотребуваат. Бидејќи им беа верни потрчковци на постарите, тие им дозволија понекогаш да поседат со нив за да се почувствуваат посилно. Имаа некоја замисла дека тие им го чуваат грбот, дека ќе можат да ги викнат кога ќе има проблем, просто кажано: почнаа да мислат дека се супериорни. Тука и тргна наопаку.

Таа култура и почит ги снема, па почнаа на многу силеџиски начин да пробаат да добијат нешто, да постигнат нешто. Поради тоа што имаа чувство на сигурност поради тие "батковци", а тука беа и постарите браќа кои имаа некоја репутација што им беше имунитет на помалите браќа. Или пак родителите кои беа во одбор на родители или пак беа некои значајни личности.

Со тек на време, а и поради таа супериорност почнаа да развиваат мислење дека се поважни, посилни и подобри од другите - но тие "други" беа премногу зафатени со клацкање и со играње жмурка за да сфатат што се случува, па силеџиите дојдоа до заклучок дека има само еден начин како да добијат незаслужена почит - go for the confidence.

Со навредување, закачање, исмевање и тепање почнаа да ги тераат другите деца да мислат дека не се доволно добри т.е дека се скоро безвредни. Било која акција имаше реакција која секогаш беше навреда. Се појави страв од кревање раце за време на час, излегување на табла, вежбање на физичко, а со тек на време и воопшто присуствување на училиште.

Кога си мал и кога почнуваш да им веруваш на оние кои се обидуваат да те бутнат - нема што да правиш. Ако се спротиставиш - ќе добиеш ќутек. Ако се обратиш кон наставничка/класна/психолог/педагог си кукавица. Ако ќутиш си кукавица.

Така (според мене) произлегуваат два вида на деца. Деца со уништена самодоверба и силеџии.
Има и трет вид кој излегува сосема во ред, а тоа се убавите девојчиња во одделението. Или пак некои кои не обрнуваа многу внимание на силеџиите.

 

[LMFAO]

Јас силеџиите ги сметам за прости, нецивилизирани, невоспитани луѓе. Секако, сум влегол во конфликт ама вербално, а да се тепам НЕ и никогаш нема себеси да си дозволам такво нешто.