#Ж strikes again
Половина студенти дисквалификувани на конкурсот за студентски домови
Речиси половина од студентите, 45 отсто, што конкурирале за место во студентски дом за претстојната академска година
биле одбиени бидејќи во доставените документи навеле лажни податоци за примањата во семејствата.
Фризираните податоци се однесуваат на платите на своите родители за кои биле наведено дека се значително помали отколку што навистина реално изнесуваат.
Овој податок вчера го соопшти премиерот Никола Груевски, кој наведе дека таквите пријави се автоматски одбиени.
- На пример, ова е само претпоставен пример, некој студент пријавува дека примањата на неговите родители се илјада денари месечно. Потоа му се бара потврда од УЈП и се утврдува дека таткото на студентот зема 30 илјади денари плата месечно. Сите откриени случаи се дисквалификувани на конкурсот, а нивните пријави се одбиени - рече Груевски.
За синоќа беше најавено дека ќе бидат објавени имињата на студентите што добиле кревети во студентските домови, а потоа ќе биде објавен нов конкурс за празните места, на кој ќе може да се пријават и одбиените студенти.
Со новиот закон за студентски стандард, кој е усвоен, се предвидени и високи казни за одговорните лица што делеле студентски легла не по критериуми, туку по врски и по ургенции.
За одговорните во домовите и во студентскиот центар се предвидени и високи казни од 3 илјади до 7 илјади евра за оние што не ги делат леглата на законски начин.
