Годишна сезона
Пролетта секогаш го мие зимскиот грев
засадува надеж до кокичињата бели
ја буди заспаната насмевка во секој од нас
го менува зимскиот сон со прегратки врели.
И дур трепнеш лето, и нови авантури
кулминација од љубов, мечти и страст
опиени погледи, зашеметени млади
пијат од тој волшебен нектар со сласт.
Но кришкум есента ни влегува низ врата
внесува носталгија, копнеж по она што било
будно не’ следи, не’ подготвува бавно
за она што допрва следи, вистински гнило.
Aх, ете ја зимата, со замрзнувачки бран
што пустоши, пркоси на се’ пред себе
oстава плач, крикови и души празни
не остава ништо од мене, ни тебе.
Но на крајот...
Пролетта секогаш го мие зимскиот грев
засадува надеж до кокичињата бели...