Кујнски трикови

Mila Kunis

Истакнат Член
15 февруари 2012
2,290
3,528
443
Скопје
Практични кујнски трикови

Заштитете ги компирите од појава на ‘ркулци. Чувајте ги компирите на темно место. За да ја спречите појавата на ‘ркулци, ставете во вреќата со компири едно јаболко. Менувајте го јаболкото секоја недела.

Штедете доматен сос. Многу често за приготвување на разни рецепти ни е потребно само мало количество доматен сос. Ако вие секогаш купувате по една опаковка, после секое готвење се чудите што да му правите на остатокот. Останатиот дел од доматниот сос можете да го замрзнете во форма на коцки мраз и да го употребите кога повторно ќе ви е потребен.

Бел ориз. За да ја зачувате убавата бела боја на оризот, додека го готвите во него додајте неколку капки лимон.

Свежо лупено јаболко. Доколку сакате сеченото јаболкото да не ја промени својата боја, ставете врз него неколку капки лимон.

Пресолено јадење. Ако јадењето е посолено отколку што треба, додајте во него пресечен домат без лушпа. Тој ќе одземе дел од солта. Ако јадењето кое го готвите е чорбесто, ставете во него 2-3 големи парчиња компир. Тие ќе одземат дел од солта, а на крајот лесно ќе можете да ги извадете.

Дафинов лист во зелка. Кога варите зелка, ставете во неа дафинов лист. Тој ќе ја намали непријатната миризба и ќе ѝ даде на зелката убава арома.

Позелени зеленчуци. Ако не ги поклопувате со капак зеленчуците додека се варат, тие ќе останат позелени.

Презреани домати. Ако доматите се презреани, потопете ги во вода, додајте во неа сол и оставете ги да стојат во неа една ноќ. Наредниот ден доматите ќе бидат поцврсти на допир.

Отстранете ја миризбата од кромид или лук од рацете. За да ја отстраните непријатната миризба од вашите раце по контактот со лук или кромид, истријте ги рацете со една чајна лажичка сол, помешана со малку вода. Тријте неколку минути и измијте ги рацете со ладна вода.

Премногу мрсна супа или манџа. За да го отстраните прекумерното масло, кое избива над супата или манџата, ставете од горе едно парче бел леб.

Како да изберете сочен лимон и да го исцедите максимално?
Кога ќе го земете лимонот во раката, тој треба да е цврст и тежок за својата големина. Кората треба да му е светложолта, без зелени дамки.
Најсочни се лимоните кои имаат тенка кора. Како по правило, лимоните со дебела кора имаат помалку сок. Лимоните со мазна површина обично имаат тенка кора и се сочни. Прескокнете ги лимоните со изразито релјефна површина.За максимално да го исцедите сокот од еден лимон, најпрво поставете го лимонот на рамна површина, ставете ја дланката над него и создавајќи мал притисок, потркалајте го напред-назад неколку пати. Потоа ставете го лимонот во микробранова печка 15-20 секунди. На крајот, исцедете го.

Како да не ви потонат парчињата овошје на дното на тортата или кексот?
Кога ќе направите сè како што треба според рецептот, воопшто не е забавно на крајот да добиете торта или колач во којшто сите вишни, цреши или јагоди се на дното.
За да не потонат парчињата овошни плодови, пред да ги ставите во тестото, испрпелкајте ги во малку брашно. Кога нивната површина ќе биде прекриена со тенок слој брашно, ставете ги во тестото.

Како полесно да го исчистите загореното тавче или тенџере?
Загореното тавче или тенџере предизвикува нервоза кај секоја домаќинка. Но, постои трик кој може значително да ви го олесни досадното напорно триење.
Посипете сода бикарбона по целото дно на садот и налејте малку вода, колку да се покрие дното. Оставете го да стои така неколку часа. Чистењето ќе ви биде многу полесно.

Како поточно да го измерите медот?
Многу е тешко да се измери точното количество мед кое го бара одреден рецепт, затоа што медот се лепи на површината на лажицата или шолјата.
За да го решите овој проблем, премачкајте ја лажицата или шолјата со малку маслиново масло. Така, медот ќе се лизга и ќе можете да го употребите целото количество што ќе го измерите.
Исто така, можете прво да ја потопите лажицата во жешка вода, а потоа да нацрпите мед.

Како полесно да напишете порака на тортата?
Декорирањето на тортата може да биде многу напорно, особено ако треба да напишете порака како „Среќен роденден“ со интересни букви или пак ако сакате да нацртате некоја форма.
Не се затрчувајте веднаш да испишувате со шприцот. Земете чепкалка за заби и напишете ги зборовите без многу да притискате. На тој начин лесно ќе можете да ги распределите буквите така што да има исто растојание меѓу нив, а потоа и да коригирате таму каде што е потребно. На крајот многу полесно е со шприцот само да ги пратите линиите.

Кој е најдобриот начин да скршите јајце?
Кога кршат јајце, најголем дел од луѓето го потчукнуваат на работ на чинијата. Но, во таков случај лушпата се раздробува на ситни парчиња и често некое парче завршува во јајцето (а не е баш лесно да се улови малата лушпа во белката).
За да го избегнете тоа, кога кршите јајце, внимателно потчукнете го на рамна површина.

Како да го спречите потемнувањето на излупените и исечените компири?
Ако спремате голем ручек или вечера и немате време да ги лупите и сечкате компирите непосредно пред да ги готвите, може да го направите тоа многу порано, а сепак тие да ја зачуваат својата светложолта боја.
За да не потемнат компирите, потопете ги во сад со ладна вода и ставете го садот во фрижидер. Доколку компирите се целосно потопени, нема потреба да се грижите дека ќе потемнат.

Како полесно да излупите чешне лук?
Со помош на нож отсечете го долниот крај на чешнето. Поставете го рамниот дел од голем нож врз чешнето и притиснете одгоре. Лушпите веднаш ќе се одделат и ќе можете без проблем да го излупите.

Како штицата за сечкање да не ви мириса на лук?
Не, не треба да ја фрлите штицата за сечкање ако се замириса од лук. Посолете ја со ситна сол, пресечете еден лимон на 4 полумесечини и со парчињата започнете да ја триете солта по површината на кујнската штица. Од време на време исцедувајте по малку сок од лимонот.
Оставете ја штицата да стои неколку часа прекриена со сок од лимон и сол, а потоа избришете ја.

Како е најдобро да замрзнете свеж магдонос или нане?
Исечкајте го магдоносот (онака како што сакате да го употребувате) и распоредете го во пластичен додаток за правење коцки мраз. Потоа потурете го со малку течност со коцка за супа и ставете го во замрзнувачот. Кога ќе се замрзнат коцките, соберете ги во кеса која добро се затвора за да не примат миризба. Вака замрзнатите коцки ќе ви послужат за зачинување на супа, манџа или сосови.
Нането, наместо со течност со коцка за супа, потурете го со вода и замрзнете го. Замрзнатите коцки со нане можат да ви послужат за коктели или за ладен чај.
 

Selma

Ingenious
15 февруари 2012
4,366
7,054
1,183
Не е некој кујнски трик но пратично е за салати.
Ако ставете повеќе оцет во салата, смао додајте малку сол.

Лимоновиот сок ги омекнува косите на рибата. Ако случајно голтнете коска од риба, земете мало залче леб, џвакајте го 1-2 пати и голтнете. (секогаш помага)
:)
 
  • Ми се допаѓа
Реакции: parvati and TheFrisb

parvati

Сангвиник
14 февруари 2012
6,710
13,879
973
за да не ви изгори млеко, кд ке га варите под тенџере стаите паричке(метални наравно : ) неколко, да не се лепи директно тенџере за ринглу : )
 
  • Ми се допаѓа
Реакции: Selma