Дискутабилно е прашањево бидејќи понекогаш колку човек и да е спремен да оди напред во кариерата, некои работи не зависат од него и неговите постапки.
Лично јас, во мојата работа ќе се трудам колку што можам во секој сегмент од работењето, навремено ќе ги извршувам работните обврски, никогаш не сум бил лигуш и подмукло створење кога се работи за шефови и работодавци. Секогаш сум фер, отворен и пред се исполнителен. Секако, очекувањето е дека со искрена и чесна работа ќе се напредува понатаму.
А доколку имам моја фирма, тогаш работите ќе стојат малку понаку, односно, понапорно од моја гледна точка.
Тогаш 10-12 саати во просек недлно ќе треба да работам, буквално да дишам со фирмата.
Да ги бркам сите тековни работи, да поправам пропусти, доколку се појават, да барам клиенти, да ја промовирам фирмата во јавноста, рекламирање, барање партнери за соработка (други фирми преку кои ќе се најмуваат клиенти) итн. Вработените ќе се третираат коректно, секако ќе барам дисциплина од нив, зашто малку ако се испуштат работите од рака кај вработен, може да се "заразат" и останатите. Но никогаш семејството не би си го жртвувал за работата. Да, можеби некогаш ќе треба да се задржувам на работното место повеќе време, но сето тоа знам да им го надоместам во секое време, зашто без нив не би успеал во моите намери.
Затоа, секогаш треба да се настапва трезвено, со ладна глава во бизнис-сферата.