1. Еј...супер што го посетуваш Црнобело форумот. Слободно регистрирај се и приклучи ни се во дискусиите!

Правилна исхрана - најважни состојки

Дискусија во форумот 'Готвење и рецепти' започната од Trajche, 16 февруари 2012.

  1. Trajche

    Trajche Староседелец

    Зачленет на:
    13 февруари 2012
    Мислења:
    1,541
    Допаѓања:
    2,554
    Најважни состојки на храната се : Белковини, јаглени хидрати, масти, витамини, минерали и вода.


    Белковини (протеини)

    Тие ја сочинуваат основата на сите живи ќелии: мускули, кожа, коса, ќелии на крвта, со еден збор сите телесни ткива се составени од белковини. Белковините се незаменлив материјал за основа на развој и растење на ткивата. Покрај тоа тие имаат улога на стварање на заштитни материи кои го штитат организмот од заболување. Позната е нивната улога во пренесување вода во организмот, а исто така се и извор на енергија и поради тоа ги викаат и енергетски материи.

    Белковините во природа се наоѓаат во растителен и животински свет, но тие меѓусебно се разликуваат по вредност, што го приморува човекот да са храни со мешовита храна како би ги обезбедил за своето тело сите потребни состојки.

    Најмногу животински белковини има во: месо, риба, млеко и млечни производи (сирење, кајмак, јогурт, кисело млеко и др.) и јајца. Утврдено е дека белковините од животинскиот свет содржат извесни состојки (есенциални амино киселини) кои се неопходни за организмот. Поради тоа произлегува поголема биолошка вредност на животинските белковини над растителните. Овие белковини полесно се варат и полесно се искористуваат од растителните.

    Човек не може да прави резерви на белковини, како што е случај со мастите, па затоа е приморан да ги зема секојдневно. Ако не се земаат секојдневно ќе дојде до заостанување во раст и развој, ке се намали отпорноста на организмот према болестите, ќе дојде до намалување на црвените крвни зрнца, што ке има за последици на слабокрвност.
    Возрасни луѓе треба дневно да земаат по 1 грам белковини на 1 кг. своја телесна тежина.
    Деца во зависност од возраста 2 до 3 пати повеке. (што се помали им треба повеке)


    Јаглени хидрати

    Тие главно се наоѓаат во растителни намирници, додека во животински ги има малку ( 100 гр. месо има одвај 0,5 грама јаглени хидрати ).
    Под јаглени хидрати во прв ред се подразбира шекери и материи кои им се сродни, само не треба да се сфати дека сите материи кои се слатки се и јаглени хидрати.
    Најважни јаглени хидрати од растителен вид е скробот.
    Најголем дел од енергијата потребна за работа се добива од јаглени хидрати, кои се широко распространети во природата.
    Количината на јаглени хидрати дневно кои треба да се внесат во организмот зависи од тежината на работа. За потешка работа е потребна поголема количина на јаглени хидрати.
    Просечна дневна потреба е движи од околу 400 грама јаглени хидрати.
    Енергетските материи согорувајки во организмот, ослободуваат топлина која се мери во калории. Една калорија е онаа количина на топлина која е потребна за 1 кг. вода да се загрее за 1 степен целзиус.
    Јаглени хидрати има во: (сложени) житариците, тестенините, компирите, оризот, и (прости) во лебот и сите други благи работи.

    Масти

    Во човечката исхрана мастите претставуваат драгоцен извор на телесна топлина и енергија. Познато е дека при секоја работа организмот троши извесна количина на енергија, а за да би ја обновил човекот треба во организмот мора да внесе одредено количество на масти (белковините и јаглените хидрати се носители на енергија, ама мастите се 2 пати повеќе. При согорување на 1 грам масти се развива енергија(топлина) од 9,3 калории, додека при согорување на 1 грам јаглени хидрати или белковини се развива 4,1 калории)

    Мастите во растителен вид ги има во семките и во масните плодови (маслинките, ореви и др.)
    Мастите во животинскиот вид ги има во ткивата на животните, во млекото и млечните производи (маслац, путер и др.) и во јајцата.

