1. Еј...супер што го посетуваш Црнобело форумот. Слободно регистрирај се и приклучи ни се во дискусиите!

Доброволно дарување на крв

Дискусија во форумот 'Здравје' започната од Y1K991, 21 април 2012.

  1. Y1K991

    Y1K991 Parleur

    Зачленет на:
    1 март 2012
    Мислења:
    6,262
    Допаѓања:
    9,105
    Дарување крв или крводарителство е чин на некое лице кога доброволно дарува крв, којашто се користи за трансфузија или за производство на лекови преку процесот наречен фракционација.

    Во развиениот свет најголем дел од крводарителите се неплатени доброволци кои што даруваат крв за потребите на заедницата. Во посиромашните земји, залихите се ограничени и крводарителите обично даваат крв тогаш кога му е потребна трансфузија на некој член од семејството или на пријател. Многу дарители даруваат крв од милосрдие, но има и такви кои се платени, а во некои случаи има и други начини на поттикнување, освен парите, како на пример платени слободни денови од работа за крводарителите. Еден крводарител може да дарува крв и за свои сопствени потреби во иднина. Дарувањето крв е релативно безбедно, но кај некои крводарители може да се појави модринка на местото каде што била ставена иглата, или да почувствуваат губење на свеста.

    Кaј потенцијалните крводарители се прават проценки за сè што може да ја направи крвта небезбедна за употреба. Испитувањето вклучува тестови за болести што се пренесуваат преку трансфузија на крв, вклучувајќи ХИВ и вирусен хепатит. Исто така, се испитува и медицинската историја на крводарителот, а се прави и краток физички тест за да се утврди дека дарувањето крв не е опасно по неговото здравје. Колку често крводарителот може да дава крв има разлика во денови и месеци, врз основа на тоа кој компонент од крвта се донира, како и на законите во земјата каде што се случува дарувањето крв. На пример, во Соединетите Американски Држави, крводарителот мора да чека 8 седмици (56 дена) за повторно донирање на целокупна крв, а само 3 дена за донирање тромбоцити.

    Количеството крв коешто може да се донира, како и методите на донирање, се разликуваат. Земањето крв може да се изведува рачно или со автоматизирана опрема, со којашто се земаат само посебни делови од крвта. Многу од компонентите на крвта којашто се употребува за трансфузија имаат краток рок на употреба, и оддржувањето на постојани залихи е постојан проблем.
     
    На Blondie, Scars31 и lady_blue им се допаѓа ова.
  2. Mila Kunis

    Mila Kunis Истакнат Член

    Зачленет на:
    15 февруари 2012
    Мислења:
    2,279
    Допаѓања:
    3,527
    Епа кај нас важи, после 4 месеци донирање за женски,а после 3 месеци за машки :)
     
    На Bum-Bum, Blondie, lady_blue и уште 1 член му се допаѓа ова.
  3. Y1K991

    Y1K991 Parleur

    Зачленет на:
    1 март 2012
    Мислења:
    6,262
    Допаѓања:
    9,105
    Најчесто поставувани прашања за крводарувањето

    1. На која возраст можам да започнам да дарувам крв?
    -Секое здраво лице на возраст од 18 до 65 години може да дарува крв.

    2. Дали треба да бидам јаден пред дарувањето?
    Пред дарувањето пожелно е да јадете лесен оброк (кифла, геврек..). Доколку претходно сте јаделе помасен оброк, не ќе бидеме во можност да добиеме квалитетна крв и крвни продукти од крвта што сте ја дарувале.

    3. Во што се состои прегледот пред дарувањето?
    Пополнувате прашалник за дарител на крв во кој прашањата се однесуваат за Вашето здравје, прележани болести и животни навики. Со боцкање од прст се зема капка крв и се проверува нивото на хемоглобинот во крвта. Потоа следи разговор со лекарот кој ќе Ви мери крвен притисок и ја слуша работата на срцето.

    4. Дали се тестира крвта?
    Да. Крвта се испитува за присуство на заразни заболувања преносливи со крв - жолтица Б и Ц, сифилис, сида. Секоја единица на крв која била позитивна на било кој од овие тестови безбедно се уништува. Освен ова се одредува крвна група, Rh фактор и антитела кај секоја единица крв.

    5. Што се случува понатаму со резултатите од тие тестирања?
    Сите резултати од тестирањата се достапни за увид само на дарителот и на медицинските лица кои непосредно ги изведуваат тие тестови или се одговорни за контрола на квалитетот на добиените крвни компоненти, т.е. има апсолутна анонимност и дискреција. Лицата кај кои се утврдило дека било кој тест од оние наменети за заразни болести преносливи со крв е позитивен, се повикуваат по писмен пат да дојдат за повторно тестирање или за упатување во некоја друга институција која е задолжена за лекување или дополнително испитување.

    6. Дали со дарувањето крв може да се заразам?
    Со дарувањето крв не може да се заразите, бидејќи сетот за дарување е стерилен и е за една употреба.

    7. Дали боли убодот од иглата?
    Нашиот персонал е добро обучен така што убодот од иглата нема да Ве боли ништо повеќе од убодот при земање на крв за било која анализа на крв.

    8. Дали се чувствува иглата додека е во вената?
    Иглата не се чувствува додека е во вената.

    9. Колку долго трае самото дарување на крв?
    Дарувањето трае околу 5 - 10 минути.

    10. Колкаво количество на крв се дарува?
    Се дарува 450 мл. крв. Сакаме да Ве потсетиме дека човек со околу 70 кг. има околу 5 литри крв. Постои и можност при строго одредени услови да се дарува и помала количина на крв, на пример 350 мл, што се врши во кеси наменети за таа намена.

    11. За колку време се надоместува даруваната крв?
    Течниот дел од крвта - плазма се надоместува за 24 часа. Крвните клетки (еритроцити, тромбоцити, леукоцити) се надоместуваат постепено во текот на неколку недели, во зависност од видот на клетките. Затоа е задададен временски интервал помеѓу две дарувања од 3 месеци за мажи и 4 месеци за жени.

    12. Како ќе се чувствувам по дарувањето?
    Вообичаено дарителите не чувствуваат никакви потешкотии или промени за време на или после дарувањето. Некои дарители се чувствуваат дури и подобро и олеснето од колку пред дарувањето. Сепак незначителен број на дарители може да почувствуваат лесна непријатност или мачнина. Тоа не треба да Ве загрижува, зошто таквите појави се минливи и без последици. Лекарот ќе Ве советува како да постапите при појава на таква реакција.

    13. Дали може по дарувањето да ги изведувам секојдневните активности?
    Може да ги изведувате Вашите секојдневни активности. Сепак лицата кои се занимават со тешки и опасни работи, мора да внимаваат во текот на следните 2 дена. Има професии кои бараат крводарителот да биде отсутен од работа во тек на 12 до 72 часа, во зависност од природата на самата професија. Запомнете дека не смее да се пуши цигара најмалку 30 минути до 2 часа, алкохол не смее да се конзумира најмалку 8-12 часа, особено не на празен желудник и пожелно е да се конзумира повеќе вода или сокови во текот на истиот ден.

    14. Дали има и други видови на дарувања?
    Да, постојат така наречени алтернативни начини на крводарување, како што се на пример дарувањето по пат на афереза, автологно дарување, предоперативна нормоволемична хемодилуција и интраоперативна и постоперативна крвна салважа. Со постапката наречена афереза крвта на дарителот минува низ машина-клеточен сепаратор со цел да се одделат крвните елементи-плазма и разни видови клетки (тромбоцити, леукоцити, еритроцити), така што за терапија се користи само оној дел кој е потребен, а останатиот дел од крвта се враќа на дарителот. При автологно дарување (при планирани операции) пациентот дарува крв и крвни компоненти за себе. Крвта што ја дарува пред оперативниот зафат се чува во трансфузиолошката служба. Таа е наменета исклучиво за пациентот кој ја дал и за време на операцијата ја прима истата. Другите видови на алтернативно дарување се случуваат во операциона сала кај пациенти кај кои постои индикација да се спроведе истото.

    преземено од РЗТ
     
    На Брида, Blondie, Bibi@ и уште 1 член му се допаѓа ова.
  4. Scars

    Scars Староседелец

    Зачленет на:
    17 февруари 2012
    Мислења:
    2,227
    Допаѓања:
    3,541
    имам давано крв само еднаш, и сега планирам пак да давам. убаво е кога знаеш дека ти можиш да спасиш живот !!! иако луѓето не го ценат тоа !!!!!!!!
     
    На Bibi@, lady_blue и 048 им се допаѓа ова.
  5. Mila Kunis

    Mila Kunis Истакнат Член

    Зачленет на:
    15 февруари 2012
    Мислења:
    2,279
    Допаѓања:
    3,527
    Јас 2 пати имам дарувано до сега, и би дарувала пак :) убаво е чуството кога знаеш дека ќе помогнеш некому...(wasntme)
     
    На lady_blue и 048 им се допаѓа ова.
  6. Caci

    Caci Истакнат Член

    Зачленет на:
    15 февруари 2012
    Мислења:
    872
    Допаѓања:
    1,103
    Јас сакам да дарувам, но имам проблеми со крвта... :( еден ден кога ќе ги немам, ќе бидам редовен крводарител (nod)
     
    На Хоуп* и Ночной охотник им се допаѓа ова.
  7. Y1K991

    Y1K991 Parleur

    Зачленет на:
    1 март 2012
    Мислења:
    6,262
    Допаѓања:
    9,105
    Дали знаете дека секоја година е потребно 3-5% од населението да даде крв за да им се помогне на болните и повредените?

    Факти за дарувањето крв:
    • Дарувањето крв е доброволно, анонимно и бесплатно.
    • Крводарител може да биде секоја здрава личност на возраст од 18 до 65 години.
    • Жена може да дава крв на секои 4 месеци, а маж на секои три месеци.
    • Дарувањето крв не е болно, не создава навика и не му штети на организмот.
    • Материјалот за земање на крв е за една употреба, така што даувателот и примателот се потполно заштитени.
    • Пред секое дарување се врши медицински преглед.
    • Дарувањето крв е корисно, со тоа што ќе го проверите своето здравје.
    • На крводарителителите како почитувани членови на општеството, Црвениот крст им доделува признанија.
    • Секој крводарител е соработник на здравствената служба и заслужува посебно внимание од здравствените работници.
    преземено до доктори.мк
    Крвни групи
    Крвната група претставува класификација на крвта која се базира на присуството или отсуството на наследени антигенски супстанци кои се составен дел на мембраната на еритроцитите. Овие антигени може да се од видот на протеини, јаглехидрати, гликопротеини или гликолипиди (во зависност од системот за класификација на крвните групи), и некои од овие антигени се исто така присутни на мембраните на некои други типови на клетки. Неколку од овие антигени од еритроцитите кои потекнуваат од еден алел (или блиску поврзани гени) заедно формираат систем од крвни групи.​
    Крвните групи се наследуваат од двата родитела. Денес се познати вкупно 29 човечки системи од крвни групи кои се признаени од МЗКТ.​
    Многу бремени жени носат фетус кој има различна крвна група од нивната, така што мајката може да формира антитела против феталните еритроцити. Понекогаш овие мајчини антитела се IgG, мал имуноглобулински протеин кој може да ја премине плацентата и да предизвика хемолиза (растворање, разорување) на феталните еритроцити, што води до хемолитичко заболување на новороденчето.​
    [​IMG]
    Компатибилност за трансфузија на крв
    Единките со AB крвна група ги поседуваат и двата антигена (А и В) на мембраната на нивните еритроцити, и нивниот крвен серум не содржи антитела кои би се бореле против А или В антигенот. Според ова, единка со АВ крвна група може да прима крв од било која друга крвна група (преферирајќи АВ), но може да дава крв само на единки со АВ крвна група.
    Единките со А крвна група го имаат само А антигенот на мембраната на еритроцитите. Нивниот крвен серум содржи IgM антитела кои дејствуваат (т.е. се борат) против В антигенот. Според ова, единка со А крвна група може да прима крв само од единки со А или О крвна група (преферирајќи А крвна група), а може да дава крв само на единки со А или АВ крвна група.
    Единките со В крвна група го поседуваат В антигенот на мембраната на нивните еритроцити. Нивниот крвен серум содржи IgM антитела против А антигенот. Според ова, единка со В крвна група може да прима крв само од единки со В или О крвна група (преферирајќи В), а може да дава крв само на единки со В или АВ крвна група.
    Единките со О крвна група (која кај нас и во некои други држави се означува како нулта, а во други со буквата О) ги немаат А и В антигените на мембраната на еритроцитите, но нивниот крвен серум содржи IgM анти-А антитела и анти-В антитела кои дејствуваат против А и В антигените. Според ова, единка со О крвна група може да прима крв само од единки со О крвна група, а може да дава крв на сите останати крвни групи (А, В, О или АВ).

    [​IMG]

    [​IMG]

    преземено од македонската википедија
     
    На Blondie, Scars31, Caci и уште 1 член му се допаѓа ова.
  8. Y1K991

    Y1K991 Parleur

    Зачленет на:
    1 март 2012
    Мислења:
    6,262
    Допаѓања:
    9,105
    Доколку на некого од Прилеп и околина му е потребна крв од крвна група B+, слободно нека ме бара

    ***
    Корисни врски (линкови)

    и јас имам два пати досега :)
     
    На Bum-Bum му/ѝ се допаѓа ова.
  9. existence

    existence Boolean
    Член на администрација Админ

    Зачленет на:
    3 март 2012
    Мислења:
    7,391
    Допаѓања:
    9,099
    Јас давам на 6 месеци кога има акции од црвен крст. Засега 6 пати.
     
    На Blondie му/ѝ се допаѓа ова.
  10. Blondie

    Blondie Староседелец

    Зачленет на:
    19 февруари 2012
    Мислења:
    612
    Допаѓања:
    1,085
    048 Секоја чест за темава. Ќе те надополнам само малку.
    Како најново во врска со дарувањето е тоа што може само дарување од иста крвна група,само во многу ретки ситуации кога нема во залихи од таа крвна група што е потребна се дава О,или друга ама претходно се прават компатибилни тестови.Инаку јас колку што знам ова е најнов закон донесен од страна на СЗО.
    Има уште некои придобивки од дарувањето на крв.Како на пр доколку некој има вредности на крвните елементи надвор од границите или народно кажано јака крв со дарувањето ќе се нормализира,и незнам колку знаете после 10 дарување,дарителите се ослободени од партиципациите во здравството
     
    На 048 му/ѝ се допаѓа ова.

Сподели: