Ајде овде да постираме слики од реките како низ Мк така и во светот, и да кажеме кој што видел, знае или чул за нив
Реката Хоанхо или како што е уште наречена “Жолта Река“ е втора според должината во Кина... Таа има 30 пати повеќе талог на кубен метар од реката Нил и однесува во морето речиси исто количество седимент како и реката Ганг но со многу помал вкупен проток. Хоангхо од изворот на Тибетската висорамнина има неправилен тек низ северните области во Кина. Низ голите ридови тече брзо и се спушта на високо плато покриено со наслојки од лес, што некаде се дебели и по неколку стотини метри. Жолтата река Хоанг Хо, која го добила името поради тоните жолто-кафеава мил што ја носи со себе, важи за проклетство и за благослов на кинеската цивилизација. По поројни дождови реката периодично се излева од коритото и пустоши цели региони, но по повлекувањето остава зад себе плодна мил. Поплавата на Хоанг Хо во 1887 година се смета за најголема катастрофа во човештвото воопшто - загинале околу 1 милион луѓе. Реката се излева и денес, иако нејзиниот тек е регулиран, но голем проблем е тоа што, наместо плодна мил, Хоанг Хо остава отрови и хемикалии.Водата во многу делови на реката е загадена од канализација, индустриски отпад, ѓубриво и други отровни материи. Властите во Пекинг тврдат дека околу 300 милиони Кинези во руралните области консумираат вода загадена со хемикалии, претежно од комбинати за хартија и за хемикалии. Загадени се и подземните води во околу 90 отсто од кинеските градови, а 136 града имаат хроничен недостиг на вода.
И покрај напорите на централните власти за чистење на реките, при крајот на минатата година, при хаварија во петрохемиски комбинат, реката Сонгхуа беше загадена со 50 тони бензен, што претставуваше директна смртна закана за милиони луѓе. Интерени работи, среќа што немаме кај нас ваква река ))