    Во споредба со белковини и јаглени хидрати мастите потешко се варат.
    Мастите можат да се створат и од јаглените хидрати ако се земаат претерано. За разлика од белковините мастите прават резерви во телото.
    Поради внесување поголеми количини во организмот доаѓа до дебелеење, со сите последици кои ги носи.
    Потреба за мастите се движи околу 60 грама дневно. Извесни масти содржат и витамини кои се во нив растворливи. Најмногу содржат витамин А и Д и поради тоа се корисни.
    Инаку подкожно масно ткиво спречува сувишно испуштање на топлина, го штити телото од надворешен притисок, а белковините од претерано потење. Недоволно внесување на масти доведува до слабеење на телото према инфекции. При вршење на тешки физички работи мастите се многу добар енергетски матријал, и тогаш се внесува повеќе.



    Витамини

    Витамините се важни состојки на храната, чии недостатоци доведуваат до различни пореметувања во организмот. Тие се јавуваат во храната во многу мало количество, но сепак доволно да ги извршат своите задачи.
    Најзначајни витамини се:
    Витамините од групата Б кои го помагаат искористувањето скробните материи во организмот. Позитивно влијаат врз работоспособноста и врз функцијата на нервниот систем, посредуваат во создавање црвени крвни зрнца, во растење и во поинтензивно искористување на вдишаниот кислород во клетките, со што се забрзува и размената на материите во прганизмот.
    Најмногу ги има во: месото, џигерот, млекото и млечните производи, житариците, квасец и др.

    Витамин Ц е познат по својата заштитна улога против инфекции, а исто така за јакнење на коските и забите и за искористување на железо во организмот. Најмногу се наоџа во зелените лисја на лиснатиот зеленчук, пиперките, шипките, доматите, во јужното овошје и др.

    Витамин Д е познат како фактор кој го заштитува младиот организам од рахитис. Овој витамин во организмот може да се изгради и под влијание на сончевите зраци, па е многу потребно изложување на сонце и воздух. (особено на малите деца)

    Витамин А е фактор за заштита на слузокожата од штетните фактори, а особено за заштита на дишните патишта. Се наоѓа во млекото и млечните производи, јајцата, маргарин и џигер.




    Минерали
    Од минералните состојки кои му се потребни на организмот и се неопходни се:калциумот, фосфорот, железо и натриумот.

    Калциумот служи за градба на коските, односно целиот скелет и забите. Го има најмногу во млекото и млечните производи.

    Железото е неопходно за сите живи организми, бидејки учествува во хемоглобинот на крвта и во прометот на материите во организмот. Недостаток на железо придонесува до појава на еден вид анемија, па со тоа кон општа слабост на организмот. Во организмот се обезбедува со внесување преку месо, црн џигер и јајца.

    Натриумот е содржан во многу продукти за исхрана, а се внесува и како зачин во вид на готварска сол. Во човечкиот организам се наоѓа како составен дел на клеточните течности. Во нормалната исхрана на возрасните дневните потреби во готварска сол изнесува околу 10 грама дневно, вклучувајки го и вносот со продуктите во кои има натриум.


    Постојат уште многу минерални материи и витамини кои не ги спомнав, а се неопходни за човечкиот организам. Сите тие можат да се обезбедат доколку нашата исхрана е разновидна и во секој оделен оброк е составена од поголем број на продукти.

    Правилна исхрана е онаа во која секојдневно е застапен асортиман од повеке (разновидни) продукти кои содржат како што напишав: белковини, масти, јаглени хидрати, витамини и минерали и многу вода (2 литра дневно најмалку).




    Ова се нашите неопходни состојки кои треба да ги внесуваме секојдневно, колку вие се придржувате кон правилна исхрана?
     
    На Struggler, Jagotka, Gemini и уште 8 други им се допаѓа ова.
  2. efederer

    efederer Админ
    Член на администрација

    Зачленет на:
    2 октомври 2011
    Мислења:
    150
    Допаѓања:
    256
    Витамините и минералите се хранливи материи кои мора да ги земаме преку исхраната бидејќи нашето тело, (со мали исклучоци) не може да ги произведува. Играат незаменлива улога во метаболизмот, овозможувајќи безброј процеси во телото да се одвиваат нормално.

    Витамините најчесто се делат на две групи: растворливи во вода и растворливи во масти. Витамините растворливи во вода како што кажува и името, треба да бидат растворени во вода пред да може телото да ги апсорбира. Такви се С витаминот, витамините од В комплексот (B1, В2, В6, В12, фолната киселина-B9, ниацинот-B3, панотенската киселина-B5 и биотинот-B7). Другите пак се растворливи во масти (тоа се витамините А, D, E и K).

    Витаминот А не само што ни помага во одржување на здравиот вид, исто така им помага на нашите коски, ја стимулира активноста и производството на бели крвни клетки и помага за регулирање на растењето и поделбата на клетките. Конзумирање премногу од овој витамин може да доведе до одредени несакани ефекти. Храна која изобилува со овој витамин: месо од органи како што се црниот дроб и внатрешни органи од живина, сладок компир, тиква, праска, моркови, спанаќ, диња.

    Комбинацијата на B6, B12 и Фолната киселина може да помогне при борбата и да спречи срцеви болести и некои видови рак. Само фолната киселина, помага за превенција на тешкотии при раѓање и поради тоа сите жени во текот на репродуктивните години треба да земаат фолна киселина. Исто така се покажало дека фолната киселина го намалува ризикот од рак на дебело црево и дојка.
     
    На Bum-Bum, Trajche и Mila Kunis им се допаѓа ова.
  3. efederer

    efederer Админ
    Член на администрација

    Зачленет на:
    2 октомври 2011
    Мислења:
    150
    Допаѓања:
    256
    Витаминот С му помага на организмот да произведува колаген (тоа е главниот протеин кој се користи како сврзно ткиво во телото) во крвните садови, коските, ‘рскавицата и мускулите. Следната храна е добар извор на витамин С: гуава, портокал, кива, јагода, папаја, ананас, манго, круша, сурова слатка црвена зелена пиперка, брокула, сладок компир, карфиол.

    Доколку живеете во подрачја со малку сончеви денови, голема е веројатноста дека имате недостаток на витамин D. Нивото на овој витамин ќе ви биде помало од потребното доколку не излегувате и не поминувате барем 15 минути дневно на сончева светлина. Витаминот D му помага на телото да го апсорбира калциумот и фосфорот, кои се неопходни за креирање на коските. Лабараториски истражувања покажале дека овој витамин исто така помага при спречување на растење и делење на клетките на некои видови канцер. Витамин D може да конзумирате преку: лосос, туна, сирење, жолчка од јајце, млеко.

    Витаминот Е кога е во телото има улога на антиоксиданс, состојка која помага во борбата со оштетување на клетките во телото од слободните радикали. На телото му е потребен витамин Е за зајакнување на имунолошкиот систем за да може да се брани од бактерии и вируси. Клетките го користат овој витамин за да комуницираат меѓу себе и да извршат многу важни функции. Овој витамин ќе го најдете во: путер од кикиритки, спанаќ, авокадо, боровница, доматен сос и доматно пире, орев, сончогледови семки, бадем, лешник, кикиритки и бразилски орев.

    Витамин К е основен во произведување на 6 од 13 протеини кои штитат од згрутчување на крвта. Луѓето кои земаат аспирин или слични лекови, треба да бидат внимателни со внесувањето на витамин К. Неодамнешните истражувања покажале дека и овој витамин може да игра улога во градењето на коските. Овој витамин помага во згрутчување на крвта (на пр. кога го има во доволни количини при сеченици и гребнатини крварењето запира побрзо). Витаминот К најмногу се наоѓа во зелен лиснат зеленчук, брокула, соја.
     
    На Trajche и Mila Kunis им се допаѓа ова.
  4. Trajche

    Trajche Староседелец

    Зачленет на:
    13 февруари 2012
    Мислења:
    1,541
    Допаѓања:
    2,554
    Гледам дека како информација е на многумина добредојдено, но не ми беше тоа целта сакам да се развие и дискусија колку внимавате на храната и на најважните состојки кои се пишани погоре ? :)
     
    На Smiley_1996 му/ѝ се допаѓа ова.
  5. Trajche

    Trajche Староседелец

    Зачленет на:
    13 февруари 2012
    Мислења:
    1,541
    Допаѓања:
    2,554
    Позитивните ефекти на витаминот Ц

    Според истражувањата, витаминот Ц има особено позитивни ефекти при следните состојби:

    Стрес:

    Витаминот Ц игра многу значајна улога за зајакнување на работата на имунолошкиот систем, особено кај лицата кои се наоѓаат под постојан стрес, кој е чест придружник на современиот начин на живеење. Витаминот Ц значително се троши под дејство на стресни ситуации, а воедно претставува и првата состојка која се намалува при конзумирање на алкохол, цигари и појава на гојазност, па застапеноста на овој витамин во организмот претставува одличен показател за општата здравствена состојба.

