Плата во приватни училишта за странски јазици

[snowbela]

Здраво Црнобелковци Ме интересира дали знаете како се платени професорите по приватните училишта за странски јазици? Онака, да сте слушнале од некој или пак искуство.

 

[Stojne]

Затоа што во Скопје плачам 600 денари од час за англиски,значи месечно 2400 денари.Да речам дека истата професорка им предава и на уште пет луѓе,6×2400 тоа е 14400.Толку отприлика им е платата,сила до 15000.

 

[ВинаНевина]

Јас живеам настрана од Скопје и на почеток имав лошо искуство како професор во приватно училиште по англиски јазик. Децата плаќаа по 1000 денари месечно за 6 часа, а јас добивав 225 денари по дете, од кои 25 денари беа персонален данок кој јас морав да го платам на крајот од годната. Имав 5 групи од по 5-6-7 деца и месечно платата ми доаѓаше по отприлика некои 6000 денари, што според мене беше мизерно. Станував наутро рано за да стигнам на час од 9 каде се задржував до 12, а потоа се враќав дома. После ручек, односно околу 16 часот имав повторно часови со групите, а навечер имав курсеви со повозрасни кои сакаа да научат Англиски за работа со компјутери или поради престој во Америка или Австралија. Профитот од овие курсеви го делевме 50-50 со газдарицата.

Сакам да кажам дека газдарицава на училиштето каде што јас работев сакаше да ќари на мене како нова во тимот, значи се зваиси и од тоа како ќе ти се погоди. Но сепак беше многу добро искуство

 

[Electra]

Приватните училишта се океј ако си уште студент и сакаш да заработиш по нешто помеѓу предавања. Но тоа во некое понормално општество каде можеш да заработиш 200 евра на месец со по 3 часа неделно, што не е случај кај нас. Проблемот е што кај нас многупати не само што бараат да си веќе дипломиран, туку и да си достапен 24/7 во случај да треба да замениш некого, да менуваш термини за излезеш во пресрет на ученици што не можат да стигнат на час, дома да спремаш часови и проверуваш домашни. За тоа и 15.000 се премалку бидејќи најверојатно (ќе) немаш работно време и сите други обврски ќе треба да ги преместуваш да не се поклопуваат со часовите.
Да не зборуваме за главоболките и нервозите што идат од „јас плаќам, ќе правам што сакам“ деца (па и возрасни).
Благодарам, никогаш повеќе.