Литературни промоции

[Redhead]

Во оваа тема, вљубениците во книгата ќе може да се информирате за сите литературни промоции што ќе се одржуваат во иднина (не мора да се ограничуваме само за Скопје).

Еден поголем настан ќе се случи утре во новото МНТ, доделување на втората меѓународна книжевна награда "Табернакул". Оваа награда ќе ја добијат рускиот писател Виктор Ерофеев и нобеловецот Орхан Памук од Турција. На оваа промоција ќе учествуваат Ферид Мухиќ и Венко Андоновски кои ќе одржат беседа за авторите, а Ерофеев и Памук ќе промовираат по две книги. Од Памук "Немиот дом" - книга за која во 1991 год ја има добиено наградата за Европско откритие, и "Наивниот и сентименталниот романописец". Додека Ерофеев ќе ги промовира "Акимудија" и "Руска убавица". Издавачката куќа "Табернакул" ќе им додели скулптури изработени од уметникот Горан Стаменков, златник, и парична награда од 5000 евра.

 

[Saladin]

Памук во Скопје?
Не можел да избере подобар ден. Башка коинциденција. Итар Пејо likes this.

 

[Redhead]

Вечерва во Младинскиот културен центар со почеток во 20 часот ќе се одржи промоција на збирката кратки раскази "Ге - дур" на авторката Тамара Јолевска Попов, во издание на издавачката куќа Или - Или.

Додека пак на 13 февруари (четврток) со почеток исто во 20 часот во кафе - книжарницата Магор ќе се одржи промоција на збирката раскази "Тајната мисија" од Влада Урошевиќ.

 

[Redhead]

Како и неколку години наназад, така и оваа година на 23 јули (понеделник) со почеток во 21 часот, во Градскиот парк ќе се одржи манифестацијата "Види музика - Слушни слика - Добиј книга".
Севкупно доживување од областа на уметноста, проследено со концерт на Македонската Филхармонија под диригенство на Мартин Пантелеев од Бугарија, ликовниот меч помеѓу Менсур Бојда и Владимир Симеонов, а ќе се подарат и 20,000 книги.

 

[Saladin]

Еве нешто интересно што вреди да се ѕирне.



Супер комбо со Влада и Оли. Башка за оние носталгичарите на Скопје кое го паметиме пред овој градежен холокауст.