    Настинки:

    Кога станува збор за настинките и грипот, бројните студии покажуваат дека овој витамин игра голема улога во зајакнувањето на имунитетот и воспречување на посериозни компликации, како појава на пневмонија и инфекции на белите дробови.

    Мозочен удар:

    Една неодамнешна студија откри дека лицата кои имаат најголеми концентрации на витамин Ц во крвта, за 42 % го намалуваат ризикот од добивање на мозочен удар, во споредба со лицата кои имаат помали концентрации. Причините за ова не се во целост разјаснети. Меѓутоа, она што може да се утврди со сигурност е дека луѓето кои редовно внесуваат големи количини на овошје и зеленчук имаат поголемо ниво на витамин Ц во крвта.

    Стареење на кожата:

    Витаминот Ц влијае на клетките и одвнатре и однадвор во организмот. Поголем внес на витаминот Ц се поврзува со помала веројатност од појава на брчки, сушење на кожата и поголема веројатност за мазен надворешен изглед на кожата.

    - Витаминот Ц не се складира во телото (вишокот на овој витамин се излачува надвор од организмот), па поради тоа не е можно да се дојде до состојба на предозираност. Меѓутоа, многу е важно да не се надмине крајната горна граница од 2,000 милиграма на ден, за да се избегне појава на стомачни потешкотии и дијареа.
     
  6. Хоуп*

    Хоуп* Proton
    Член на администрација

    Зачленет на:
    4 април 2013
    Мислења:
    2,414
    Допаѓања:
    4,232
    Не знаев кај да прашам, па темава најоодветна ми се виде.. Некој да ми даде линк нешто од табела на калории, која храна колку калории има и на македонски, српски ако може :) Ви благодараааам.
     
  7. MimeQueen

    MimeQueen Полноправен Член

    Зачленет на:
    13 јануари 2014
    Мислења:
    86
    Допаѓања:
    41
    Совети за здравје и и исхрана.
     
  8. МалиСашко

    МалиСашко Истакнат Член

    Зачленет на:
    12 јануари 2014
    Мислења:
    466
    Допаѓања:
    347
    Ај да ја сефтосам темава...
    Чисто се сеќавам на вујкото од Ресен на дедо ми... Кутричкиот, за малку не ја фати стоттата. И брат му на мојов „домашен“ дедо... ене, ја фаќа 90ттата...
    Во што е финтата просто да се разграничи...

    Вујкото од Ресен на утро го разбудуваше жена му со слатко, чаше ракија и вода. Неговата теза беше „ бактериите се лепат за слаткото, па со ракијата ги дезимфицирам“... и ќе ти се искези... ... па кафе...
    за поручек јадеше нешто лесно... ќе си надроби попара, со млекце... обилен поручек, лепче со сирење, домати.... нешто свежо и пријатно, но да те држи.
    За ручек секогаш дома. Прво ракија со салата, па манџа, мефце... било што. И од тоа една добра порција...
    Имаше во малечки шишенца спакувано кисела вода и винце бело домашно. мерата му беше со секој ручек по едно шишенце кисела вода и по едно вино.
    За вечера пак нешто лесно... кисело млеко со лепче... така..

    Се треба да се јади, ама со мера. Вино, Кафе, ракија, мрсно, посно, млеко, јогурт... се му треба на организмот.

    За жал, јас како другиот дедо.:sreken.Не фаќам да си направам нешто ако треба сам да јадам.
    Пропушти го поручекот, замини некаде, напијај се кафе на гладно... за ручек поткасни нешто билошто од чаршија, понекогаш напијај се и нешто жестоко вештачко (џин, вотка, шток...) и така. И цел ден изгладнет, за вечера ќе се испрејадам јако, ќе купам нешто колбаси или стекови... воглавно сува храна.
    Свесен сум колку е штетно, но секогаш ми е нешто друго приоритет...
     
    На EmilijaS и MimeQueen им се допаѓа ова.
  9. Butterfly^^

    Butterfly^^ Истакнат Член

    Зачленет на:
    7 јануари 2013
    Мислења:
    239
    Допаѓања:
    271
    Па има ли подобар совет за здрав живот од редовна и правилна исхрана...
    Консумирање повеќе овошје и зеленчук, многу вода и физичка активност.
     
    На Mime Queen му/ѝ се допаѓа ова.
  10. MimeQueen

    MimeQueen Полноправен Член

    Зачленет на:
    13 јануари 2014
    Мислења:
    86
    Допаѓања:
    41
    Да,точно!:)
     

Сподели: